Msaada wa Kibinadamu

Tume ya Baraza la Usalama imeanza safari rasmi ya kuzuru mataifa matano Afrika

Ujumbe maalumu wa Baraza la Usalama unaoongozwa na Balozi wa Uingereza Emyr Jones-Parry pamoja na Balozi Dumisani Khumalo wa Afrika Kusini uliondoka New York Alkhamisi, tarehe 14 Juni (2007) kuanza ziara ya wiki moja kutembelea mataifa matano katika Afrika, ikiwemo Ethiopia na Sudan.

MONUC imechukizwa na mauaji ya mwanahabari wa Redio Okapi

Mwakilishi Maalumu wa KM katika JKK (DRC), William Swing ametoa taarifa yenye kulaani vikali mauaji ya Serge Maheshe mwanahabari wa Redio Okapi, steshini ambayo hudhaminiwa na UM pamoja na Shirika la Kiswiss la Taasisi ya Hirondelle.

Ukame wazusha upungufu mkubwa wa chakula Lesotho

Ripoti mpya ya Shirika la UM juu ya Chakula na Kilimo (FAO) pamoja na Shirika la Miradi ya Chakula Duniani (WFP) imedhihirisha ya kwamba khumsi moja ya idadi ya watu nchini Lesotho, yaani watu 400,000, inakabiliwa na tatizo hatari la ukosefu mkubwa wa chakula, kufuatia ukame mbaya uliotanda karibuni kwentye taifa hilila kusini ya Afrika. Kwa mujibu wa taarifa UM hali hii haijwahai kuhushudiwa kieneo kwa muda wa miaka 30 ziada. Jumuiya ya kimataifa pamoja na wahisani wa kimataifa, wamehimizwa kushirikiana kipamoja kupeleka misaada ya dharura ya kihali, na pia misaada ya chakula, kwa Lesootho na katika mataifa jirani yanayokabiliwa na tatizo la ukame mbaya ili kunusuru maisha ya mamilioni ya raia wa kusini ya Afrika.

Mwimbaji Stara Thomas wa Tanzania kutetea uzazi salama

Shirika la UM juu ya Mfuko wa Kudhibiti Idadi ya Watu Duniani (UNFPA) imetangaza ya kuwa mwimbaji wa Tanzania, Stara Thomas, aliye maarufu katika ulimwengu unaozungumza Kiswahili, atatumia ujuzi wake wa kisanii kwa kushirikiana na UM katika huduma za kusaidia mama waja wazito nchini kwao na katika bara la Afrika kujikinga dhidi ya vifo vya katika uzazi na vifo vya watoto wachanga.

Hapa na pale

Juni 14 iliadhimishwa na UM kuwa ni Siku ya Kuchangia Damu Duniani, na mwaka huu Shirika la Afya Duniani (WHO) limetilia mkazo ulazima wa mama wazazi kupatiwa damu salama, hasa ilivyokuwa kila mwaka inakadiriwa mama wajawazito nusu milioni ziada hufariki kwa sababu ya kuvuja damu kunakokithiri wakati wa mimba na wakati wa kujifungua.~

Afrika kutawala ajenda ya Baraza la Usalama mwezi Juni

Balozi Johan C. Verbeke wa Ubelgiji, ambaye taifa lake limeshika madaraka ya uraisi wa Baraza la Usalama kwa mwezi Juni, aliwaambia waandishi habari wa kimataifa katika Makao Makuu kuwa kwamba anaashiria kuwepo “ajenda nzito” katika mijadala ya mwezi huu ya Baraza, na wingi wa mada zitakazozingatiwa kwenye Baraza, alisisitiza, zitahusu masuala ya Afrika.

Hali ya chakula katika Zimbabwe inaregarega; UNICEF kusaidia kuchanja watoto dhidi ya polio

Shirika la UM juu ya Mfuko wa Maendeleo ya Watoto (UNICEF) pamoja na mashirika wenzi yameanzisha kampeni ya pamoja ya kuwapatia watoto milioni 2 nchini chanjo dhidi ya maradhi ya kupooza (polio) katika Zimbabwe, hasa ilivyokuwa asilimia kubwa ya raia inakabiliwa na matatizo yanayosababishwa na kuporomoka kwa maendeleo ya uchumi kitaifa.

Hapa na pale

KM Ban Ki-moon amepokea kwa moyo thabiti maafikiano yaliofikiwa na viongozi wa kundi la G-8 kwenye mji wa Heiligendamm, Ujerumani ambapo walikubaliana kuchukua hatua za mapema, na zenye nguvu kukabiliana na athari za mabadiliko ya hali ya hewa duniani, na kuahidi kutumia mfumo wa Umoja wa Mataifa (UM) katika kuitekeleza miradi hiyo.

Kumbukumbu juu ya kikao cha 2007 cha Tume ya Kudumu ya UM juu ya Haki za Wenyeji wa Asili

Makala yetu wiki hii itazingatia maoni ya Catherine Mututua, anayewakilisha shirika lisio la kiserekali la Kenya linaloitwa NAMAYANA kuhusu kikao cha sita cha Tume ya UM juu ya Haki za Wenyeji wa Asili Duniani, ambaye anaelezea matarajio aliokuwa nayo juu ya uwezekano wa kuwatekelezea wenyeji hao haki zao kamili katika siku zijazo.

Siku ya Kimataifa Kuwakumbuka Walinzi wa Amani Duniani

Tangu miaka mitano iliopita, UM uliweka kando tarehe 29 Mei kuwa ni siku ya kuadhimishwa rasmi mchango wa wafanyakazi wa kimataifa, waume na wake, wa kutoka kanda mbalimbali za dunia ambao walitumia ujuzi wao, chini ya bendera ya UM, kulinda na kuimarisha amani ya kimataifa, na kuwapunguzia mateso ya hali duni umma wa kimataifa, pamoja na kuendeleza haki za binadamu na kudumisha huduma za maendeleo katika sehemu kadha wa kadha za ulimwengu.