Msaada wa Kibinadamu

UNHCR yaomba msaada kwa wakimbizi na jamii zinazowahifadhi nchini Sudan

Shirika la kuhudumia wakimbizi la Umoja wa Mataifa UNHCR  lina mpango wa kuongeza msaada kwa Sudan kwa kutoa  ombi la dola milioni 477 kusaidia wakimbizi 900,000 nchini humo pamoja na karibu watu robo milioni wanaowapa hifadhi katika kipindi cha mwaka mmoja ujao.

Ofisi ya Miradi ya UN na Benki ya Dunia washirikiana kuboresha maisha ya watu wa Yemen

Ofisi ya miradi ya Umoja wa Mataifa, UNOPS kwa kushirikiana na Benki ya dunia pamoja na wadau wenyeji, wanafanya juhudi za kuboresha huduma mijini pamoja na nishati ya umeme kwa mamilioni ya watu wa Yemen. Ni kufuatia miaka mitano ya vurugu nchini Yemen ambazo zimeharibu sana miundombinu na huduma za jamii zinazotegemewa sana na watu wa Yemen.

Jinamizi la tetemeko la 2010 bado linaighubika Haiti-IOM

Shirika la uhamiaji la Umoja wa Mataifa IOM linasema miaka 10 baada ya tetemeko baya zaidi kuwahi kukikumba kisiwa cha Haiti idadi kubwa ya watu waliotawanywa wameweza kurejea nyumbani lakini bado jinamizi la tetemko hilo linawaandama.

Wavenezuela bado wanaendelea kufungasha virago na kuingia Brazil wakiwemo watoto:UNICEF

Shirika la Umoja wa Mataifa la kuhudumia watoto UNICEF limesema maelfu ya watoto bado wanaendelea kuwa waathirika wa hali mbaya nchini Venezuela na kulazimika na familia zao kufungasha virago na kuingia nchi jirani ya Brazil.

Baraza la Usalama lapitisha azimio kuidhinisha kuendelea kwa shughuli za operesheni za kibinadamu mpakani Syria

Baraza la Usalama la Umoja wa Mataifa, Ijumaa limepitisha azimio la kuongeza muda wa msaada wa kibinadamu mpakani na operesheni za kibinadamu Syria, lakini kwa kupitia mpaka na Uturuki tu.

UNICEF kupewa dola milioni 2 na China kusaidia waathirika wa kimbunga Idai Zimbabwe

Shirika la Umoja wa Mataifa la kuhudumia watoto UNICEF nchini China, limetangaza hii leo kuwa mnamo tarehe 12 mwezi Desemba mwaka jana 2019, lilitia saini makubaliano ya msaada wa dola milioni mbili na Shirika la maendeleo la China, CIDCA ili kuwasaidia watu walioathirika na kimbunga Idai nchini Zimbabwe.

Chondechonde, watoto wanahitaji msaada zaidi kutokana na athari za moto-UNICEF Australia

Shirika la Umoja wa Mataifa la kuhudumia watoto UNICEF nchini Australia limetuma salamu zake za masikitiko kwa watoto na familia zilizoathirika na janga la moto linaloendelea kote nchini Australia.

WFP yakaribisha msaada wa dola milioni 3.39 kuwanusuru walioathirika na ukame Zambia

Shirika la Umoja wa Mataifa la mpango wa chakula duniani, WFP, hii leo limekaribisha mchango wa dola milioni 3.39 kutoka mfuko wa Marekani wa maendeleo ya kimataifa USAID kusaidia kutatua hitaji la haraka la chakula kwa watu walioathirika na ukame nchini Zambia. 

Sudan imehimizwa kuimarisha ulinzi, kurejesha amani kufuatia machafuko Darfur Magharibi

Mamlaka nchni Sudan imehimizwa kurejesha amani na utulivu wakati huu ambapo kunashuhudiwa machafuko ya kikabila katika jimbo la Darfur magharibi ambayo yalizuka Jumapili iliyopita na kusababisha vifo vya watu 65, majeruhi 54 na maelfu ya watu kutawanywa.

Wakimbizi zaidi ya 500 wa DRC wasaka hifadhi Uganda

Watu zaidi ya 500 kutoka Jamhuri ya Kidemokrasia ya Congo, DRC wamelazimika kusaka hifadhi katika nchi jirani ya Uganda kufuatia mapigano mapya yaliozuka juma lililopita nchini Jamhuri ya Kidemokrasia ya Congo DRC.