Msaada wa Kibinadamu

China yatoa dola milioni 1 kuipiga jeki operesheni za UNRWA

Serikli ya Uchina leo imetia saini makubaliano ya kuchangia dola milioni moja kwa shirika la Umoja wa Mataifa la msaada wa wakimbizi wa Kipalestina UNRWA.

UNICEF ikiongeza bajeti yake mara tatu kudhibiti Ebola, yataka dunia isikubali mlipuko utimize miaka miwili

Shirika la Umoja wa Mataifa la kuhudumia watoto, UNICEF limesema litahitaji kuongeza mara tatu bajeti yake ili kufanikisha operesheni zake kwenye majimbo ya Ituri na Kivu Kaskazini nchini Jamhuri ya kidemokrasia ya Congo, DRC ambayo yanakabiliwa na mlipuko wa Ebola sambamba na surua.

Iwapo ulizikosa wiki hii ya 22-26 Julai 2019

Mkurugenzi Mkuu wa shirika la nishati ya atomiki duniani, IAEA, Yukia Amano, aaga dunia, siku chache tu kabla ya kuwasilisha barua yake ya kujiuzulu wadhifa huo. Suala la wahamiaji na wakimbizi wanaosaka maisha bora barani Ulaya kupitia Mediteranea lapigiwa chepuo kwa hatua mpya chanya barani humo. Nchini Kenya mradi mpya kwenye pwani ya nchi hiyo washamirisha mikoko na biashara ya hewa ya ukaa. Baa la nzige latishia mustakabali wa chakula kwenye pembe ya Afrika na Yemen, na mtoto Mwigulu ambaye alikatwa mkono kisa tu ni albino azungumza na Idhaa ya Kiswahili ya Umoja wa Mataifa.

Kwa sasa hakuna visa vya Ebola nje ya Jamhuri ya kidemokrasia ya Kongo-WHO

Taarifa ya kila wiki kuhusu Ebola inayotolewa na shirika la afya duniani WHO, imesema kwa sasa hakuna kisa chochote cha Ebola nje ya Jamhuri ya kidemokrasia ya Kongo, DRC. Hata hivyo taarifa hiyo iliyochapishwa hii leo katika ukurasa wa WHO imeeleza kuwa mlipuko wa Ebola unaendelea katika maeneo ya Kivu Kaskazini na Ituri nchini DRC.

“Japo kidogo, mgao wa fedha wasubiriwa kama mlo wa mchana au jioni”- Mnufaika wa ECT

Mzozo wa Yemen ukiingia mwaka wa 5, shirika la Umoja wa Mataifa la kuhudumia watoto, UNICEF limesema tarkibani watu milioni 9 wamenufaika na mzunguko wake wa 5 wa kuwapatia watu fedha za kujinunulia mahitaji muhimu.

WFP inapambana kurejesha hali nzuri baada ya mafuriko katika kambi za wakimbizi Bangladesh- Herve Verhoosel

Upepo mkali wa monsuni umeendelea kuleta mvua kubwa ambazo zimesababisha mafuriko kusambaa na kuleta uharibifu kaskazini magharibi mwa Bangladesh na pia katika kambi ya wakimbizi ya Cox’s Bazar, ameeleza hii leo msemaji mkuu wa shirika la Umoja wa Mataifa la mpango wa chakula duniani WFP, Herve Verhoosel.

Uharibifu wa makazi ya wapalestina unakiuka mapendekezo ya ICJ- Taarifa ya pamoja

Taarifa ya pamoja ya Jamie McGoldrick, mratibu wa masuala ya kibinadamu wa Umoja wa Mataifa kwenye eneo linalokaliwa la wapalestina, Bi. Gwyn Lewis mkurugenzi wa operesheni za shirika la Umoja wa Mataifa la msaada kwa wakimbizi wa Kipalestina UNRWA na bwana James Heenan mkuu wa ofisi ya haki za bindamu katika ofisi ya maeneo yaliyokaliwa ya Palestina imesema wanafuatilia kwa karibu kwa huzuni kubwa na uharibifu wa makazi ya wapalestina katika eneo la Sur Bahir.

Matendo ya nchi nyingine yanayosababisha mabadiliko ya tabianchi, yanatuathiri sisi tusio na hatia-Msumbiji

Miezi minne baada ya vimbunga viwili kikubwa kuipiga Msumbiji, WFP inadhihirisha kuwa gharama za mabadiliko ya tabianchi ni mbaya. Tathimini ya chakula ya hivi karibuni inaonesha kuwa watu milioni 1.6 wako hatarini kukosa chakula angalau kufikia mwezi septemba mwaka huu wa 2019. Hata hivyo WFP inajaribu kupambana na kupitia video yake mpya, shirika hilo linaonesha hali halisi ili kuwachagiza wadau kunyoosha mkono na kusaidia.

Watu milioni 2 wahitaji msaada wa chakula kufuatia ukame Zimbabwe:WFP

Asilimia 38 ya watu wote wanaoishi vijijini nchini Zimbabwe sawa na takribani watu milioni 3.5 kuanzia sasa hadi mwisho wa msimu wa mavuno Septemba 2019 hawana uhakika wa chakula kutokana na ukame wa mara kwa mara.

Takribani watu milioni 1.9 hawatokuwa na chakula Msumbiji wakati wa msimu wa muambo:WFP

Ripoti iliyotolewa karibuni inayoelezea hali ya uhakika wa chakula nchini Msumbiji (IPC) inaonesha kuwa baada ya kukumbwa na vimbunga viwili zaidi ya watu milioni 1.6 wako katika hali mbaya ya kutokuwa na uhakika wa chakula katika kiwango cha daraja la 3 au zaidi katika wilaya 63 ambazo zimefanyiwa tathimini.