Msaada wa Kibinadamu

Chuo Kikuu cha wakimbizi kufunguliwa Kenya:UNHCR 

Umoja wa Mataifa unatambua kuwa wakimbizi nao licha ya kukimbilia ugenini kuokoa maisha yao, bado wana stadi mbalimbali na ujuzi ambao ukinolewa unaweza kuboresha siyo tu maisha yao bali pia maisha ya kule ambako wamesaka hifadhi.

Watoto zaidi watumikishwa jeshini Yemen

Kadri siku zinavyosonga hali ya kibinadamu nchini humo inazidi kuwa tete huku mapigano yakiendelea raia wakigharimika zaidi. Baraza la Usalama la Umoja wa Mataifa limejulishwa hii leo huku  likipatiwa mambo matatu ya kipaumbele ili kushughulikia janga hilo linaloelezwa kuwa ni kubwa zaidi la kibinadamu duniani.

Mlipuko wa kipindupindu wadhibitiwa miongoni mwa wakimbizi, Uganda

Licha ya idadi ya wakimbizi walioambukizwa maradhi ya kipindupindu nchini Uganda kuongezeka hadi 949 kutoka takribani wagonjwa 700 Ijumaa iliyopita, Shirika la Umoja wa Mataifa la Kuhudumia Wakimbizi, UNHCR, nchini humo limesema mlipuko huo umeanza kudhibitiwa.

Shughuli za kisiasa Burundi zimebinywa- Kafando

Nchini Burundi,  sintofahamu ya kisiasa, kiuchumi na kijamii iliyoanza baada ya Rais Pierre Nkurunzinza kuongeza muda wa uongozi na kuingia awamu ya tatu bado inaendelea na sasa yaelezwa kuwa shughuli za vyama vya kisiasa zinaendeshwa na watu wachache.

Tunasaka misaada endelevu badala ya dharura pekee- UNHCR

Wakimbizi wanapowasili ugenini huduma ya kwanza ni mahitaji ya dharura kama vile maji, huduma  za afya na malazi kinachofuatia ni huduma za baadaye na endelevu. Mahitaji kama vile stadi za kazi na hata ajira.

Mauritania yapatia vyeti vya kuzaliwa wakimbizi wa Mali

Heko Mauritania kwa kuanza kuwapatia vyeti vya kuzaliwa watoto ambao ni wakimbizi kutoka Mali walioko nchini  humo.

Watoto wa Rohingya 720,000 mashakani-UNICEF

Msimu wa mvua na pepo kali unaokaribia pamoja na ghasia kwa upande mwingine ni mwiba kwa watoto zaidi ya 700,000 waliokumbwa katika mgogoro wa wakimbizi wa Rohingya.

Wakimbizi Kyaka II, Uganda walilia huduma za afya

Nchini Uganda wawakilishi wa mashirika ya Umoja wa Mataifa likiwemo lile la kuhudumia wakimbizi, UNHCR na wahisani wametembelea kituo cha hifadhi ya wakimbizi cha Kyaka II ili kutathmini mahitaji ya kituo hicho na wenyeji wanaokizunguka.

Twasema yatosha, dunia yataka tuendelee kupigwa- Wakazi Ghouta

Kwa mara nyingine tena jamii ya kimataifa inaendelea kulaumiwa na wakazi wa Ghouta Mashariki kwa kutochukua hatua kukomesha ukatili unaoendelea kwenye eneo hilo nchini Syria. Makombora yanatesa raia na sasa sauti zao kutoka uwanja wa mapigano zimewasilishwa mbele ya Baraza la Usalama la Umoja wa Mataifa.

Jamhuri ya Afrika ya Kati yahitaji msaada wa kibinadamu-UN

Jamhuri ya Afrika ya Kati  CAR inakabiliwa na mgogoro mkubwa wa kibinadamu. Ghasia zinasambaa taifa zima kwa haraka na raia wa kawaida wanaendelea kutaabika na hali ya kutokuwa na usalama nchini humo.