Msaada wa Kibinadamu

Mazao ya nafaka 2007 kuvunja rikodi: FAO

Shirika la UM juu ya Chakula na Kilimo (FAO) linaashiria uzalishaji wa mazao ya nafaka duniani kwa 2007 utavunja rikodi na kuongezeka kwa asilimia 5. Jumla ya mazo ya nafaka inabashiriwa kufikia tani milioni 2,095.

Tume ya Kudumu ya Haki za Wenyeji as Asili inakutana Makao Makuu

Wawakilishi zaidi ya 1,000 walio wenyeji wa asili, kutoka sehemu kanda mbalimbali za dunia, walikusanyika kuanzia mwanzo wa juma, katika Makao Makuu ya UM mjini New York, kuhudhuria kikao cha wiki mbili cha Tume ya Kudumu ya UM juu ya Haki za Wenyeji wa Asili.

Tume ya Kudumu ya Haki za Wenyeji as Asili inakutana Makao Makuu

Wawakilishi zaidi ya 1,000 walio wenyeji wa asili, kutoka sehemu kanda mbalimbali za dunia, walikusanyika kuanzia mwanzo wa juma, katika Makao Makuu ya UM mjini New York, kuhudhuria kikao cha wiki mbili cha Tume ya Kudumu ya UM juu ya Haki za Wenyeji wa Asili.

WFP itaongeza huduma za chakula Usomali

Shirika la UM juu ya Miradi ya Chakula Duniani (WFP) limeanzisha operesheni ziada kuhudumia chakula watu 122,500 nchini Usomali, wingi wao wakiwa watoto wadogo na wanawake, ambao waliathirika kihali kutokana na mapigano yaliofumka karibuni kwenye maeneo yao.

Mradi wa kudhibiti homa ya manjano kuanzishwa na WHO Afrika Magharibi

Baraza Kuu la Shirika la Afya Duniani (WHO), ambalo linakutana sasa hivi Geneva, Uswiss limepitisha mradi wa kuanzisha kampeni ya kudhibiti homa ya manjano katika mataifa 12 yaliopo Afrika Magharibi. Kwa mujibu wa WHO maradhi ya homa ya manjano yaligunduliwa kuibuka katika baadhi ya sehemu za Afrika Magharibi na kunahitajika juhudi za dharura kuyadhibiti yasije yakafumka kwa kasi na kulitapakaza janga hilo kwa umma uliobanwa na matatizo kadha mengineyo ya kiuchumi na jamii.

Msaada zaidi unahitajika Bukini baada ya maafa ya tufani

Ofisi ya UM juu ya Misaada ya Dharura (OCHA)imeripoti kuwa imewajibika kuomba msaada zaidi wa dola milioni 20 kwa Bukini, kukidhia mahitaji ya kihali ya umma ulioathirika na maafa yaliosababishwa na kimbunga kilichopiga huko mnamo miezi miwili iliopita.

Mkuu wa UN-HABITAT anafafanua athari za mazingira haribifu katika miji

Kamisheni ya UM juu ya Maendeleo ya Kudumu (CSD) ilikutana hapa Makao Makuu kwenye mijadala ya wiki mbili na kuangaza ajenda yake kwenye yale masuala yanayoambatana na mabadiliko ya hali ya hewa ulimwenguni, na namna mageuzi haya yanavyotatanisha huduma za maendeleo ya kiuchumi na jamii.

Baraza la Usalama lina wasiwasi juu ya mvutano wa Ethiopia/Eritrea

Baraza la Usalama limeitisha kikao maalumu kusailia ripoti mpya ya KM juu ya hali ya usalama na amani mipakani kati ya Ethiopia na Eritrea. Mkurugenzi wa Kitengo kinachohusika na Masuala ya Afrika katika Idara ya Operesheni za Amani za UM, Dmitri Titov aliiwakilisha ripoti na kuelezea, kwa mukhtasari, matukio yaliojiri karibni kwenye eneo husika la Pembe ya Afrika.

WFP imeanzisha tena ugawaji wa chakula Mogadishu

Shirika la UM juu ya Miradi ya Chakula Duniani (WFP) imeanzisha tena huduma za kugawa chakula, pamoja na huduma nyenginezo za kihali, kwa wakaazi na wahamaji 16,000 wa Mogadishu, Usomali mnamo wiki hii. WFP ilitarajiwa kuwapatia watu 114,000 msaada wa chakula mnamo mwisho wa wiki, ikijumuisha idadi ya wakazi waliohajiri mji baada ya vita kuanza, pamoja na wale ambao walishindwa kukimbia mapigano na kunaswa ndani ya mastakimu yao wakati uhasama uliposhtadi.

Msaada mpya kwa WFP kuashiria mwisho wa mgawo wa dharura Uganda

Shirika la UM juu ya Miradi ya Chakula Duniani (WFP) imepokea msaada wa yuro milioni 5 kutoka Ofisi ya Misaada ya Kiutu ya Kamisheni ya Ulaya (ECHO) pamoja na mchango ziada mwengineo ambao tuliarifiwa utatumiwa kugawa chakula kwa watu milioni 1.28 waliong\'olewa makwao nchini Uganda. Msaada huu utaipatia WFP fursa ya kurudisha posho kamili ya chakula kwa umma huo muhitaji ambao siku za nyuma walialzimika kupatiwa posho haba kwa sababu ya upungufu wa misaada ya kuendeleza shughuli hizo.