Shirika la umoja wa mataifa linalohusika na mawasiliano ITU limezindua shindano maalumu ambalo litashuhudia mshindi akiondoka na kitita cha dola za marekani 10,000 iwapo atafanikiwa kubuni matumizi ya simun ya mkononi ambayo ni rafiki kwa mazingira.

Utafiti uliondeshwa na Umoja wa Mataifa unaonyesha kuwa mashambulizi dhidi ya wafanyikazi wa kutoa huduma za kibinadamu yameongezeka mara tatu zaidi kwa muda wa miaka kumi iliyopita ambapo wafanyikazi 100 huuawa kila mwaka hususan kwenye maeneo yanayokabiliwa na mizozo kama vile Afghanistan, Pakistan na Somalia.

Shirika la kimataifa la uhamiaji IOM linawasaidia wapiganaji wa zamani Sudan Kusini kurejea maisha ya kawaida wakati eneo hilo linapojiandaa kuadhimisha uhuru wake mwezi Juni mwaka huu kufuatia kura ya maoni iliyofanyika mapema mwaka huu.

Zaidi ya walibya 500 wanaokimbia mzozo kwenye maeneo ya milima ya magharibi nchini Libya wanaripotiwa kuvuka mpaka na kuchukua hifadhi katika eneo la Dehiba kusini mwa Tunisia.