Msaada wa Kibinadamu

Maelfu ya waliotawanywa na volkano DRC wahitaji msaada wa haraka:UNHCR

Mamia kwa maelfu ya watu waliotawanywa na mlipuko wa volcano wa mlima Nyiragongo Masharki mwa Jamhuri ya Kidemokrasia ya Congo DRC, sasa wanahitaji msaada wa haraka katika maeneo walikokimbilia na kupata hifadhi kwa mujibu wa shirika la Umoja wa Mataifa la kuhudumia wakimbizi UNHCR. Flora Nducha anasimulia zaidi 

Mradi wa kunusuru kaya maskini mijini huko Ethiopia waondoa unyonge kwa familia 

Nchini Ethiopia mpango wa kusaidia kaya maskini kwa kuzipatia fedha, sasa unaongezwa kiwango cha fedha kutoka dola 13 kwa mwezi hadi dola 21 kwa mwezi baada ya shirika la Umoja wa Mataifa la kuhudumia watoto, UNICEF na wadau kuingia makubaliano ya kusaidia serikali katika mpango huo kwa miezi sita ijayo.

Ruzuku za IFAD zatunusuru na maambukizi ya COVID-19

Mfuko wa kimataifa wa maendeleo ya kilimo -IFAD umewawezesha wanakijiji nchini Ethiopia kujipatia kipato kupitia mradi wa uchimbaji wa mifereji ya kuzuia maji yasiharibu mazingira na kudhibiti mmonyomoko wa udongo uliokuwa ukiathiri kilimo na hivyo kuwakosesha mapato. Mradi huo pia umewawezesha kujinusuru na maambukizi ya corona.

Volkano ya Nyiragongo imesambaratisha maisha yetu- Mkimbizi kutoka DRC 

Shirika la Umoja wa Mataifa la kuhudumia wakimbizi, UNHCR na wadau wengine wanawasaidia watu waliolazimika kuyakimibia makazi yao baada ya mlipuko wa volkano katika Mlima Nyiragongo nchini Jamhuri ya Kidemokrasia ya Kongo, DRC. Wengi walivuka mpaka kwenda nchi jirani ya Rwanda ambako sasa wanapata usaidizi.

UNICEF Uganda yawarejeshea matumaini ya maisha yatima wawili baada ya mama yao kufa kwa VVU

Shirika la Umoja wa Mataifa la kuhudumia watoto UNICEF kwa msaada wa serikali ya Japan limefungua mlango wa maisha mapya kwa watoto yatima waliopoteza matumaini baada ya kifo cha mama yao.  Yatima hao Paul na Florenc,  miaka sita iliyopita waliachwa yatima na bila makazi ya kuaminika na bila chochote mama yao alipofariki dunia kwa ukimwi katika wilaya ya Kabale nchini Uganda lakini leo hii wanasema makazi mapya waliyojengwa na UNICEF ni ukurasa mpya wa maisha yao.

Kama si UNICEF na mdau wake Foi En Action, nisingefika popote - Jeannette Niyibigira 

Kutokana na mabadiliko ya mifumo ya mvua, hali ambayo imekuwa ikileta maafa nchini Burundi na kusababisha mafuriko, maporomoko ya ardhi na kuharibu mazao, Jeannette Niyibigira, pamoja na mumewe na watoto 5, walilazimika kuyahama makazi yao ya Gatumba, na sasa wanaishi katika kambi ya Kiragaramango ambako kama si mkopo mdogo kutoka shirika la Foi En Action (Faith in Action) ambalo ni wadau wa UNICEF, Camp, maisha yangekuwa magumu zaidi.

Waliokufa kwa mlipuko wa volkano Nyiragongo wafikia 32.

Idadi ya watu waliokufa kutokana na mlipuko wa volkano katika mlima Nyiragongo jimboni Kivu Kaskazini nchini Jamhuri ya Kidemokrasia ya Congo, DRC imeongezeka na kufikia wawtu 32 huku Umoja wa Mataifa ukiongeza jitihada za kufikisha misaada. 

Programu ya rafiki imenipa ujasiri niliohitaji kuanza maisha mapya Ubelgiji:Mkimbizi Marie-Reine

Kutana na mkimbizi Marie-Reine kutoka Jamhuri ya Afrika ya Kati CAR, ambaye sasa amepata hifadhi na anaishi Namur nchini Ubeligiji. Alipowasili hakujua yeyote na wala wapi pa kuanzia ili kuweza kujikimu katika nchi ya tatu ugenini, lakini kupitia program ya shirika la Umoja wa Mataifa la kuhudumia wakimbizi UNHCR ijulikanayo kama “Rafiki” ambayo ni ya muongozo wa kukuza stadi na ujuzi ili kuwasaidia wakimbizi na waomba hifadhi, Marie-Reine amefungua ukurasa mpya wa maisha yake.

Mashirika ya UN yapambana na utapiamlo shuleni Guatemala 

Guatemala ni taifa linaloshika nafasi ya 4 kwa kuwa na viwango vya juu vya utapiamlo duniani, lakini sasa kwa msaada wa mashirika ya Umoja wa Mataifa lime la mpango wa chakula duniani WFP, la chakula na kilimo FAO na mfuko wa kimataifa wa maendeleo ya kilimo IFAD changamoto hiyo inadhibitiwa kwa kuhakikisha mlo shuleni.

Hali ya njaa Madagascar ni tete! UN na serikali wataka msaada wa haraka 

Msaada wa kibinadamu wa haraka unahitajika ili  kuwanusuru wananchi waishio kusini mwa Madagascar ambao sasa wanakabiliwa na baa la njaa kutokana na ukame ulioikumba nchi hiyo. Mashirika mawili ya umoja wa mataifa kwa kushirikiana na serikali ya nchi hiyo wametoa wito huo wakati huu ambapo takribani watu milioni 1.4 kusini mwa nchi hiyo hawana uhakika wa mlo wao huku watoto wakiendelea kupoteza maisha.