Msaada wa Kibinadamu

Hali mbaya Sudan Kusini msaada wa kibinadamu unahitajika

Dola milioni 400 zinahitajika haraka ili kuweza kusaidia kutoa huduma za msingi za mahitaji ya kibinadamu nchini Sudan Kusini. 

Mradi wa FAO wa dola milioni 17 kusaidia wakulima nchini Ukraine

Katika kushughulikia kupanda kwa bei za vyakula duniani kote shirika la Umoja wa Mataifa la Chakula na Kilimo FAO limezindua mradi wa dola milioni 17 wa kusaidia wakulima nchini Ukraine ili kuokoa mavuno yao katika kipindi cha mwezi huu wa Julai na ujao wa Agosti huku wakihakikisha uuzaji wa mazao nje ya nchi. 

Mataifa ya Ulaya msiweke Watoto vizuizini:UN

Nchi za barani Ulaya zimeshauriwa kuacha kuwaweka Watoto wahamiaji vizuizini na badala yake watumie njia mbadala ambazo hazitasababisha Watoto hao kuathirika kisaikolojia, kuzidisha mfadhaiko na wasiwasi pamoja na unyanyasaji. Haya yamesemwa kwenye taarifa ya pamoja ya mashirika matatu ya umoja wa Mataifa la kuhudumia wakimbizi UNHCR, la kuhudumia Watoto UNICEF na la uhamiaji IOM.

Nchi tatu zaidi Afrika zagundua kuwa na wagonjwa wa Monkeypox

Wakati nchi tatu ambazo awali hazikuwa na historia ya kuwa na ugonjwa wa ndui ya nyani au Monkeypox zikiripoti kuwa na wagonjwa katika mataifa yao, Shirika la Umoja wa Mataifa la Afya ulimwenguni WHO kanda ya Afrika imetangaza kuanza kufanya kazi na mataifa ya Afrika katika kuimarisha uwezo wa nchi kufanya uchunguzi wa kimaabara ili kubaini wagonjwa hao kwa haraka na kuzuia kuenea kimya kimya kwa ugonjwa huo.

WHO yaanzisha kituo maalum cha kusaidia wananchi wa Pembe ya Afrika

Shirika la Umoja wa Mataifa la afya ulimwenguni WHO limetangaza kuongeza shughuli zake katika ukanda wa Afrika Mashariki kwa kuanzisha kituo maalum cha huduma jijini Nairobi nchini Kenya wakati huu eneo hilo likikabiliwa na uhaba mkubwa wa chakula unaosababishwa na migogoro, matukio mabaya ya mabadiliko ya tabianchi ikiwa ni pamoja na ukame mbaya zaidi kushuhudiwa katiak kipindi cha miaka 40, kupanda kwa bei ya chakula kimataifa pamoja na bei ya mafuta.

Ndoa za utotoni zashamiri Pembe ya Afrika - UNICEF

Watoto wa kike wenye umri mdogo hata miaka 12 huko Pembe ya Afrika wanalazimishwa kuolewa sambamba na kukeketwa au FGM, katika viwango vya kutisha wakati huu ambapo ukame mkali kuwahi kukumba eneo hilo katika kipindi cha miaka 40 ukisukuma familia katika mazingira magumu, limesema shirika la Umoja wa Mataifa la kuhudumia watoto duniani, UNICEF.

Kuokoa watu Kenya, Somalia, Djibouti na Ethiopia, FAO yaomba dola milioni 172

Kutokana na kuongezeka kwa hatari ya njaa katika Pembe ya Afrika kunakosababishwa na hali mbaya ya ukame wa muda mrefu, shirika la Umoja wa ,Mataifa la Chakula na Kilimo FAO, limeonya kuwa msaada wa dharura wa kuokoa maisha unahitajika haraka ili kuepusha janga la kibinadamu. 

Watoto milioni 3.5 wanahitaji haraka maji ya kunywa kufuatia mafuriko Bangladesh:UNICEF

 Shirika la Umoja wa Mataifa la kuhudumia Watoto UNICEF limesema leo kwamba mafuriko yaliyolikumba eneo la Kaskazini mashariki mwa Bangladesh yameongeza zahma wiki iliyopita katika hali ya watoto ambayo tayari ilikuwa mbaya. 

 

Maisha ya watu milioni 20 yako njiapanda Ethiopia kutokana na vita, ukame na uhaba wa chakula:WFP

Njaa inazidi kuwazonga zaidi ya waethiopia milioni 20 ambao wanakabiliwa na vita kaskazini mwa nchi hiyo, ukame katika eneo la kusini na kupungua kwa msaada wa chakula na lishe kuanzia mwezi ujao, limeonya shirika la Umoja wa Mataifa la mpango wa chakula duniani WFP 

Watoto milioni 8 wako katika hatari ya kifo kutokana na uzito mdogo kupindukia:UNICEF 

Takriban Watoto milioni 8m walio na umri wa chini ya miaka 5 katika nchi 15 zinazokabiliwa na majanga wako katika hatari ya kifo kutokana na uzito mdogo kupindukia endapo hawatapata haraka matibabu ya lishe na huduma zinazotakiwa limeonya leo shirika la Umoja wa Mataifa la kuhudumia watoto UNICEF.