Msaada wa Kibinadamu

UM umeanzisha huduma za kuwasaidia waathiriwa wa mafuriko katika Msumbiji

Mnamo mwanzo wa wiki UM ulianzisha operesheni maalumu za dharura za kugawa chakula na kuokoa wale raia walionaswa baada ya mvua kali kunyesha na kuzusha mafuriko mabaya ya kihistoria katika Msumbiji, hasa katika eneo ya kati. Hali hiyo iliwalazimisha watu 85,000 kuhajiri makazi yao.

UNHCR kuharakisha operesheni za kurudisha wahamiaji Sudan ya kusini

Shirika la UM juu ya Huduma za Wahamiaji (UNHCR) limeripoti kuongeza kasi kwenye operesheni zake za kuwarudisha makwao wahamiaji wa ndani ya nchi (IDPS) wa eneo la Blue Nile, Sudan ya kusini.

Watoto masikini na mayatima Zimbabwe kufadhiliwa misaada ya maendeleo na UM

Shirika la UM juu ya Mfuko wa Maendeleo kwa Watoto (UNICEF) wiki hii limetiliana sahihi na Serekali ya Zimbabwe, pamoja na mashirika 21 yasio ya kiserekali, maafikiano ya kufadhilia jumuiya za kiraia misaada ya kuhudumia uandikishaji ziada wa watoto masikini na mayatima 350,000, ili waweze kuhudhuria masomo ya skuli za msingi. Vile vile msaada huo unatazamiwa kuwahudumia afya na kuboresha lishe watoto husika.

KM Ban Ki-moon ameliarifu Baraza la Usalama juu ya ziara yake Afrika

Mapema wiki hii KM Ban Ki-moon alikutana na wajumbe wa Baraza la Usalama, kwenye kikao cha faragha, na walizingatia matokeo ya mazungumzo aliyokuwa nayo KM na viongozi wa Umoja wa Nchi Huru za Afrika (AU) walipokutana kwenye pambizo za Mkutano Mkuu uliofanyika karibuni katika mji wa Addis Ababa, Ethiopia.

Naibu KM mpya aahidi usimamizi wa kazi za UM kwa nidhamu za fungamano

Ijumatatu, Februari 05 (2007) Asha-Rose Migiro, aliyekuwa Waziri wa Mambo ya Nje na Maendeleo wa Tanzania aliapishwa rasmi kuwa Naibu KM mpya wa UM. Baada ya Bi Migiro kuapishwa na kutia sahihi waraka za UM alijulishwa na KM Ban Ki-moon na waandishi habari wa kimataifa waliopo Makao Makuu ya Umoja wa Mataifa. Naibu KM Migiro aliwaambia wanahabari hawo kwamba atajitahidi kama awezavyo kuziongoza kazi za UM kwa nidhamu iliyoungana, na kwa taratibu zinazoeleweka kwa masilahi na natija za taasisi hii pekee ya kimataifa.

Maelfu wanahitajia misaada ya kihali kusini Afrika baada ya mafuriko haribifu

Shirika la WFP limeripoti mafuriko haribifu yametanda karibuni kusini ya Afrika na kuathiri maisha na usalama wa makumi elfu ya watu waliojikuta wamenaswa na kuinuka kwa kina cha maji katika maeneo yao,hali ambayo imeangamiza mazao, nyumba na kuchukua maisha ya darzeni za watu.

Mataifa Wanachama yakutana mjini Paris kuzingatia ukomeshaji wa matumizi ya watoto katika mikwaruzano ya vita

Mnamo mwanzo wa wiki wawakilishi kutoka mataifa wanachama 58 walikutana kwa siki mbili katika mji wa Paris, Ufaransa kwenye mkutano uliopitisha itifaki ya kukomesha, kote ulimwenguni, tabia karaha na vitimbi haramu vya kuajiri kwa nguvu watoto wanaolazimishwa kushiriki katika vita na mapigano.

Mjumbe wa UM juu ya Haki za Watoto Walionaswa kwenye Uhasama kuzuru Sudan

Mjumbe Maalumu wa UM juu ya Hifadhi ya Watoto kwenye Mazingira ya Uhasama na Vita, Radhika Coomaraswamy anatazamiwa kuzuru Sudan mwisho wa wiki kwa kuitikia mwaliko wa Serekali ya Sudan.

EU kufadhilia dola milioni 1.3 WFP kuhudumia chakula wahamiaji wa Sahara ya Magharibi

Shirika la UM juu ya Miradi ya Chakula Duniani (WFP) limepokea kutoka idara inayohusika na misaada ya kiutu ya Umoja wa Ulaya (EU) msaada wa dola milioni 1.3 ulikusudiwa kuhudumia wahamiaji wa Sahara ya Magharibi waliopo Algeria.

Didier Drogba ameteuliwa kuwa balozi mfadhili wa UNDP

Didier Drogba, mchezaji mashuhuri wa mpira kutoka Cote d’Ivoire anayechezea timu ya Chelsea ya Uingereza, na kuongoza kwa kufunga magoli mengi zaidi kushinda wachezaji wengine Ulaya hivi sasa, ameteuliwa na Shirika la UM juu ya Miradi ya Maendeleo (UNDP) kuwa Balozi Mfadhili, atakayesaidia kwenye zile juhudi za kuhamasisha umma wa kimataifa kujumuisha mchango wao maridhawa, ili kukamilisha, kwa wakati, yale Malengo ya Maendeleo ya Milenia (MDGs).