Msaada wa Kibinadamu

UNHCR kuhudumia maelfu ya wahamiaji wa Usomali walioathiriwa na mafuriko nchini Kenya

Shirika la UM juu ya Wahamiaji (UNHCR) limeripotiwa kushiriki hivi sasa kwenye shughuli kuhudumia misaada ya kihali kwa maelfu ya Wasomali walioathirika na maafa ya mvua kali zilizojiri karibuni katika eneo la kaskazini-mashariki ya Kenya, hususan katika zile kambi za wahamiaji za jimbo la Dadaab. Kwa mujibu wa UNHCR mvua hizo zilizusha mafuriko yalioeneza uharibifu mkubwa katika sehemu hiyo ya nchi.~

Shirikisho la Urusi kusaidia Kenya kukabilina na ukame

Shirika la UM juu ya Miradi ya Chakula Duniani (WFP) limefadhiliwa msaada wa dharura wa dola milioni 2 kutoka Shirikisho la Urusi utakaotumiwa kwenye operesheni za kuwapatia chakula watu milioni 3 nchini Kenya, walioathirika na tatizo la ukame.

Wahamiaji 800 kutoka Senegal kuhama makazi na kuelekea Gambia wakikimbia mapigano

Shirika la UM juu ya Huduma za Wahamiaji (UNHCR) limeripoti ya kuwa mnamo wiki mbili zilizopita wahamiaji 800 ziada kutokea jimbo la Casamance la Senegal ya kusini wameyahama makazi yao na kukimbilia vijijini katika taifa jirani la Gambia kujiepusha na mapigano yaliofumka nchini mwao kati ya vikosi vya Serekali na waasi wanaotaka kujitenga, tangu mwezi Agosti mwaka huu.

WFP yalalama, upungufu wa michango unahatarisha maisha ya mamilioni kusini ya Afrika

Shirika la UM juu ya Miradi ya Chakula Duniani (WFP) limenakiliwa likiripoti ya kuwa limelazimika kupunguza ile posho ya chakula wanayofadhiliwa watu muhitaji milioni 4 katika eneo la kusini ya Afrika, kwa kima kikubwa zaidi, kwa sababu ya uhaba wa michango kutoka wahisani wa kimataifa.

Baraza la Usalama kuridhia kuanzishwa ofisi ya kuimarisha amani Burundi

Baraza la Usalama limepitisha, kwa kauli moja, azimio la kuanzisha ofisi maalumu mpya nchini Burundi (Bureau Integre des Nations Unies au Burundi, BINUB)itakayopewa dhamana ya kusaidia kujenga utulivu wa kudumu nchini baada ya Shirika la UM juu ya Ulinzi wa Amani (ONUB) kukamilisha operesheni zake mwisho wa mwaka (31 Disemba 2006).

Wahamiaji wa Burundi katika Tanzania kupatiwa makazi mapya Marekani

Shirika la UM juu ya Huduma za Wahamiaji (UNHCR) limeripoti kuwa Serekali ya Marekani ipo tayari kuwapatia makazi mapya wale wahamiaji 13,000 wa Burundi pamoja na wazawa wao ambao wanayoyoma kwenye kambi za wahamiaji nchini Tanzania tangu 1972 pale walipokimbia mauaji ya halaiki nchini mwao.

UM waomba msaada wa dharura kunusuru maisha ya wahamiaji wa Usomali katika Kenya

UM umetoa ombi la dharura uitakayo jamii ya kimataifa kufadhilia dola milioni 35 ili kukidhia mahitaji ya kihali kwa wahamiaji 35,000 wa Usomali waliopo Kenya hivi sasa ambao asilimia kubwa yao ni wafugaji walioathirika na hali ya uhasama uliozuka makwao ikichanganyika na ukame.

WFP inahitajia msaada wa dharura wa dola milioni 44 kuhudumia walioathirika na ukame Kenya

Shirika la UM juu ya Miradi ya Chakula Duniani (WFP) limeripoti kuwa linahitajia kufadhiliwa, haraka iwezekanavyo, na wahisani wa kimataifa msaada wa dola milioni 44 ili kuhudumia operesheni zake nchini Kenya katika kiezi sita ijayo na kunusuru maisha ya umma ulioathirika na ukame. Ijapokuwa idadi ya watu wanaohitajia msaada wa chakula imeteremka kwa sasa, kutokana na mvua za karibuni, hata hivyo WFP bado itahitajia kupatiwa msaada wa kununua nafaka, chakula cha dharura ambacho hupendelewa zaidi na waathiriwa wa ukame.

Umoja wa Mataifa unaadhimisha Siku ya Amani ya Kimataifa

Alkhamisi, tarehe 21 Septemba iliadhimishwa na Umoja wa Mataifa (UM), kote duniani, kuwa ni Siku ya Amani ya Kimataifa. Katibu Mkuu Kofi Annan alijumuika kwenye Makao Mkuu mjini New York na watu mashuhuri kadha walioteuliwa na UM kuwa wajumbe wa kuendeleza mbele kampeni ya kuimarisha amani ulimwenguni, akiwemo pia Daktari Jane Goodall, kwenye tafrija za kuiadhimisha Siku hiyo. Daktari Goodall ni mtafiti wa wanyama pori na mtetezi wa hifadhi za mazingira, na ni mtu maarufu Afrika Mashariki ambapo alifanyia tafiti zake muhimu kadha wa kadha juu ya tabia za wanyama pori hususan masokwe.

Baraza la Usalama kupeleka jeshi la kulinda amani nchini Sudan

Baraza la Usalama, limekubali kupeleka jeshi la kulinda amani la Umoja wa mataifa la zaidi ya wanajeshi elfu 17 katika jimbo lenye ghasia la Darfur huko Sudan, ifikapo mwisho wa mwaka huu.