Msaada wa Kibinadamu

Ghasia Beni zasababisha WFP kusitisha kwa muda mgao wa msaada

Shirika la mpango wa chakula duniani, WFP limesitisha kwa muda usambazaji wa misaada ya kibinadamu huko Beni, jimboni Kivu Kaskazini nchini Jamhuri ya Kidemokrasia ya Congo, DRC kutokana na mashambulizi yaliyoripotiwa kwenye maeneo yenye mlipuko wa Ebola. 

Wanawake Sudan Kusini wasema sasa imetosha, waepushwe na ubakaji

Siku 16 za kupinga ukatili dhidi ya wanawake zikiendelea kuangaziwa duniani, nchini Sudan Kusini nako Umoja wa Mataifa umetumia kipindi hiki kutoa fursa kwa wanawake kupaza sauti zao huku ukimulika pia hatua za kuwawezesha kiuchumi wanawake hao. 

Watoto 4500 wamepoteza maisha kutokana na surua DRC:UNICEF

Shirika la Umoja wa Mataifa la kuhudumia watoto UNICEF limetaka mkazo utolewe pia kukabiliana na ugonjwa wa surua ambao linasema unaua idadi kubwa ya watoto wa chini ya umri wa miaka mitano kuliko hata Ebola nchini Jamhuri ya Kidemokrasia ya Congo DRC. 

Chonde chonde jamii ya kimataifa igeukieni Sudan- Lowcock

Mkuu wa ofisi ya Umoja wa Mataifa inayohusika na masuala ya kibinadamu na misaada ya dharura, OCHA, Mark Lowcock amehitimisha ziara yake nchini Sudan akitaka jamii ya kimataifa iongeze kasi ya kupeleka misaada ya kibinadamu nchini humo.

Nchi maskini zaidi elekezeni fedha za misaada kwenye mipango ya maendeleo- UN

Umoja wa Mataifa  umesema kuwa mataifa maskini zaidi duniani yanapaswa kuhakikisha kuwa fedha za misaada kutoka nje zinaelekezwa katika vipaumbele vya kitaifa vya maendeleo.

Zaidi ya watu milioni 2.4 wanahitaji msaada wa chakula ukanda wa Sahel ya Kati

Shirika la mpango wa chakula duniani, WFP leo limeonya kwamba dunia bado haijaelewa upana wa janga la kibinadamu linaloshuhidiwa ukanda wa Sahel ya kati ikijumuisha Burkina Faso, Mali na Niger.

Tumeambiwa kuna amani, basi turejee nyumbani-mkimbizi wa ndani Sudan Kusini

Hali ya utulivu imerejea kwa kiasi fulani kufuatia mashambulizi katika kijiji cha Rimenze ambako watu wanne walitekwa huku maelfu wakikimbia kwenda kujificha vichakani baada ya watu waisojulikana kushambulia kanisa lililoko vitongoji vya mji wa Yambio kusini magharibi mwa Sudan Kusini.

 Kenya yapeleka misaada kwa waathirika wa mafuriko kaskazini mashariki mwa nchi hiyo:WFP

Kufuatia ombi maalum la serikali ya Kenya helikopta ya shirika la mpango wa chakula duniani WFP imeanza kusafirisha na kufikisha msaada wa chakula wa kuokoa maisha ya mamia ya familia katika kaunti za Mandera, Wajir, Garissa na Tana River zilizokumbwa na mafuriko. 

Miradi ya matokeo ya haraka yaimarisha ndoto za watoto Rumbek, Sudan Kusini

Walinda amani wanaohudumu kwenye ujumbe wa Umoja wa Mataifa nchini Sudan Kusini,  UNMISS wamekamilisha  ujenzi wa moja ya majengo matatu ya madarasa ya shule ya msingi huko eneo la Rumbek, jimbo la Lake na hivyo kuleta matumaini kuwa watoto wengi wa kike wanaweza kuepushwa na ndoa za  mapema. Brenda Mbaitsa na ripoti kamili.

Wakazi wa Belet Weyne Somalia waanza kupata msaada wa chakula

Umoja wa Mataifa umeunga mkono juhudi za Somalia za kusambaza misaada ya dharura kwa makumi ya maelfu ya wananchi walioathiriwa na mafuriko hususan kwenye wilaya ya Belet Weyne jimboni Hirshabelle. Grace Kaneiya na ripoti kamili.