Msaada wa Kibinadamu

Saa chache baada ya kuenguliwa kwenye Ukamishna Mkuu wa UNRWA, Pierre Krähenbühl, ajiuzulu

Kamishna Mkuu wa shirika la Umoja wa Mataifa la kusaidia wakimbizi wa kipalestina, UNRWA, Pierre Krähenbühl, amejiuzulu hii leo, ikiwa ni saa chache baada ya Katibu Mkuu wa Umoja wa Mataifa Antonio Guterres kumteua Christian Saunders kuwa kaimu Kamishna Mkuu wa shirika hilo ambalo sasa linagubikwa na ukata.

Chonde chonde hebu wahamisheni watoto waliokwama Syria kabla hatujachelewa:UNICEF

Mkurugenzi mtendaji wa shirika la Umoja wa Mataifa la kuhudumia Watoto UNICEF ametoa wito kwa serikali kote duniani kusaidia kuwahamisha maeffu ya watoto raia wa kigeni waliokwama nchini Syria kabla hawajachelewa na hali kuwa mbaya zaidi.

WFP yapeleka msaada kwa familia zilizoathirika na mafuriko nchini Somalia

Mvua kubwa isiyo ya kawaida na mafuriko yamezidi kukumba Somalia, Sudan Kusini na Kenya mwaka huu. Watabiri wa hali ya hewa wanatarajia mvua hiyo kubwa kuendelea kunyesha hadi Desemba.

Watoto 490,000 wameathirika na mafuriko Sudan Kusini:UNICEF

Watoto takriban 490,000 wameathirika na mafuriko makubwa nchini Sudan Kusini limeonya leo shirika la Umoja wa Mataifa la kuhudumia Watoto UNICEF na kuongeza kuwa mvua kubwa zilizoanza kunyesha tangu mwezi Julai mwaka huu zimeathiri jumla ya watu 908,000 katika kaunti 32.

Wakimbizi wa Syria wanaoingia Iraq wamezidi 10,000-UNHCR

Timu ya wahudumu wa shirika la Umoja wa Mataifa la kuhudumia wakimbizi UNHCR iliyoko Kaskazini mwa Iraq imeripoti kwamba jana usiku wakimbizi zaidi ya 900 kutoka Syria wamewasili katika kambi ya Bardarash kwa kutumia mabasi 45 na kufanya idadi ya wakimbizi katika kambi hiyo kufikia 9,700.

Dola milioni 89.5 zahitajika kuwezesha Zambia kujikwamua na janga la kibinadamu- OCHA

Nchini Zambia, Umoja wa Mataifa na wadau wake wamezindua ombi la dola milioni 89.5 kusaidia nchi hiyo kukabiliana na janga la kibinadamu kwa miezi saba ijayo, janga ambalo limesababishwa na msimu mbaya wa mvua unaokumba taifa hilo tangu mwaka 1981 hususan kusini mwa nchi hiyo.

Mkuu wa WFP akutana na viongozi wa Sudan huko Khartoum

Mkurugenzi Mtendaji wa shirika la mpango wa chakula duniani, WFP David Beasley amehitimisha ziara ya siku mbili nchini Sudan ambako alikutana na viongozi wa serikali mpya sambamba na kutembelea eneo la Kosti ambako alizindua msafara mmoja kati ya mitatu ya usafirishaji wa chakula cha msaada kuelekea Sudan Kusini.

Takriban watu 180,000 wametawanywa na machafuko ya karibuni Syria-UNHCR

Baada ya karibu wiki mbili za mapigano Kaskazini Magharibi mwa Syria mashirika ya kibinadamu ya Umoja wa Mataifa yamekadiria kwamba takribani watu 180,000 wamelazimika kufungasha virako na kukimbia makazi yao , ikiwemo Watoto 80,000 na wote wanahitaji msaada wa haraka wa kibinadamu.

FAO na WFP waadhimisha siku ya chakula duniani nchini Libya

Mashirika ya Umoja wa Mataifa la chakula na kilimo dduniani FAO na la mpango wa chakula WFP wameadhimisha siku ya chakula dunini nchini Libya kwa miradi maalumu ya kuisaidia nchi hiyo kufikia lengo la maendeleo la kutokomeza njaa ifikapo mwaka 2030.

Mapigano kaskazini-mashariki mwa Syria, watoto 11 wauawa, 70,000 wakimbia makazi yao- Unicef

Tangu kuanza kwa mashambulizi mapya kaskazini-mashariki mwa Syria tarehe 9 mwezi huu wa Oktoba, takribani watoto 70,000 wamekimbia makazi yao, limesema shirika la Umoja wa Mataifa la kuhudumia watoto,  UNICEF.