Msaada wa Kibinadamu

Guterres ataja mambo matatu ili kuimarisha ulinzi wa raia kwenye mizozo

Baraza la Usalama la Umoja wa Mataifa leo limekuwa na mjadala wa wazi kuhusu ulinzi wa raia kwenye mizozo ambapo Katibu Mkuu Antonio Guterres amesema kadri giza linavyozidi kutanda katika ulinzi wa raia kwenye mizozo, ni lazima kuweka na kutekeleza kanuni za kuimarisha ulinzi.

Dola milioni 710 zahitajika kusaidia wasomali milioni 4.5 wanaokabiliwa na ukame-OCHA

Mashirika ya misaada ya kibinadamu yamezindua ombi la kukabiliana na ukame la dola milioni 710 kwa ajili ya msaada wa dharura kwa ajili ya kuwasaidia watu milioni 4.5 wanaothriwa na ukame nchini Somalia kwa ajili ya kipindi kuanzia sasa hadi mwezi Disemba.

Miaka mitano ya mzozo Ukraine, zaidi ya shule 750 zimesambaratishwa- UNICEF

Nchini Ukraine, mashambulizi dhidi ya maeneo ya shule yameongezeka mara nne katika robo ya kwanza ya mwaka huu ikilinganishwa na kipindi kama hicho mwaka jana, imesema taarifa iliyotolewa leo huko Kiev, Ukraine na New York, Marekani ikiongeza kuwa matukio hayo yamesababisha kiwewe kwa wanafunzi na kuwatia hatarini kupata majeraha au kuuawa.

Watoto zaidi ya milioni 1.3 wapata chanjo Msumbiji:UNICEF

Watoto 700,000 wamepatiwa chanjo ya polio nchini Msumbiji huku wengine 650,000 wakichanjwa dhidi ya surua na rubella, imesema taarifa iliyotolewa leo na shirika la Umoja wa Mataifa la kuhudumia Watoto UNICEF.

Msaada wa dharura unahitajika kuzuia vifo Somalia wakati watu milioni 2 wakikabiliwa na njaa-FAO

Ukame mkubwa unaoshuhudiwa nchini Somalia huenda ukasababisha njaa kwa watu milioni 2.2 ikiwa ni takriban asilimia 18 ya watu nchini humo katika kipindi cha mwezi Julai hadi Septemba limeonya leo shirika la chakula na kilimo duniani, FAO.

Zaidi ya nusu ya watu Gaza kukosa chakula ifikapo Juni:UNRWA

Zaidi ya watu milioni moja sawa na nusu ya watu wote Gaza huenda wasiwe na mlo kabisa ifikapo mwezi Juni mwaka huu limeonya shirika la Umoja wa Mataifa la msaada kwa wakimbizi wa Kipalestina, UNRWA.

WFP yasitisha mgao wa chakula kwa Wasyria 47,500, kisa usalama

Shirika la Umoja wa Mastaifa la mpango wa chakula duniani WFP leo limesema limesitisha kwa muda ugawaji wa chakula kwa watu 47,500 nchini Syria kutokana na changamoto za usalama.

Bila msaada mamia ya majeruhi wa maandamano Gaza hatarini kukatwa viungo:UN

Mamilioni ya dola yanahitajika kwa ajili ya ufadhili wa msaada wa dharura Gaza ili kuokoa viungo vya takribani watu 1,700 ambao walijeruhiwa vibaya wakati wa maandamano dhidi ya Israel yaliyofanyika karibu na uzio wa mpaka wa Gaza na Israel, amesema leo afisa wa Umoja wa Mataifa wa masuala ya kibinadamu.

Wataalamu wa Umoja wa Mataifa waitaka Iran imwachie huru mwanazuoni Xiyue Wang.

Wataalam wa Umoja wa Mataifa wameisihi Iran imwachie haraka mwanazuoni Xiyue Wang wakidai kushikiliwa kwake kinyume cha utaratibu kwa takribani miaka mitatu ni ukiukwaji wa wazi wa haki za binadamu chini ya sheria za kimataifa.

WFP yafanikiwa kufikia kinu cha kusaga nafaka cha bahari ya Shamu Yemen

Shirika la Umoja wa Mataifa la mpango wa chakula WFP na timu ndogo ya mafundi  wa kampuni ya kusaga nafaka ya bahari ya Shamu ambayo ni muhimu katika usambazaji wa chakula kwa mamilioni ya watu nchini humo, wamefanikiwa kufikakwenye kinu hicho mwishoni mwa juma na sasa wanaendelea na shughuli ya kusafisha na kukarabati mitambo au mashine kwa ajili ya maandalizi ya kuanza kusaga tena ngano na kusambaza kwa wahitaji.