Msaada wa Kibinadamu

Walibya 42,000 watawanywa na machafuko ya karibuni Tripoli

Nchini Libya maelfu ya wanawake, watoto na wanaume wamelazimika kufungasha virago na kukimbilia nje ya mji mkuu Tripoli kufuatia machafuko yanayoendelea katika eneo la Kaskazini la mji huo.

UN yatoa dola milioni 13 kwa waathirika wa Kenneth Msumbiji, watu 38 wapoteza maisha

Fedha za msaada zilizotolewa na Umoja wa Mataifa zitasaidia kuhakikisha chakula , malazi, huduma za afya na maji safi vinapatikana kwa waathirika wa kimbunga Kenneth nchini Msumbiji. Nchi hiyo ina watu 18,000 waliotawanywa na kimbunga Kenneth ambao hivi sasa wanapata hifadhi kwenye makazi ya muda. Watu38 wamefariki dunia kufuatia kimbunga hicho kufikia sasa.

Vifo na uharibifu wa kimbunga Kenneth Comoro na Msumbiji vimenishtua:Guterres

Katibu Mkuu wa Umoja wa Mataifa Antonio Guterres amesema ripoti za vifo na uharibifu mkubwa uliosababishwa na kimbunga Kenneth nchini Msumbiji na Comoro zimemshtua na kutoa wito kwa jumuiya ya kimataifa kuongeza msaada wa fedha kukabiliana na mahitaji ya dharura na ya muda mrefu ya waathirika.

Watoto 368,000 wako hatarini Msumbiji baada ya kimbunga Kenneth:UNICEF

Shirika la Umoja wa Mataifa la kuhudumia Watoto UNICEF limeonya kwamba watoto na familia zao nchini Msumbiji wanaweza kukabiliwa na hatari ya kifo kutokana na mafuriko makubwa na maporomoko ya udongo baada ya shirika la Umoja wa Mataifa la utabiri wa hali ya hewa WMO kuonya kwamba mvua kubwa itaendelea kunyesha. Katibu Mkuu wa Umoja wa Mataifa anatarajiwa kuzuru hivi karibuni nchini humo.

Uimarishaji amani Sahel uende sambamba na misaada ya kimkakati- FAO

Mkurugenzi Mkuu wa shirika la chakula na kilimo duniani, FAO José Graziano Da Silva aliyeko ziarani  nchini Senegal, amesema harakati zote za kusaka amani ya kudumu kwenye eneo la Sahel lazima ziende sambamba na uwekezaji mkubwa katika maendeleo vijiijni na kilimo.

WFP inahitaji kuongezewa nguvu ili kupambana na Ebola.

Wakati Jamhuri ya kidemokrasia ya Kongo, DRC ikipambana na mlipuko wa pili mkubwa wa ugonjwa wa Ebola, shirika la Umoja wa Mataifa la mpango wa chakula duniani WFP limetahadharisha hii leo mjini Goma kuwa rasilimali zinazohitajika kusaidia shughuli zake, haziendani na kasi ya ongezeko la hivi karibuni la maambukizi na uwepo wa hatari ya kusambaa kwa virusi hivyo ndani ya DRC na katika nchi za jirani.

Elimu kwa watoto Msumbiji mashakani, kisa? Kimbunga Idai!

Kimbunga Idai kilichopiga Msumbiji mwezi uliopita wa Machi kimesababisha zaidi ya watoto 305,000 nchini humo washindwe kuhudhuria shuleni.

Watoto 6000 waunganishwa na familia zao nchini Sudan Kusini.

Idadi ya watoto waliouganishwa na familia zao nchini Sudan Kusini baada ya kutenganishwa kufuatia vita vya wenyewe kwa wenyewe vilivyoanza mwezi Disemba mwaka 2013 sasa imefikia 6000.

Kampeni ya #Vaccineswork kutumika mtandaoni kuimarisha utoaji chanjo- UNICEF

Shirika la Umoja wa Mataifa la kuhudumia watoto, UNICEF tarehe 24 mwezi huu wa Aprili linazindua kampeni kamambe ya chanjo ili kukabiliana na ongezeko la milipuko  ya magonjwa yanayoweza kuzuilika kwa chanjo.

UNAMID inaendelea na operesheni zake Darfur, wakati Sudan ikishuhudia mabadiliko ya kisiasa-Mamabolo

Mabadiliko ya kisiasa ya mamlaka nchini Sudan yana athari za wazi kuhusu hali jimboni Darfur, amesema Mwakilishi maalum wa Ujumbe wa  pamoja wa Umoja wa Mataifa na Muungano wa Afrika, jimboni humo, UNAMID.