Msaada wa Kibinadamu

Tetemeko Haiti 2010 lilikuwa pigo kubwa kwa Umoja wa Mataifa.

Nusu ya mji mkuu wa Haiti, Port-au-Prince uliharibiwa, watu 220,000 waliripotiwa kupoteza maisha na wengine milioni 1 walipoteza makazi. Hili lilikuwa pigo la tetemeko la ardhi lililoipiga nchi ya Haiti tarehe 12 mwezi Januari mwaka 2010.

Maelfu wakimbia mapigano kaskazini mashariki mwa Syria- UNHCR

Shirika la Umoja wa Mataifa la kuhudumia wakimbizi, UNHCR limeelezea kusikitishwa kwake na na ripoti za majeruhi wakiwemo wanawake na watoto na kufurushwa kwa idadi kubwa ya watu kufuatia mapigano mapya katika jimbo la  Deir-ez-Zor mashariki mwa Syria.

Dola milioni 848 zahitajika kunusuru wakimbizi wa ndani kaskazini-mashariki mwa Nigeria

Nchini Nigeria, Kuongezeka kwa mapigano kati ya vikosi vya serikali na makundi yaliyojihami kaskazini mashariki mwezi uliopita wa Desemba na kumesababisha watu wengi zaidi kufurushwa makwao kutoka eneo la Baga na kuelekea kwenye kambi za wakimbizi wa ndani hujo Maiduguri na Manguno ambako tayari  kuna msongamano. John Kibego na taarifa zaidi.

Manusura wa ebola DRC wasaidia kulea watoto yatima

Nchini  Jamhuri ya Kidemokrasia ya Congo, DRC, mlipuko wa mwaka wa jana wa ebola kwenye majimbo ya Equateur na Kivu Kaskazini yameacha takribani watoto 400 yatima au kutengwa na familia yao na hivi sasa manusura wa ugonjwa huo amechukua hatua ya kuwalea. 

Makubaliano ya Stockholm yameleta matokeo chanya kwa kiasi fulani Yemen- Griffiths

Mjumbe maalum wa Katibu Mkuu wa Umoja wa Mataifa kwa ajili ya Yemen, Martin Griffiths ameliambia Baraza la Usalama la Umoja huo leo kuwa pande kinzani kwenye mzozo wa Yemen kwa kiasi kikubwa zimezingatia usitishwaji wa mapigano Hudaydah kwa mujibu wa makubalianao yaliyofikiwa mjini Stockholm, Sweden mwaka jana.

Mafuriko katika makazi ya wakimbizi Lebanon ni tabu juu ya tabu

Shirika la Umoja wa Mataifa linalohudumia wakimbizi UNHCR linatoa msaada wa dharura kwa wakimbizi wa Syria walioko nchini Lebanon baada ya mvua kubwa kunyesha katika nchi hiyo.

Dola milioni 430 zahitajika kusaidia wananchi CAR 2019

Jamhuri ya Afrika ya kati, CAR inaendelea kukabiliwa na janga la kibinadamu ambapo mtu mmoja kati ya wanne ni mkimbizi wa ndani au mkimbizi, imesema  Ofisi ya kuratibu misaada ya kibinadamu ya Umoja wa Mataifa, OCHA.

UNHCR yaruhusiwa kukutana na msichana aliyezuiliwa katika uwanja wa ndege Bangkok.

Mamlaka za Thailand zimeliruhusu shirika la Umoja wa Mataifa la kuwahudumia wakimbizi UNHCR kumfikia Rahaf Mohammed Al-qunun mwenye umri wa miaka 18 raia wa Saudia katika uwanja wa ndege wa Bangkok kutokana na mahitaji yake ya ulinzi wa kimataifa, taarifa ya shirika la Umoja wa Mataifa la kuhudumia wakimbizi UNICEF iliyochapishwa katika wavuti wa shirika hilo imeeleza.

Mitambo ya maji inayoendeshwa kwa nishati ya jua yaleta nuru kwa warohingya.

Mifumo mitano ya  mitambo ya maji inayoendeshwa kwa nishati ya jua katika makazi ya wakimbizi warohingya huko Cox’s Bazar nchini Bangladesh kwa sasa inafanya kazi kwa kiwango kinachostahili, ameeleza leo msemaji wa shirika la Umoja wa Mataifa la kuhudumia wakimbizi UNHCR Andrej Mahecic mjini Geneva, Uswisi.

Kilio cha WFP kwa operesheni zake Sudan Kusini chaitikiwa na China

Huko nchini Sudan Kusini, mchango wa dola milioni 7 kutoka China kwa shirika la mpango wa chakula duniani, WFP utasaidia shirika hilo kununua vyakula kama vile mchele, maharagwe na vinginevyo kwa ajili ya mgao wa mlo kwa wanafunzi shuleni sambamba na kwa zaidi ya watu 126,000 kwenye maeneo yaliyokumbwa na mzozo na ukosefu wa chakula.