Msaada wa Kibinadamu

Mashauriano huko Sweden kuhusu Yemen yamezaa matunda- Griffiths

Majadiliano ya kisiasa yaliyoratibiwa na  Umoja wa Mataifa  yakihusisha pande mbili katika mzozo wa Yemen yamewezesha mabadiliko katika baadhi ya masuala, amesema mjumbe maalum wa Umoja wa Mataifa kwa ajili ya Yemen, Martin Griffiths akizungumza na waandishi wa habari nchini Sweden.

Mpango wa UN walenga kusaidia wasyria na jamii zinazowahifadhi

Mashirika ya Umoja wa Mataifa na wadau, leo yamezindua mpango wa kikanda wa mwaka 2019-2020 kwa ajili ya kuwajengea stahamala wakimbizi wa Syria na nchi zinazowahifadhi.

UNICEF yakimbizana na muda ili kuwalinda watoto 151,000 nchini Iraq.

Wakati mwanaharakati wa Iraq Nadia Murad ambaye pia ni manusura wa manyanyaso ya kundi la kigaidi la IS akikabidhiwa tuzo ya amani ya Nobel, shirika la Umoja wa mataifa la kuhudumia watoto UNICEF limetoa wito wa kuwaangalia maelfu ya watoto ambao wanakosa makazi ndani ya Iraq na maisha yao yako hatarini kutokana na baridi kali na mafuriko ambayo yameathiri eneo kubwa la nchi.

CERF ndio mkombozi na ahadi yetu kwa walionasa kwenye majanga- Guterres

Mkutano wa mwaka wa mfuko wa Umoja wa Mataifa wa usaidizi wa dharura kwa majanga yanayokumba binadamu, CERF  umefanyika leo jijini New York, Marekani ambapo Katibu Mkuu wa umoja huo, Antonio Guterres amesema CERF amesihi wahisani kuchangia zaidi ili kufikia lengo la uchangiaji la dola bilioni 1 kwa mwaka lililowekwa na Baraza Kuu la umoja huo miaka miwili iliyopita.

Raia zaidi ya 100 wanauawa au kujeruhiwa Yemen kila wiki:UNHCR

Shirika la Umoja wa Mataifa la kuhudumia wakimbizi UNHCR limetoa wito wa ulinzi zaidi kwa raia na miundombinu yao nchini Yemen baada ya tathimini yake kubaini kwamba takriban raia 1500 walijeruhiwa na wengine kuuawa kati ya Agosti na Oktoba mwaka huu, hii ikimaanisha kwamba wastani wa raia 123 waliuawa au kujeruhiwa kila wiki katika muda huo wa miezi miwili.

Kituo kipya cha UNHCR chaleta nuru kwa wakimbizi Libya

Shirika la Umoja wa Mataifa la kuhudumia wakimbizi UNHCR kwa ushirikiano na serikali ya Libya na washirika wa misaada, juma hili wamefungua kituo kipya cha wakimbizi mjini Tripoli, ili kuwapa wakimbizi hao mbadala salama badala ya kuwekwa kizuizini, wakati suluhu ya muda mrefu kama makazi ya kudumu na kuwasafirisha ikisawa. 

Maisha ya watu milioni 20 hatarini kwa tisho la baa la njaa Yemen-UN

Hali mbaya ya uhakika wa chakula inayoongezeka haraka nchini Yemen inaweka rehani Maisha ya karibu watu milioni 20 kwa mujibu wa tathimini ya uhakika wa chakula (IPC) iliyotolewa leo na serikali ya Yemen, Umoja wa Mataifa washirika wa misaada ya kibinadamu.Shirika la mpango wa chakula duniani WFP limesema msaada wake wa chakula ndio msaada pekee unaoepusha janga kubwa la baa la njaa nchini humo lakini mapigano yanayoendelea, kupanda kwa beiza vyakula na kuporomoka kwa uchumi viwanawasukuma watu kuelekea kwenye baa la njaa.

Serikali ya Yemen na wahouthi wote wanataka mapigano Yemen yakome- Griffiths

Siku ya kwanza ya mashauriano kati ya pande kinzani nchini Yemen ikikamilika huko Rimbo, nchini Sweden, Umoja wa Mataifa umetaja mambo matatu ambayo unatamani yatokane na mkutano huo wa kwanza kabisa kati ya pande hizo baada ya miaka miwili. 

Wimbi kubwa la wagonjwa ni shinikizo kwa hospitali ya wakimbizi ya Maban Sudan kusini:UNHCR 

Hospitali ya wakimbizi ya Maaban iliyoko jimbo la Bunj nchini Sudan Kusini iko katika shinikizo kubwa baada ya kuzidiwa na wimbi la wagonjwa huku vifaa, wauguzi na dawa vikiendelea kuwa haba. 

Kigeugeu kwenye mkataba wa kimataifa wa uhamiaji ni taswira mbaya kwa nchi husika:Abour

Mwakilishi maalumu wa Umoja wa Mataifa kwa ajili ya uhamiaji wa kimataifa  Louise Abour amesema dhamira iliyowekwa bayana na nchi kadhaa ikiwemo Hungary, Poland , Jamhuri ya Czech na Australia ya kujiengua kwenye mkataba wa kimataifa wa wahamiaji inaonyesha picha mbaya kwao na ina athari kubwa katika ari ya ushirikiano wa kimataifa .