Msaada wa Kibinadamu

Muhula wa shule za UNRWA mwaka huu uko shwari licha ya ukata :UN

Shirika la Umoja wa Mataifa la msaada kwa wakimbizi wa Kipalestina, UNRWA limesema mwaka huu huenda likaweza kuendelea kuendesha shule zake kwa wakimbizi hadi mwisho wa muhula wa shule 2019.

Veterani wa vita ya pili ya Dunia. Mtetezi wa wakimbizi.

Kutana na Mzee Harry Smith, anayetambulika kuwa muasi mzee kuliko wote duniani. Ni askari mpiganaji  wa vita ya pili ya Dunia. Hivi sasa ni mtetezi wa maslahi ya wakimbizi. 

Machafuko yanayoendelea Hudaydah ni changamoto kwa raia na watoa misaada:UNHCR/WFP

Mashirika ya Umoja wa Mataifa, lile la kuhudumia wakimbizi, UNHCR na la mpango wa chakula duniani, WFP leo yameelezea hofu yake dhidi ya kuendelea kwa machafuko kwenye mji wa Hudaydah nchini Yemen na kusema yanaweka njia panda mustakabali wa raia, wakimbizi na operesheni za wahudumu wa misaada ya kibinadamu.

 

Vita visipokoma njaa itazidi kuwaangamiza Wayemen:WFP

Kutokana na  kuzorota kwa hali ya kiusalama  nchini Yemen, shirika la Umoja wa Mataifa la mpango wa chakula duniani  WFP linataka mapigano ya sasa katika mji wa bandari wa Hodeidah yakomeshwe mara moja kwani mbali ya kukatili Maisha ya watu yanayongeza idadi ya waathirika wa njaa linalowapa msaada wa chakula ,iliyopanda kutoka milioni 8  hadi milioni 14.  

 Idadi ya wakimbizi na wahamiaji wa Venezulea yafikia milioni 3

Shirika la Umoja wa Mataifa la kuhudumia wakimbizi UNHCR na lile la uhamiaji, IOM, yametangaza leo kwamba idadi ya wakimbizi na wahamiaji kutoka Venezuela sasa imefikia milioni 3. Grace Kaneiya na taarifa kamili

Uganda yajihadhari kabla ya shari kwa kuchanja wahudumu wa afya dhidi ya Ebola:WHO

Kufuatia mlipuko wa Ebola nchini Jamhuri ya Kidemokrasia ya Kongo, DRC, mara mbili tangu mei mwaka huu, shirika la afya duniani WHO kwa kushirikiana na serikali ya Uganda wameanza kuchukua hatua ya kuwachanja wahudumu wa afya kuepusha kusambaa kwa ugonjwa huo ambapo tayari watu 180 wamethibitishwa kufariki dunia kutokana na Ebola. 

Tsunami ni ‘mwiba’ kwa uhai wa binadamu na uchumi wa nchi- UNISDR

Hii leo ikiwa ni siku ya kimataifa ya kuelimisha jamii  kuhusu tsunami, msisitizo ukiwa ni  hasara za kiuchumi, Umoja wa Mataifa unasema idadi ya vifo na hasara za kiuchumi zitokanazo na matukio ya tsunami kwa nchi zinazopakana na bahari ya India na Pasifiki zimeongezeka katika kipindi cha miongo miwili iliyopita.

Janga la njaa Yemen ndio baya zaidi kusababishwa na binadamu katika historia:UNFPA

Mkurugenzi wa shirika la Umoja wa Mataifa la idadi ya watu duniani, UNFPA kanda ya eneo la Waarabu amesema baa la njaa linalonyemelea nchini Yemen linaweza kuwa ndio baya zaidi kuchangiwa na binadamu katika historia ya karibuni.

Watoto 80,000 waliorejea DRC toka Angola wanahitahi msaada haraka:UNICEF

Takribani watoto 80,000 waliorejea hivi karibuni nchini Jamhuri ya Kidemokrasia ya Congo kutoka Angola hivi sasa wanahitaji haraka msaada wa kibinadamu limesema shirika la Umoja wa Mataifa la kuhudumia watoto UNICEF. 

Baraza la Usalama lapitisha azimio kuchagiza harakati dhidi ya Ebola DRC

Hii leo kwenye makao makuu ya Umoja wa Mataifa wajumbe wa Baraza la Usalama kwa kauli moja wamepitisha azimio ambalo pamoja na kuchagiza harakati za kukabiliana na ugonjwa wa Ebola nchini  Jamhuri ya Kidemokrasia ya Congo, DRC , limelaani vikali mashambulizi na mauaji  ya watoa huduma za afya ambao wanaweka rehani maisha yao kutokomeza ugonjwa huo hatari.