Msaada wa Kibinadamu

Matukio ya mwaka 2018 .

Leo Jumatatu ya tarehe 31 mwezi Desemba mwaka 2018, mwisho wa mwaka  jarida la Habari za Umoja wa Mataifa limemulika matukio muhimu ya mwaka huu wa 2018. Hata hivyo tumekuwekea pia habari zilizogongwa vichwa hii leo kutoka Jamhuri ya Kidemokrasia ya Congo, DRC, Yemen na Afghanistan.

Chakula cha msaada Yemen chauzwa sokoni- WFP

Shirika la Umoja wa Mataifa la mpango wa chakuka WFP linataka kukomeshwa mara moja kwa hatua ya kupelekwa kwingine msaada wa chakula nchini Yemen baada ya kugundua mchezo mchafu unaofanywa katika mji mkuu wa Sana’a  na sehemu zingine zinazosimamiwa na kundi la Houthi wa kupeleka chakula maeneo yasiyokuwa yamelengwa na msaada huo.

Mwaka 2018 ulikuwa ‘tamu na chungu’ sasa tumeazimia kutokata tamaa 2019 - Guterres

Kuelekea mwaka mpya wa 2019, Katibu Mkuu wa Umoja wa Mataifa António Guterres ametumia salamu zake za mwaka mpya akifanya tathmini ya mwaka 2018 na matarajio yake kwa mwaka mpya.

Ujumuishaji wakimbizi wanufaisha wakimbizi na Rwanda yenyewe

Mpango wa kujumuisha wakimbizi katika maendeleo ya kiuchumi kwenye mji mkuu wa Rwanda, Kigali, umechangia katika wakimbizi kuanzisha biashara ndogo ndogo ambazo zimebuni ajira kwa watu 2,600 nchini humo, ikiwemo biashara ya kuuza mitungi ya gesi inayomilikiwa na mkimbizi kutoka Burundi.

Zaidi ya watu milioni 1 walifurushwa makwao DRC mwaka 2018

Zaidi ya watu milioni moja wamefurushwa makwao nchini Jamhuri ya Kidemokrasia ya Congo, DRC kwa mwaka 2018 pekee kufuatia mzozo unaondelea nchini humo. Miongoni mwao ni Valentin Muhindo ambaye simulizi yake inaletwa kwako na Grace Kaneiya.

 

Waliokufa Indonesia kutokana na Tsunami sasa ni 281- OCHA

Idadi ya watu waliofariki dunia kutokana na tsunami iliyokumba  maeneo ya mwambao mwa kisiwa cha Sumatra nchini Indonesia sasa imefikia 281 na wengine zaidi ya 1,000 wamejeruhiwa. 

Zilizovuma mwaka 2018

Mwaka 2018 ulighubikwa na changamoto nyingi hususan kwa nchi za Afrika, mizozo ikiendelea kukumba bara hilo sambamba na magonjwa. Hata hivyo kulikuwa na habari chanya, na kwa muhtasari tutaangazia pande zote za sarafu wakati huu ambapo tunafunga mwaka huu wa 2018.
 

Wimbi kubwa la Tsunami laleta madhara makubwa Indonesia, UN yasema iko tayari kusaidia

Katibu Mkuu wa Umoja wa Mataifa Antonio Guterres ameeleza masikitiko yake makubwa kufuatia vifo, majeruhi na uharibifu mkubwa uliosababishwa na wimbi kubwa la tsunami lililopiga maeneo  ya pwani ya kisiwa cha Sumatra nchini Indonesia jana Jumamosi.

Pande kinzani Yemen heshimuni makubaliano kuhusu Hudaidah- Baraza

Baraza la Usalama la Umoja wa Mataifa leo limeridhia kwa kauli moja makubaliano yaliyofikiwa kati ya serikali ya Yemen na wapiganaji wa kihouthi, wakati wa mashauriano yao nchini Sweden wiki iliyopita.

Msimu wa baridi, madhila zaidi ya wakimbizi wa Syria nchini Jordan

Miezi ya msimu wa baridi kali ikinyemelea, ni kumbukizi nyingine ya madhila kwa wakimbizi wa Syria waliosaka hifadhi Jordan ambao wengi wao wanaishi katika mazingira magumu wakati huu ambapo inaelezwa kuwa juhudi za shirika la Umoja wa Mataifa la kuhudumia wakimbizi, UNHCR na wadau wake Jordan za kuwapatia vifaa vya kukabiliana na joto zinaonekana kuwa muhimu zaidi.  Taarifa zaidi na Siraj Kalyango.