Msaada wa Kibinadamu

UNICEF yatoa msaada kwa watu 40,000 waliotawanywa na machafuko mapya Kivu Kusini

Shirika la Umoja wa Mataifa la kuhudumia watoto UNICEF linatoa msaada muhimu wa kibinadamu kwa watu 40,000 ambao wamekimbia machafuko ya kikabila katika eneo la milimani la Kivu Kusini nchini Jamhuri ya Kidemokrasia ya Congo DRC.

Waliokufa katika mlipuko Beirut ni pamoja na wakimbizi 34: UNHCR

Shirika la Umoja wa Mataifa la kuhudumia wakimbizi UNHCR, limesema limeshtushwa na taarifa kwamba miongoni mwa watu zaidi ya 200 waliopoteza misha kwenye mlipuko mkubwa wa Beirut uliotokea Agosti 4 nchini Lebanon wanajumuisha angalau wakimbizi 34 hadi sasa. 

UN yataka uchunguzi wa kuaminika na wa wazi kuhusu chanzo cha mlipuko wa Lebanon

Katibu Mkuu wa Umoja wa Mataifa Antonio Guterres amesema idadi kubwa ya watu bado hawajapatikana ikiwa ni takriban wiki moja tangu kutokea mlipuko mkubwa nchini Lebanon uliowaacha watu wa taifa hilo na dunia katika majonzi, mshituko mkubwa na hali ya kutoamini kilichojiri. 

Mashirika ya Umoja wa Mataifa yaendelea na juhudi za kuokoa maisha Beirut

Ikiwa leo ni siku ya saba tangu kutokea mlipuko mkubwa katika mji mkuu wa Lebanon, Beirut, Umoja wa Mataifa kupitia mashirika yake umeendelea kufanya kila juhudi za kuokoa maisha na kurejesha hali ya kawaida katika mji huo ambao ni kiini cha maisha ya nchi hiyo iliyoko  mashariki ya kati.

Mlipuko wa Beirut: Tunapochukua hatua haraka, ndivyo tunaweza kupunguza mateso ya wanadamu-Naibu Katibu Mkuu UN 

Ili kuisaidia Lebanon kuondokana na madhara ya janga na kupona vyema, "tutahitaji ushiriki wa kila mtu," Naibu Katibu Mkuu wa Umoja wa Mataifa Amina Mohammed hii leo ameuambia mkutano wa wafadhili uliofanyika kwa njia ya video ili kuisaidia Lebanon kutokana na mlipuko mkubwa uliotokea katika bandari iliyoko kwenye mji mkuu wan chi hiyo, Beirut na kuwaua watu 150, kujeruhi maelfu na kusababisha uharibifu mkubwa wa sehemu kubwa ya mji. 

Shughuli za uokozi zikiendelea Beiruti ,UN yaonya kuhusu mahitaji lukuki ya kibinadamu 

Mashirika ya Umoja wa Mataifa leo yameonya kwamba mahitaji ya haraka ya kibinadamu nchini Lebanon ni makubwa sana kufuatia mlipuko mkubwa uliosambaratisha bandari ya m ji wa Beiruti. 

Misaada yaelekezwa Beirut, OHCHR yataka uchunguzi wa kina

 Siku tatu tangu mlipuko mkubwa kusababisha vifo, majeruhi na uharibifu mkubwa kwenye mji mkuu wa Lebanon, Beirut, mashirika ya Umoja wa Mataifa na wadau wake wanapeleka misaada ya hali na mali huku ofisi ya haki za binadamu ya Umoja wa Mataifa ikitaka uchunguzi wa kina na mamlaka ya thabiti ili kuepusha hali kama hiyo isitokee tena.

WHO yapeleka misaada ya matibabu Lebanon kuokoa walioathirika na mlipuko

Ndege iliyosheheni tani 20 za vifaa vya matibabu kutoka shirika la afya la Umoja wa Mataifa WHO, imetua mjini Beirut, Lebanon ili kusaidia matibabu kwa majeruhi wa mlipuko mkubwa ambao ulitokea juzi tarehe 4 Agosti 2020 katika bandari kuu ya Beirut.

WFP wajitosa kuisaidia Lebanon kwani bila bandari ya Beirut, hali itakuwa mbaya zaidi

Ikiwa leo ni siku ya pili tangu kutokea kwa mlipuko mkubwa katika bandari mjini Beirut, Lebanon, shirika la mpango wa chakula duniani WFP limesema linafanya tathimini ya haraka ili kujiweka tayari kutoa msaada wa dharura kwa maelfu ya watu ambao wamejikuta katika hali ya kukosa makazi, wamejeruhiwa na pia wamewapoteza wapendwa wao.

MINUSCA yapigia chepuo azma ya CAR ya kuondoa machungu magerezani

Wanawake wafungwa katika gereza la Bimbo lililoko kilometa takribani 10 kutoka mji mkuu wa Jamhuri ya Afrika ya Kati, CAR, Bangui watanufaika na mradi wa ujumuishwaji katika jamii unaotekelezwa na ujumbe wa Umoja wa Mataifa wa kuweka utulivu nchini  humo, MINUSCA.