Msaada wa Kibinadamu

BU lashauriana juu ya hali katika JKK/msiba wa vimbunga Haiti

Wajumbe wa Baraza la Usalama Ijumaa asubuhi walishauriana, kwenye kikao cha faragha, kuhusu masuala yanayoambatana na hali katika JKK, na msiba wa vimbunga vilivyoathiri kihali Haiti na kuzingatia masuala mengine yanayohusu usalama na amani ya kimataifa.~

Mkuu wa UM anayesimamia misaada ya dharura anasihi fujo isistishwe Darfur

John Holmes, Naibu KM juu ya Masuala ya Kiutu na Mshauri wa KM kuhusu Misaada ya Dharura amenakiliwa akisema ana wasiwasi mkubwa juu ya ripoti alizopokea kuhusu kuendelea kwa fujo na vurugu katika Darfur. Alisema ripoti zimeonyesha karibuni kulifanyika mashambulio ya kijeshi katika Darfur Kaskazini na Jebel Marra, ikijumuisha mashambulio ya anga katika maeneo ya Birmaza na Disa na pia hujumu kadha dhidi ya wahudumia misaada ya kiutu zinazoendelezwa na makundi yenye kuchukua silaha.

UNICEF imeonya, watoto milioni 3 wa Pembe ya Afrika wanakabiliwa na utapiamlo hatari

Per Engebak, Mkurugenzi wa Shirika la UM juu ya Mfuko wa Maendeleo kwa Watoto (UNICEF) kwa ukanda wa Kusini mwa Afrika na Afrika Mashariki amenakiliwa akisema watoto karibu milioni 3 wanaoishi kwenye maeneo ya Pembe ya Afrika wanakabiliwa na hatari maututi ya utapiamlo mbaya na maradhi kadha wa kadha, kwa sababu ya kupungua kwa misaada inayofadhiliwa eneo hilo kutoka wahisani wa kimataifa.

Ndege ya kuhudumia misaada ya dharura katika JKK imeanguka

Ndege iliokodiwa na Ofisi ya UM juu ya Misaada ya Dharura (OCHA) kuhudumia misaada ya kiutu katika JKK iliripotiwa alasiri ya Ijumatatu ilijigonga na mlima, kilomita 15 kaskazini-mashariki ya Uwanja wa Ndege wa Bukavu wakati ilipokuwa ikielekea huko kutokea Kinshasa na ikichukua abiria 15 pamoja na marubani wawili, kwa mujibu wa taarifa za mwanzo tulizopokea kutoka msemaji wa OCHA Kinshasa, Christopher Illemassene.

Mafuriko Afrika Magharibi yahatarisha afya ya umma

Mataifa ya Benin, Burkina Faso, Niger, Mali na pia Mauritania na Togo yamekabiliwa, sasa hivi, na maafa ya mvua kali zinazobashiriwa kuendelea hadi mwezi Septemba na kuhatarisha afya za mamilioni ya watu wanaoishi kwenye maeno haya ya Afrika Magharibi.

Uholanzi imebuni maabara maalumu itembeayo kuisaidia UNEP kukabili maafa

Serikali ya Uholanzi imewasilisha aina ya maabara maalumu ya magari iliobuniwa kutumiwa kukabiliana na dharura za kimazingira kimataifa. Mabara ya aina hii itatumiwa kulisaidia Shirika la UM juu ya Hifadhi ya Mazingira (UNEP) kupata uwezo wa kusafiri, kwa haraka, kwenye maafa ya dharura ya kimazingira ili kupima, kwa utaalamu unaoaminika, hali kwa kuhusiana na vitu vya sumu vinavyohatarisha maisha. Maabara hii itajulikana kama Maabara ya Kutathminia Hali ya Mazingira (EAM) na itakuwa inapelekwa kwenye mataifa yanayoendelea yaliokosa utaalamu na uwezo unaohitajika kudhibiti kidharura maafa ya kimazingira.~

Hifadhi ya muda ya wageni wakaazi huenda ikasitishwa Afrika Kusini

Ripoti ya awali wiki hii itasailia hali ya wageni Afrika Kusini, ambao mnamo miezi miwili iliopita waliathirika na vurugu liliofumka nchini humo dhidi yao. Tutalenga ripoti juu ya hifadhi ya muda ya makazi kwa wahamiaji hawo katika jimbo la Gauteng.~

Waathiriwa wa mapigano Georgia kupatiwa msaada wa chakula na WFP

Ndege mbili za aina ya Antonov 12 zilizokodiwa na Shirika la UM juu ya Miradi ya Chakula Duniani (WFP) leo asubuhi zilianza safari ya kuelekea Georgia kutokea mji wa Brandisi, Utaliana zikibeba shehena ya tani za metriki 34 za biskuti maalumu za chakula zitakazogaiwa maelfu ya watu waliongo’lewa makwao ambao walidhurika kihali na mapigano yalioshtadi karibuni kwenye eneo lao.

Ripoti fupi kuhusu mzozo wa Ossetia Kusini

Hali ya eneo la machafuko na vurugu katika jimbo liliojitenga la Georgia, katika Ossetia Kusini, inaendelea kuwa ya vurugu na utumiaji nguvu, na UM haukufanikiwa kuhudumia kihali umma raia waathiriwa wa mzozo huo kama inavyopaswa.~~ Ofisi ya UM juu ya Misaada ya Dharura (OCHA) imeripoti kunahitajika kufunguliwa ushoroba mpya wa usalama utakaotumiwa na magari ya mashirika ya kimataifa kupeleka misaada ya kiutu kwenye eneo la mapigano.

Kanada kutuma manowari Usomali kulinda meli za chakula za WFP

Shirika la UM juu ya Miradi ya Chakula Duniani (WFP) limetangaza kukaribisha uamuzi wa serikali ya Kanada wa kupeleka manowari kwenye mwambao wa Usomali, itakayotumiwa kusaidia kulinda zile meli zinazochukua shehena ya chakula inayopelekwa umma wa Usomali kunusuru maisha. Meli hizo huwa zinakodiwa na WFP na mara nyingi hutekwa nyara na maharamia wanaovizia kwenye mwambao wa Afrika Mashariki katika Bahari ya Hindi.