Msaada wa Kibinadamu

Zilizovuma mwaka 2018

Mwaka 2018 ulighubikwa na changamoto nyingi hususan kwa nchi za Afrika, mizozo ikiendelea kukumba bara hilo sambamba na magonjwa. Hata hivyo kulikuwa na habari chanya, na kwa muhtasari tutaangazia pande zote za sarafu wakati huu ambapo tunafunga mwaka huu wa 2018.
 

Kigeugeu kwenye mkataba wa kimataifa wa uhamiaji ni taswira mbaya kwa nchi husika:Abour

Mwakilishi maalumu wa Umoja wa Mataifa kwa ajili ya uhamiaji wa kimataifa  Louise Abour amesema dhamira iliyowekwa bayana na nchi kadhaa ikiwemo Hungary, Poland , Jamhuri ya Czech na Australia ya kujiengua kwenye mkataba wa kimataifa wa wahamiaji inaonyesha picha mbaya kwao na ina athari kubwa katika ari ya ushirikiano wa kimataifa . 

Watoto Zaidi ya milioni 3 hatarini kukosa elimu, Ziwa Chad

Shirika la Umoja wa Mataifa la kuhudumia watoto, UNICEF, limetoa ombi la dola milioni 41.7 ili kushughulikia mahitaji ya elimu kwa watoto walioathiriwa na mzozo katika eneo la Ziwa Chad.

Wamiliki wa mifugo Malakal wafurahia huduma kutoka kwa walinda amani

Huduma za matibabu kwa wanyama zinazotolewa na walinda amani wa ujumbe wa Umoja wa Mataifa huko jimbo la Upper Nile nchini Sudan Kusini, zimeleta nuru kwa wakazi ambao wanategemea mifugo yao kwa ajili ya lishe na kujipatia kipato.  

WFP na serikali ya Tanzania kushirikiana kuwainua wakulima na wanaohitaji msaada wa chakula

Serikali ya Tanzania na shirika la Umoja wa Mataifa la mpango wa chakula diuniani WFP, wameafikiana kuhusu ubia ambao utawanufaisha wakulima wadogo wadogo wa Tanzania na maelfu ya watu wanaohitaji na kupokea msaada wa chakula  wa WFP barani Afrika.

Nani wa kumfuta machozi mama aliyepoteza mwanae Gaza?

Barazani hii leo wajumbe wa wamejulishwa kuwa kwa kilichotokea huko ukanda wa Gaza, ni lazima kuchukua hatua za dhati ili kuepusha umwagaji zaidi wa damu.

WHO yapeleka wataalamu 50 DRC kukabili Ebola

Shirika la afya ulimwenguni WHO linapeleka timu ya wataalam 50 wa afya ya jamii nchini Jamhuri ya Kidemokrasia ya Congo DRC ili kusaidia serikali kupambana na mlipuko wa Ebola. Patruck Newman na taarifa kamili

Dola bilioni 4.4 si haba kwa wasyria

Baada ya mashauriano na mazungumzo na pia kusikia kauli kutoka kwa wawakilishi wa wananchi wa Syria, wahisani wamefungua pochi zao na kuchangisha fedha kukuwamua wananchi hao ambao mustakhabali wao uko mashakani.

Hali ndani ya kambi ni mbaya sembuse Rakhine? Wahoji warohingya

Baada ya ziara ya siku sita nchini Myanmar, Afisa mwandamizi wa Umoja wa Mataifa anaona kabisa ya kwamba wakimbizi wa Rohingya walioko Bangladesh bado wana hofu kubwa ya kurejea nyumbani ingawa jitihada za mazungumzo zinaendelea ili warejee Myanmar.

Dola bilioni 2.2 ni tegemeo la wakimbizi wa DR Congo

Huko Geneva, Uswisi hii leo imetangazwa kuwa dola bilioni 2.2 zitahitajika mwaka huu wa 2018 ili kukidhi mahitaji ya kibinadamu ya raia wa Jamhuri ya Kidemokrasia ya Congo, DRC waliosaka hifadhi ndani na nje ya nchi hiyo kutokana na mzozo unaoendelea nchini mwao.