Msaada wa Kibinadamu

Nataka na mimi siku moja niitwe “Nellie mmiliki wa duka la kuoka mikate” 

Nchini Jamhuri ya Kidemokrasia ya Congo, DRC, mradi ulioendeshwa na shirika la Umoja wa Mataifa la kuhudumia watoto, UNICEF umewezesha watoto kufungua mradi wao wa kuoka na kupika mikate, mandazi na kalmati na hivyo kuona angalau nuru ya maisha kwenye taifa hilo lililogubikwa na mizozo hususan mashariki mwa nchi.

UNIFIL yakita kambi Beirut kusaidia kurejesha maisha ya mji huo mkuu wa Lebanon  

Kufuatia idhini iliyotolewa na Baraza la Usalama la Umoja wa Mataifa kwa kikosi cha mpito cha Umoja wa Mataifa nchini Lebanon, UNIFIL kuchukua hatua za maalumu za muda mfupi ili kutoa usaidizi kwa Lebanon na watu wake baada ya mlipuko uliotokea nchini mwezi uliopita, walinda amani wa UNIFIL tayari wamekita kambi katika mji Mkuu wa Lebanon, Beirut, wakiwa na vifaa mbalimbali tayari kutoa msaada unaohitajika.

Tunashukuru kwa usaidizi dhidi ya COVID-19, sasa maisha yamerejea hali ya kawaida- Tanzania

Tanzania imezungumza kwenye mjadala mkuu wa mkutano wa 75 wa Baraza Kuu la Umoja wa Mataifa na kuelezea msimamo wake katika masuala mbalimbali ikiwemo ushirikiano wa kimataifa, janga la ugonjwa wa Corona, COVID-19, amani na usalama maziwa makuu na mustakabali wa Umoja wa Mataifa wakati huu ambapo chombo hicho kinatimiza miaka 75 tangu kuanzishwa kwake.
 

Tunakufa kwa njaa. Tunahitaji chakula-Sudan Kusini 

Shirika la mpango wa chakula la Umoja wa Mataifa WFP linasema hali ya kibinadamu nchini Sudan Kusini inaendelea kuzorota kwa kasi wakati wimbi la njaa likienea katika nchi ambayo ina mgogoro, mvua kubwa na mafuriko ambayo yanavuruga upatikanaji wa chakula kwa watu.

Tumechoka kukimbia tunaomba msaada: wakimbizi waathirika wa mafuriko Sudan 

Wakimbizi, wakimbizi wa ndani na jamii zinazohifadhi wakimbizi nchini Sudan wameathirika vibaya na mafuriko makubwa yanayoendelea nchini humo na sasa wanahitaji msaada kwani wanasema wamechoka kukimbia, kwa mujibu shirika la Umoja wa Mataifa la kuhudumia wakimbizi UNHCR. 

Mafuriko yafurusha maelfu ya wakimbizi Niger:UNHCR

Wakimbizi 9,000 wameathirika na mafuriko makubwa yanayoendelea nchini Niger tangu mwezi Julai na sasa wengi wanahitaji msaada wa dharura sio tu wa huduma za chakula na afya bali pia malazi baada ya makazi yao kusambaratishwa kabisa na mafuriko hayo, limesema shirika la umoja wa Mataifa la kuhudumia wakimbizi UNHCR.

Machafuko Cabo Delgado, Msumbiji; Wananchi 1000 wavuka mto Ruvuma na kuingia Tanzania

Shirika la Umoja wa Mataifa la mpango wa chakula duniani, WFP, lina wasiwasi mkubwa kuhusu ghasia zinazoendelea na kudorora kwa usalama kwenye jimbo la Cabo Delgado kaskazini mwa Msumbiji.
 

Baada ya miaka 10, hatimaye misaada ya UN yawafikia katika milima ya Jebel Marra, Sudan. 

Shirika la Umoja wa Mataifa la kuhudumia watoto UNICEF, limepeleka misaada katika eneo la Jebel Marra, Darfur, Sudan ili kuokoa maisha ya watu waliokimbilia katika maeneo hayo ya milima kuyakimbia mapigano katika maeneo yao.

MONUSCO yaingilia kati kudhibiti njaa gereza kuu la Bunia 

Ujumbe wa Umoja wa Mataifa wa kulinda amani nchini Jamhuri ya Kidemokrasia ya Congo, DRC, MONUSCO umechukua hatua kukabiliana na njaa kwenye gereza kuu la Bunia lililoko kwenye jimbo la Ituri nchini humo.

Watu 135,000 watawanywa na mafuriko Bor wengine wapoteza kila kitu:UNMISS

Watu 135,000 wametawanywa na mafuriko katika eneo la Bor na Twic kwenye jimbo la Jonglei nchini Sudan Kusini huku wengine wakipoteza kila kitu kufuatia mvua kubwa zinazoendelea kunyesha nchini humo.