Msaada wa Kibinadamu

G7: FAO yatoa mapendekezo ya kukabiliana na uhaba wa chakula wa sasa na ujao

Mkurugenzi Mkuu wa shirika la Umoja wa Mataifa la Chakula na Kilimo FAO Qu Dongyu ametoa wito kwa nchi tajiri zaidi duniani G7 kusaidia kukabiliana na uhaba wa chakula katika siku zijazo kwani vita inayoendelea nchini Ukraine imepunguza usambazaji na kupandisha bei juu katika viwango vya kuvunja rekodi na kuyaweka mashakani mataifa ambayo tayari yana hatari ya kuathirika kote barani Afrika na Asia.

Hii si sahihi! Asema Mkuu wa OCHA baada ya kujionea hali halisi Turkana 

Ulimwengu umesahau madhila ya ukame wanayopitia watu wa Turkana, mvua haijanyesha Turkana.Tumeshuhudia misimu minne ya mvua zisizotabirika. Ni kauli ya Mkuu wa Ofisi ya Umoja wa Mataifa ya kuratibu masuala ya kibinadamu na misaada ya dharura, Martin Griffiths baada ya kujionea hali halisi kwenye kaunti ya Turkana nchini Kenya hii leo. 

Wasyria milioni 26.5 wanahitaji msaada wa kibinadamu ndani na nje ya taifa lao:UN

Mgogoro wa Syria unaendelea kuwa changamoto kila uchao limesema shirika la Umoja wa Mataifa la misaada ya kibinadamu na masuala ya dharura OCHA na kuongeza kuwa karibu watu milioni 26.5 wanahitaji msaada wa kibinamu ambapo milioni 14.6 wakiwa ndani ya Syria.

WHO yatoa msaada wa magari ya kubeba wagonjwa 20 kusaidia sekta ya afya Ukraine

Katika kusaidia huduma ya afya nchini Ukraine, shirika la Umoja wa Mataifa la afya ulimwenguni WHO limetoa msaada wa magari ya kubeba wagonjwa 20 ili kuiwezesha sekta ya afya kutoa huduma katika maeneo yaliyoathiriwa na ambayo hayafikiki kutokana na vita nchini humo.

Watu milioni 19.7 wakabiliwa na njaa kali Afghanistan, msaada wahitajika haraka:WFP/FAO

Watu milioni 19.7, karibu nusu ya idadi ya watu wote wa Afghanistan, wanakabiliwa na njaa kali kulingana na ripoti ya uchambuzi wa hivi karibuni wa tathimini ya hali ya uhakika wa chakula (IPC) iliyofanywa mwezi Januari na Februari 2022 na washirika wa masuala ya uhakika wa chakula na kilimo, ikiwa ni pamoja na shirika la chakula na kilimo la Umoja wa Mataifa FAO, shirika la Umoja wa Mataifa la mpango wa chakula duniani WFP na mashirika mengi yasiyo ya kiserikali au NGOs. 

Ziara ya Katibu Mkuu wa UN kuhusu Ukraine: “Nafurahia kuripoti mafanikio fulani“

Katibu Mkuu wa Umoja wa Mataifa Antonip Guterres amelihutubia Baraza la Usalama la Umoja wa Mataifa leo jioni (05-05-2022) na kueleza kuwa wakati wa ziara yake maalum nchini Urusi na Ukriane hakusita kuwaeleza kinaga ubaga bila kupepesa maneno kwa nyakati tofauti na marais wa nchi hizo kwakuwa anataka kuona mzozo na ukatili unaoendelea sasa unamalizika mara moja. 

FAHAMU: Mambo 5 ya kusaidia jamii kabla, wakati na baada ya dharura

Majanga, kama vile matetemeko ya ardhi au mapinduzi ya kijeshi vinaweza kutokea ghafla, au ukame na mafuriko hujiimarisha taratibu. Aina hizi za dharura ni changamoto kwa watu kila mahali, lakini kwa wale ambao mbinu zao za kujipatia kipato au chakula zinategemea kilimo au rasilimali asili pekee, majanga haya mara nyingi huwa na madhara makubwa.

Tubadili mwelekeo wa kukabili uhaba wa chakula- Ripoti

Mtandao wa kimataifa duniani dhidi ya janga la chakula, GNAFC umezindua ripoti yake hii leo huko Roma, Italia kuhusu janga la chakula inayosema kuwa idadi ya watu wanaokabiliwa na ukosefu mkubwa wa chakula sambamba na wanaohitaji siyo tu msaada wa chakula kuokoa maisha yao bali pia msaada wa kuendesha maisha yao inaongezeka kwa kiasi kinachotia mashaka makubwa. 

Katibu Mkuu wa Umoja wa Mataifa aahidi kuwa "Msemaji" wa wakimbizi nchini Niger

Mazingira yanayoonesha vibanda vya muda vilivyofunikwa kwa shuka ambazo zimepigwa na jua na mchanga uliopulizwa na upepo huchanganyika katika mazingira ya kijivu, vumbi na ukame. Ni saa sita mchana, na halijoto imefikia joto la kuadhibu na kavu nyuzi joto 44 (111 F).

Guterres akiwa Niger: Rasilimali zaidi zinahitajika kukabili mashambulizi ya kigaidi Sahel

Idadi ya mashambulizi ya kigaidi kwenye ukanda wa Sahel barani Afrika inazidi kuongezeka, amesema Katibu Mkuu wa Umoja wa Mataifa António Guterres ambaye amewasili kwenye mji mkuu wa Niger, Niamey hii leo Jumatatu ikiwa ni kituo cha pili cha ziara yake Afrika Magharibi wakati huu wa hitimisho la mwezi mtukufu wa Ramadhani.