Msaada wa Kibinadamu

UN yataka uchunguzi wa kuaminika na wa wazi kuhusu chanzo cha mlipuko wa Lebanon

Katibu Mkuu wa Umoja wa Mataifa Antonio Guterres amesema idadi kubwa ya watu bado hawajapatikana ikiwa ni takriban wiki moja tangu kutokea mlipuko mkubwa nchini Lebanon uliowaacha watu wa taifa hilo na dunia katika majonzi, mshituko mkubwa na hali ya kutoamini kilichojiri. 

Mlipuko wa Beirut: Tunapochukua hatua haraka, ndivyo tunaweza kupunguza mateso ya wanadamu-Naibu Katibu Mkuu UN 

Ili kuisaidia Lebanon kuondokana na madhara ya janga na kupona vyema, "tutahitaji ushiriki wa kila mtu," Naibu Katibu Mkuu wa Umoja wa Mataifa Amina Mohammed hii leo ameuambia mkutano wa wafadhili uliofanyika kwa njia ya video ili kuisaidia Lebanon kutokana na mlipuko mkubwa uliotokea katika bandari iliyoko kwenye mji mkuu wan chi hiyo, Beirut na kuwaua watu 150, kujeruhi maelfu na kusababisha uharibifu mkubwa wa sehemu kubwa ya mji. 

Shughuli za uokozi zikiendelea Beiruti ,UN yaonya kuhusu mahitaji lukuki ya kibinadamu 

Mashirika ya Umoja wa Mataifa leo yameonya kwamba mahitaji ya haraka ya kibinadamu nchini Lebanon ni makubwa sana kufuatia mlipuko mkubwa uliosambaratisha bandari ya m ji wa Beiruti. 

Miaka 10 baada ya azimio la UN, bado mabilioni ya watu wanakosa maji salama na huduma za kujisafi-Mtaalamu

Miaka kumi baada ya Umoja wa Mataifa kutambua maji na kujisafi kuwa ni haki ya binadamu, mabilioni ya watu bado wanakosa maji salama ya kunywa na kujisafi, ameonya mtaalamu wa Umoja wa Mataifa hii leo mjini Geneva Uswisi.

Maskini walipwe kipato cha msingi kila mwezi kuepusha COVID-19- UNDP

Umoja wa Mataifa umesema kuwa kuwapatia watu maskini zaidi duniani kipato cha kujikimu, TBI,  kunaweza kupunguza kasi ya kuenea kwa ugonjwa wa virusi vya Corona, au COVID-19.

Maiti 60 za wahamiaji zaopolewa ziwa Van Uturuki baada ya kufa maji:IOM

Shirika la Umoja wa Mataifa la uhamiaji IOM limesema shughuli za uokozi zinaendelea ili kuopoa miili zaidi ya wahamiaji waliokufa maji katika ziwa Van Mashariki mwa Uturuki baada ya meli ya uvuvi iliyokuwa inawasafirisha kuzama wiki tatu zilizopita.

UN yahitaji dola bilioni 10.3 kukabiliana na athari za kibinadamu za COVID-19

Mashirika ya Umoja wa Mataifa yanayohusika na misaada ya kibinadamu leo yametoa ombi la dola bilioni 10.3 kwa ajili ya mikakati ya kimataifa ya kukabiliana na janga la corona au COVID-19 na athari zake.

 

Idadi ya sasa ya wagonjwa wa Ebola DR Congo imeongezeka kuliko mlipuko uliopita-WHO

Mlipuko wa Ebola nchini Jamhuri ya Kidemokrasia ya Congo, DRC katika jimbo la Equateur unaendelea kuongezeka na kusababisha wasiwasi kwa Shirika la Afya la Umoja wa Mataifa WHO na wadau wake ambao kwa sasa wanakabiliwa na pengo la ufadhili, imesema taarifa iliyotolewa na WHO kanda ya Afrika mjini Brazzaville, Jamhuri ya Congo.

Baraza la Usalama laongeza mwaka mmoja wa kuingiza misaada ya kuokoa maisha Syria

Leo Jumamosi Julai 11 Baraza la Usalama la Umoja wa Mataifa katika jaribio la nne limefanikiwa kupiga kura na kupitisha mswada wa azimio nambari 2533 (2020)  lililowasilishwa na Ujerumani,  ambalo linaidhinisha makubaliano ya shughuli za kuvusha misaada ya kibinadamu kupitia mpaka wa Uturuki kuingia Syria kwa mwaka mmoja zaidi.

Wimbo maarufu One Love wa Bob Marley kutengenezwa upya ili kuiunga mkono 'Reimagine' ya UNICEF

Wanafamilia wa mwanamuziki nguli na wa kukumbukwa sana duniani, Bob Marley, wametangaza kuutengeneza upya wimbo maarufu wa Bob Marley unaofahamika kwa jina One Love ili waunge mkono kazi za shirika la Umoja wa Mataifa la kuhudumia watoto,  UNICEF, kurejesha tena ulimwengu wa haki zaidi kwa watoto ambao maisha yao yamevurugwa na janga la COVID-19, imeeleza taarifa ya UNICEF iliyotolewa hii leo mjini New York Marekani.