Haki za binadamu

Mkataba wa Haki za Watu Walemavu Duniani Kuridhiwa Kimataifa (Sehemu ya Kwanza)

23 Aprili 2007

Mnamo mwisho wa mwezi Machi, Mataifa Wanachama 81 pamoja na Umoja wa Ulaya (EU) walijumuika kwenye Makao Makuu ya Umoja wa Mataifa (UM) kutia sahihi mkataba mpya wa kihistoria, uliokusudiwa kuboresha maisha ya watu milioni 650 walemavu duniani na kuwatekelezea haki zao za kimsingi kama inavyostahiki. Mkataba huu, kwa ujumla, unakataza na kupiga marufuku, ubaguzi wa aina yoyote, katika sehemu zote za jamii dhidi ya watu walemavu.

UM waadhimisha miaka 200 ya kupiga marufuku biashara ya utumwa

18 Aprili 2007

Umoja wa Mataifa ulishiriki, hivi majuzi, kwenye taadhima mbalimbali za kumbukumbu ile siku biashara ya utumwa ilipigwa marufuku na Bunge la Uingereza.

Fafanuzi juu ya Mkataba mpya wa Kuhifadhi Haki na Utu wa Watu Walemavu Duniani

5 Aprili 2007

Mkurugenzi Mtendaji wa Umoja wa Watu Walemavu Zanzibar (UWZ), Maalim Khalfan Hemed Khalfan, anayewakilisha pia shirika lisio la kiserekali la kimataifa linaloitwa Disabled Persons International (DPI) alikuwa miongoni mwa wajumbe kadha wa kimataifa, waliohudhuria katika wiki iliopita taadhima zilizofanyika kwenye ukumbi wa Baraza la Kuu la UM, New York, ambapo wawakilishi wa nchi wanachama 80 ziada walikusanyika kutia sahihi Mkataba mpya wa Kuhifadhi Haki na Utu wa Watu Walemavu Duniani. Idadi hiyo ilikiuka rikodi ya kihistoria kuhusu jumla ya ya nchi zilizotia sahihi mkataba mpya wa kimataifa, kwa mara ya kwanza.~~

Mijadala ya mwaka ya CSW inazingatia haki za wanawake na mabinti

5 Aprili 2007

Kamisheni ya Baraza Kuu juu ya Haki za Wanawake, au Kamisheni ya CSW, kabla ya kukamilisha kikao cha mwaka, kwa 2007, ilipitisha mswada wenye mapendekezo manne muhimu: awali, jumuiya ya kimataifa ilitakiwa kuwatekelezea wanawake wa Kifalastina haki halali za kimsingi; pili, watoto wa kike walitakiwa wapatiwe hifadhi bora dhidi ya VVU/UKIMWI; tatu, tabia ya kutahiri mabinti ikomeshwe, na mwishowe, kuhakikisha mila ya kuoza watoto wa kike wenye umri mdogo inasitishwa. Mapendekezo haya manne yanalingana na kiini cha mijadala ya kikao cha 51 cha Kamisheni ya CSW.

Fafanuzi za kikao cha 51 cha Kamisheni ya CSW kuhusu haki za wanawake

5 Aprili 2007

Kamisheni ya Baraza Kuu la UM juu ya Hadhi na Haki za Wanawake, au Kamisheni ya CSW, karibuni ilikutana kwenye Makao Makuu ya UM mjini New York, na kuzingatia utaratibu wa kuchukuliwa na nchi wanachama kuharakisha utekelezaji wa ile mikataba na miradi iliopitishwa na kuidhinishwa kimataifa, inayohusu haki za wanawake, ili kulipatia fungu hili la kijinsia ulinzi halali dhidi ya vitendo vya kibaguzi.~

Profesa Ali Mazrui wa Chuo Kikuu cha New York-Binghamton juu ya msiba wa biashara ya utumwa

30 Machi 2007

Mnamo tarehe 25 Machi 1807 Bunge la Uingereza lilipitisha sheria ya kupiga marufuku jahazi zote za Kiingereza kusafirisha, kile walichokiita, bidhaa ya wanadamu, yaani ile biashara ya kuvusha watu waliotekwa nyara makwao katika Bara la Afrika, na ambao walisafirishwa mataifa ya ng\'ambo ya Bahari ya Atlantiki kufanya kazi ya utumwa, hususan katika Amerika na Visiwa vya Karibian.

UM waadhimisha Siku ya Kukomesha Biashara ya Utumwa katika Bahari ya Atlantiki

30 Machi 2007

Mapema wiki hii UM uliandaa taadhima mbalimbali kwenye Makao Makuu mjini New York, kuheshimu ile siku ambayo miaka 200 nyuma kulipitishwa sheria nchini Uingereza kukomesha biashara ya kuchuuza wanadamu, kama bidhaa, kati ya mataifa yaliopo ng’ambo ya Bahari ya Atlantiki.~~

Hapa na pale

30 Machi 2007

Wakati KM Ban Ki-moon alipokuwa kwenye ziara ya Mashariki ya Kati mapema wiki hii, alichukua fursa hiyo na kuhudhuria Mkutano Mkuu wa Jumuiya ya Nchi za Kiarabu mjini Riyadh, Saudi Arabia, ambapo kwenye risala yake alitoa mwito wa kuhimiza viongozi wanachama wajitahidi kufanya kila wawezalo kuutekeleza ule Mpango wa Amani juu ya tatizo la Falastina na Israili, pamoja na kuwataka waongeze bidii zao vile vile katika kuipatia suluhu mizozo husika mengineyo katika Darfur, Sudan, Usomali na vile vile ile mizozo iliojiri katika Lebanon na Iraq. ~

Hapa na pale

23 Machi 2007

Baraza la Haki za Binadamu limefanyisha mjadala maalumu wiki hii mjini Geneva kuzingatia suala la kukomesha vitendo vya kutumia nguvu dhidi ya watoto, janga karaha ambalo linakiuka maadili ya kiutu.~

Hapa na pale

2 Machi 2007

Louise Arbour, Kamishna Mkuu juu ya Haki za Kibinadamu alifanya mahojiano wiki hii na wawakilishi wa vyombo vya habari waliopo Makao Makuu ya Umoja wa Mataifa (UM) ambapo alionya kwamba licha ya kupatikana maendeleo karibuni katika ulinzi wa haki za kibinadamu, hususan katika mwaka huu - na kutoa mfano wa kupitishwa ule mkataba wa kupinga tabia ya kutorosha watu na kuwaangamiza - hata hivyo, yeye binafsi, alisema, anaamini bado mchango mkubwa ziada unahitajika katika sehemu nyengine za maamirisho ya haki za kibinadamu ulimwenguni, hususan katika juhudi za kukomesha kile alichokiita “msiba wa baa” la unyanyasaji na matumizi ya nguvu dhidi ya wanawake.~