Haki za binadamu

Mwanaharakati wa haki za binadamu Kenya azungumzia ushirikiano na UM

Mnamo mwanzo wa wiki mwanaharakati anayepigania haki za binadamu Kenya, James Maina Kabutu alikuwa na kikao maalumu cha ushauri na Shirika la UM juu ya Mfuko wa Maendeleo kwa Watoto (UNICEF). Mwanaharakati huyu anawakilisha mashirika mawili ya kiraia yajulikanayo kama Hema la Katiba na Bunge la Mwananchi.

Radovan Karadzic awekwa rumande Hague kwenye kituo cha UM

Radovan Karadzic Ijumatano asubuhi alihamishwa kutoka Serbia, eneo aliokamatwa mnamo tarehe 21 Julai 2008, na amepelekwa kizuizini mjini Hague, Uholanzi penye Kituo cha Kufungia Watu cha UM. Nerma Jelacic, Msemaji wa Mwendesha Mashitaka wa Mahakama ya UM juu ya Yugoslavia ya Zamani (ICTY) alithibitisha taarifa hiyo kwenye mazungumzo na Redio ya UM.~

OCHA imeripoti Wakongo 65,000 wafukuzwa Angola

Christophe Illemassene, Msemaji wa Shirika la UM juu ya Misaada ya Dharura (OCHA) katika JKK ameiambia Redio ya UM-Geneva kwamba wana taarifa iliothibitisha kuwa tangu Mei mwaka huu raia wa Kongo 65,000 walifukuzwa na kuondoshwa kutoka Angola, wingi wao wakiwa wale wahamiaji walioingia Angola bila sheria, wakitafuta ajira kwenye viwanda vya migodi.

Tume ya waliotoweka bila khiari duniani inakutana Argentina

Tume ya Utendaji ya UM juu ya Watu Waliolazimishwa Kutoweka na Kupotea Bila Khiari inakutana katika mji wa Buenos Aires, Argentina kuanzia Julai 24 mpaka 26 kufanya mapitio ya kesi za watu 300 waliotoweka duniani, kuambatana na matatizo ya kisiasa. Tume hiyo ina wajumbe wataalamu watano na inakutana, kwa mara ya kwanza katika taifa la Amerika ya Latina la Argentina, taifa ambalo katika miaka ya sabini na mwanzo wa miaka ya themanini liliathirika sana na tatizo la kupotea kwa wapinzani wingi wa kisiasa, bila ya aila zao kujua walipo.

Sera ya EU kudhibiti wahamiaji yashtusha wataalamu wa haki za binadamu wa UM

Wataalamu kumi wanaohusika na Masuala Makhsusi ya Baraza la Haki za Binadamu wamemtumia barua maalumu Raisi wa Baraza la Umoja wa Ulaya, uraisi ambao unashikwa na Ufaransa kwa sasa, inayobainisha wasiwasi wao kuhusu pendekezo la \'Mwongozo wa EU juu ya Udhibiti wa Uhamiaji\' kwenye nchi wanachama wa EU. Sera imependekeza mataifa yote yakubali kutekeleza kipamoja sheria za kuwarejesha makwao, bila khiyari, wale raia wwenye kuishi kwenye mataifa ya EU ambao waliokiuka ruhusa ya muda wa ukaazi.

Adhabu za kifo Marekani zinatathminiwa na Mkariri Maalumu wa Haki za Binadamu

Profesa Philip Alston ni Mkariri Maalumu wa UM anayehusika na haki za binadamu zinazofungamana na masuala ya hukumu ya vifo, nje ya sheria, pamoja na mauaji ya kihorera. Majuzi Alston aliwakilisha mbele ya waandishi habari wa kimataifa waliopo Makao Makuu ripoti maalumu iliosailia namna hukumu ya vifo inavyotekelezwa katika taifa la Marekani.

Tume ya UM inasema hali katika OPT inazidi kuharibika

Tume ya Wataalamu Watatu wa Kamati Maalumu ya Kuchunguza Vitendo vya Israel dhidi ya Haki za Binadamu za Wafalastina na Waarabu Wengine kwenye Maeneo Yaliokaliwa Kimabavu (OPT) baada ya kukamilisha ziara yao Jordan, na baada ya kusikiliza ushahidi kutoka watu wanaoshidi kwenye maeneo hayo, walibainisha kuwa na wasiwas mkubwa juu ya kuzidi kuharibika kwa hali za kiutu na ukiukaji wa haki za kibinadamu kwenye maeneo husika, hususan katika Tarafa ya Ghaza.

Uchaguzi wa uraisi Zimbabwe sio halali, anasema KM

KM Ban Ki-moon, kwenye taarifa iliotolewa kwa kupitia msemaji wake, amelaumu na kushtumu matokeo ya uchaguzi wa uraisi uliofanyika Zimbabwe mwisho wa wiki iliopita, uchaguzi ambao alisisitiza umekosa uhalali chini ya hsreia ya kimataifa.

UNESCO kuanzisha muungano wa manispaa za kimataifa dhidi ya ubaguzi

Kwenye Warsha juu ya Haki za Binadamu unaofanyika Nantes, Ufaransa kulianzishwa na Shirika la UM juu ya Elimu, Sayansi na Utamaduni (UNESCO) jumuiya mpya ya muungano wa miji ya kimataifa, itakayoshirikisha manispaa za miji hiyo kwenye juhudi za kuandaa mitandao itakayoshughulikia juhudi za kuimarisha sera bora za kupiga vita kipamoja ubaguzi wa rangi na, kutunza tabia ya kuheshimiana, kwa kupendekeza kusuluhisha matatizo ya ubaguzi wa rangi kwa mazungmumzo badala ya adhabu, na kuhakikisha pia tamaduni tofauti au tabia anuwai zilizoselelea kwenye maeneo yao zinaruhusiwa kustawi bila ya pingamizi. ~

Haki Zimbabwe lazima itimiziwe waathiriwa wa vurugu la uchaguzi, anasihi Arbour

Louise Arbuor, Kamishna Mkuu wa UM juu ya Haki za Binadamu amenakiliwa akisema kwamba angependa kuona haki inakamilishwa Zimbabwe, mapema iwezekanvyo, dhidi ya wale watu walioshiriki kwenye kampeni za kisiasa, zilizokiuka maadili ya kiutu, na zilizochafua utaratibu wa kidemokrasia nchini humo, kufuatilia duru ya kwanza ya uchaguzi wa taifa mnamo Machi 29 (2008).~