Haki za binadamu

Nilianzisha shirika la kuwasaidia wanawake wajane baada ya mimi mwenyewe kuchungulia kaburi- Dianah Kamande 

Leo katika mada kwa kina tunamulika kisa cha mwanamke mmoja nchini Kenya ambaye anasimulia madhila ya ukatili wa kiinsia.

Filamu imenitoa hofu, sasa watu wengi wanafahamu shida zetu- Lazarus

Lazarus Chigwandali, mmoja wa watu wenye  ualibino kutoka Malawi ambaye sasa anatumia kipaji chake cha ameomba kuwepo kwa mfuko wa kujengea uwezo watu wenye ulemavu wa ngozi barani Afrika ili waweze kushiriki kwenye shughuli za kiuchumi na hatimaye kujiongezea kipato na kujikwamua kimaisha. Assumpta Massoi na maelezo zaidi.

Idadi kubwa ya wanawake hawana sauti ya maamuzi kuhusu miili yao-UNFPA

Haki za afya ya uzazi na chaguo ni jambo la uhalisi kwa wanawake wengi hivi sasa kuliko wakati mwingine wowote, imesema ripoti mpya ya shirika la umoja wa mataifa la idadi ya watu, UNFPA kuhusu hali ya idadi ya watu duniani mwaka 2019 iliyotolewa leo Jumatano.

Harakati za UNHCR nchini Côte d’Ivoire zanusuru watoto wasiokuwa na utaifa

Nchini Côte d’Ivoire, kampeni kabambe iliyoendeshwa na shirika la Umoja wa Mataifa la kuhudumia wakimbizi, UNHCR na watetezi wa haki kuhusu haki ya mtu kupata utaifa imezaa matundana kuleta nuru kwa wasichana wawili ambao tangu kuzaliwa hadi kutimiza umri wa miaka 17 nchini humo hawakuwa na utaifa.

Ushiriki wa wanawake katika maamuzi ya ngazi zote za serikali umeiweka pazuri Rwanda.

Wawakilishi wa Rwanda kwenye mkutano wa unaotathmini hali ya wanawake unaoendelea mjini New York, Marekani wamesema tangu wanawake walipoanza kushirikishwa moja kwa moja katika shughuli za serikali, Rwanda imepiga hatua kubwa katika nyanja zote. 

ICC yawaachia huru Gbagbo na Blé Goudé

Mahakama ya kimataifa ya makossa ya jinai, ICC leo imemwachia huru rais wa zamani wa Côte d'Ivoire Laurent Gbagbo na aliyekuwa mkuu wa vijana Charles Blé Goudé baada ya upande wa mashtaka kushindwa kuthibitisha pasipo shaka mashtaka yote dhidi yao. Arnold Kayanda na taarifa zaidi.

Zilizovuma mwaka 2018

Mwaka 2018 ulighubikwa na changamoto nyingi hususan kwa nchi za Afrika, mizozo ikiendelea kukumba bara hilo sambamba na magonjwa. Hata hivyo kulikuwa na habari chanya, na kwa muhtasari tutaangazia pande zote za sarafu wakati huu ambapo tunafunga mwaka huu wa 2018.
 

Wanawake walikuwa na mchango mkubwa katika kuandikwa kwa tamko la haki za binadamu

Wiki ijayo, dunia itaadhimisha miaka 70 ya tamko la Umoja wa Mataifa kuhusu haki za binadamu. Ingawa historia ya dunia inaonekana kuwasahau wanawake, mtafiti wa masuala ya haki za binadamu Dkt Rebecca Adami katika kitabu chake cha ‘Wanawake na tamko la haki za binadamu’ anasema wanawake walikuwa na mchango mkubwa katika kuliandaa na kulitekeleza tamko hilo.

‘Rejea nyumbani salama,’ yamulika ukatili dhidi ya wanawake kwenye usafiri wa umma Sri Lanka

Nchini Sri Lanka, shirika la Umoja wa Mataifa la idadi ya watu, UNFPA na shirika moja liitwalo Cheer Up Luv wanafanya kampeni ya pamoja kukabiliana na unyanyasaji wa kingono dhidi ya wanawake kwenye usafiri wa umma.

Mwaka 2018 pekee waandishi 88 wameuawa hadi sasa

Katika kipindi cha zaidi ya muongo mmoja waandishi habari takriban elfu moja  wameuawa wakati wanafanya kazi yao adhimu, amesema Katibu Mkuu wa Umoja wa Mataifa katika ujumbe wake wa siku ya kimataifa ya kukomesha ukwepaji sheria kwa uhalifu dhidi ya waandishi wa habari.