Haki za binadamu

Maisha ya maelfu ya raia wa DRC hatarini baada ya kutimuliwa Angola:UN

Kamishina Mkuu wa Haki za binadamu wa Umoja wa Mataifa ametoa wito kwa serikali ya Angola kusitisha mara moja zoezi la kuwarejesha kwa nguvu maelfu ya raia wa Jamhuri ya Kidemokarasia ya Congo DRC, hadi pale itakapohakikishwa kwamba kujeresheshwa huko kunazingatia utawala wa sheria na haki za binadamu za wahamiaji.

Ukiukwaji na mauaji ya kimbari dhidi ya Rohingya vinaendelea Myanmar:Darusman

Mwenyekiti wa tume ya Umoja wa Mataifa ya kutafuta ukweli wa ukiukwaji wa haki za binadamu nchini Myanmar, Marzuki Darusman amesisitiza kuwa ukiukwaji mkubwa wa haki za binadamu na mauaji ya kimbari vinaendelea dhidi ya jamii ya watu wa kabila la Rohinya.

Vita dhidi ya ugaidi sio sababu ya kubinya uhuru wa dini au imani:Shaheed 

Haki ya uhuru wa dini au imani ni suala mtambuka ambalo mara nyingi halieleweki vyema na kusababisha haki hiyo kukiukwa kwa kiasi kikubwa kote duniani.

Ufaransa kuwapiga marufuku wanawake wawili kuvaa baibui ni ukiukaji wa haki: UN

Kamati ya haki za binadamu ya Umoja wa Mataifa imebaini kwamba Ufaransa ilikiuka  haki za bindamu za wanawake wawili, pale ilipowalipisha faini kwa kuvaa baibui, vazi la kiislamu linalofunika mwili mzima.

Walio kwenye msafara wa Amerika ya kati wanaweza kuwa hatarini:UNHCR

Shirika la kuhudumia wakimbizi la Umoja wa Mataifa, UNHCR limepeleka wafanyakazi wake huko kusini mwa Mexico kama njia mojawapo ya kukabiliana na janga la kibinadamu linaloweza kutokea wakati huu ambapo  maelfu ya watu wanaingia Mexico na Guatemala wakitokea Honduras.

 

Uchunguzi huru na wa kimataifa ufanyike kuhusu kilichompata Khashoggi- Mtaalamu

Vuta nikuvute ikiendelea kuhusu kile kilichompata mwandishi wa  habari Jamal Khashoggi kwenye ubalozi mdogo wa Saudi Arabia huko Uturuki, hii leo mtaalamu wa haki za binadamu wa Umoja wa Mataifa ametaka ufanyike uchunguzi wa kina na huru dhidi ya tukio hilo. Taarifa zaidi na Assumpta Massoi.

Nchi zisiweke rehani haki za wahamiaji kwa madai ya hofu ya usalama:UN

Wakati msafara wa mamia ya raia wa Amerika ya Kati ukiripotiwa kuvuka mpaka na kuingia Mexico mwishoni mwa wiki, mtaalamu wa Umoja wa Mataifa kuhusu haki za binadamu za wahamiaji, Felipe Gonzalez, ametoa wito kwa nchi kutoziweka rehani haki za binadamu za wahamiaji hao kwa  sababu ya hofu ya masuala ya usalama.

Uwajibikaji ndio msingi wa upatanisho Myanmar:Burgener

Uwajibikaji na majadiliano jumuishi ni mihimili miwli muhimu katika maridhiano ya kitaifa nchini Myanmar, amesema mwakilishi maalumu wa Katibu Mkuu wa Umoja wa Mataifa, Schaner Burgener katika taarifa yake iliyotolewa Jumamosi.

Taarifa za kifo cha Khashoggi zimenisikitisha:Guterres 

Baada ya sintofahamu ya muda leo serikali ya Saudia Arabia imethibitisha kuwa mwanahabari JamalKhashoggi aliyetoweka tangu tarehe pili Oktoba , amefariki dunia. Katibu Mkuu wa Umoja wa Mataifa amesema amesikitishwa na taarifa hizo na anataka uchunguzi wa kina ufanyike.

Hali mbaya katika makazi duni ni ukiukwaji mkubwa wa haki za binadamu: UN

 Mtaalam Maalum wa Umoja wa Mataifa kuhusu haki ya nyumba amesema kupuuza  watu takriban milioni 900 wanaoishi katika makazi duni yaliyofurika pomoni ni kashfa kubwa ya ukiukwaji wa haki za binadamu duniani kote ambayo bado inaendelea kupuuzwa na hivyo amezitaka serikali kulipatia ufumbuzi suala hilo.