Haki za binadamu

Hali ya chakula Kenya ni ya wasiwasi kwa sababu ya ukame, kuhadharisha UM

Ripoti iliotolewa na Ofisi ya UM juu ya Misaada ya Dharura (OCHA) kuhusu chakula katika Kenya imeeleza kuwepo hali ya wasiwasi ya chakula nchini humo, inayoendelea kuathiri mamilioni ya raia wa Kenya, kwa sababu ya kutanda kwa ukame wa muda mrefu kwenye eneo la Pembe ya Afrika.

Udhalilishaji dhidi ya wanawake bado waendelezwa kwenye maeneo ya mapigano, atahadharisha ofisa wa kamati ya CEDAW

Naéla Gabr, mwenyekiti wa kamati inayosimamia utekelezaji wa Mkataba wa UM Kuondosha Aina Zote za Ubaguzi Dhidi ya Wanawake (CEDAW) Ijumatatu alipohutubia Baraza Kuu aliwaeleza wajumbe wa kimataifa kwamba vitendo vya unyanyasaji na udhalilishaji katili wa wanawake walionaswa kwenye mazingira ya mapigano bado umeselelea duniani,

Hapa na Pale

Mapema Ijumaa, KM BanKi-moon alikutana mjini Stockholm na Spika wa Bunge pamoja na wawakilishi wa vyama vya kisiasa. Baada ya hapo KM alikuwa na mazungumzo na wawakilishi wa mashirika yasio ya kiserikali ya Uswidini. Kufuatia hapo KM alielekea Copenhagen, ambapo alitarajiwa kukutana kwa mazumgumzo na Waziri Mkuu wa Denmark, Lars Lokke Rasmussen, na vile vile Jacques Rogge, Raisi wa Kamati ya Kimataifa ya Olimpiki (IOC). Ijumamosi KM atahutubia Baraza Kuu la Olimpiki ambapo aantazamiwa kujadilia ajenda ya Kamati ya IOC kuhusu Hifadhi ya Mazingira kwenye Shughuli za Michezo.

Siku ya Kimataifa ya Kutotumia Nguvu wala Mabavu

Hii leo UM unaadhimisha Siku ya Kimataifa Dhidi ya Matumizi ya Nguvu. Risala ya KM juu ya siku hii imetoa mwito maalumu unaoutaka umma wote wa kimataifa kuiadhimisha siku hiyo kwa kukumbushana urithi wa kimaadili wa Mahatma Gandhi ambaye aliwahimiza walimwengu kutatua mifarakano yao kwa taratibu za amani, zisiotumia nguvu, mabavu wala fujo.

Mapigano mapya Usomali huathiri zaidi raia, kuhadharisha UNHCR

Shirika la UM juu ya Huduma za Wahamiaji (UNHCR) limeripoti mfumko wa mapigano ya karibuni katika jimbo la Kati-Kusini la Usomali yamechochea tena wimbi la wahamiaji wapya wa ndani walioamua kuelekea maeneo jirani kutafuta hifadhi.

FAO imeanzisha mradi wa kuotesha aina mpya ya mpunga Uganda kuwasaidia wakulima waathirika wa mapigano

Ripoti ya Shirika la UM juu ya Chakula na Kilimo (FAO) imeeleza kwamba wahamiaji wa ndani ya nchi milioni 1.5 waliohajiri makazi yao baada ya miaka 20 ya mapigano na vurugu katika Uganda kaskazini, wameonekana hivi sasa wanaanza kurejea makwao baada ya kuishi maisha ya wasiwasi kwa muda mrefu nje ya maeneo yao.

UM inaadhimisha Siku Kuu ya Kuwahishimu Watu Waliozeeka

Tarehe ya leo, Oktoba 01, inaadhimishwa na UM kuwa ni Siku ya Kimataifa kwa Watu Waliozeeka. Kwenye risala aliotuma KM kuihishimu siku hii, alitoa mwito maalumu uitakayo walimwengu kukomesha tabia ya kubagua wazee wenye umri mkubwa.

UNAMID imelaani shambulio la Darfur Magharibi dhidi ya wafanyakazi raia na wanajeshi

Shirika la Vikosi vya Mchanganyiko vya UM-UA kwa Darfur (UNAMID) limelaani vikali shambulio dhidi ya moja ya msafara wao wa ulinzi, liliotukia Ijumatatu usiku kwenye mji wa El Geneina, mji mkuu wa Darfur Magharibi na kusababisha kifo cha mwanajeshi mmoja wa ulinzi amani.

WFP/Taasisi ya Mradi wa Vijiji vya Milenia zaungana kupunguza wenye njaa na utapiamlo Afrika

Kadhalika, mapema wiki hii Shirika la Miradi ya Chakula Duniani (WFP), likijumuika na mpango wa maendeleo unaoungwa mkono na UM, unaoitwa Mradi wa Vijiji vya Milenia, yameanzisha bia mradi mwengine mpya unaojulikana kama mradi wa "maeneo huru dhidi ya ukosefu wa chakula cha kutosha" utakaotekelezewa vijiji 80 katika nchi 10 za Afrika, kusini ya eneo la Sahara.

Ukame katika Uganda unaitia wasiwasi WFP

Shirika la Miradi ya Chakula Duniani (WFP) limeripoti rasmi hii leo kuingiwa wasiwasi kuhusu mfululizo wa mvua haba katika Uganda kwenye majira ya mvua, hali iliosababisha watu milioni mbili kukosa uwezo wa kupata chakula na kuomba wasaidiwe chakula na mashirika ya kimataifa kunusuru maisha.