Haki za binadamu

Zaidi ya watu milioni 40 bado ni waathirika wa utumwa duniani kote.

Shirika la kazi duniani, ILO, linasema utumwa bado ni tatizo kubwa linalowathiri zaidi ya watu milioni 40 duniani kote, watoto wakiwa ni robo ya idadi nzima pamoja na uwepo wa itifaki ya kuzuia hali hiyo ya kulazimishwa kufanya kazi iliyofikiwa mwaka 2016.

Danai Gurira wa Black Panther ateuliwa kuwa balozi mwema wa UN Women

Shirika la Umoja wa Mataifa linalohusika na masuala ya wanawake,UN Women, limemteua muigizaji maarufu wa filamu Danai Gurira kuwa balozi mwema ambaye atatumia jina lake na kujitolea kwake katika kushughulikia masuala ya usawa wa kijinsia na haki za wanawake ikiwa ni pamoja na kuzipa nafasi sauti za wanawake ambazo hazijasikika. 

Mamia ya wahamiaji walio katika msafara wasaidiwa na IOM kurejea Amerika ya Kati

Shirika la Umoja wa Mataifa la uhamiaji, IOM limekuwa likiwasaidia mamia ya wahamiaji walioko katika msafara kutoka mataifa ya Amerika kurejea nyumbani kwa hiyari, mpangilio na usalama.

Utamaduni haupaswi kuwa kisingizio cha kubinya haki zingine

Mila na desturi za kitamaduni zina mchango mkubwa katika jamii endapo zitaenziwa kwa kuheshimu haki zingine za binadamu. Hata hivyo wakati mwingine jamii hutumia haki za kitamaduni kama kisingizio cha kukandamiza wengine au kubinya haki zingine za binadamu katika jamii. 

Ushiriki na upatikanaji wa huduma za jamii bado ni mtihani Tanzania:Dkt.Bisimba

Utekelezaji wa tamko la haki za binadamu la Umoja wa Mataifa ni moja ya wajibu mkubwa wa nchi wanachama wa Umoja wa Mataifa walioridhia tamko hilo la mwaka 1948. 

Sera za serikali zapora walalahoi haki ya nyumba, G20 chukueni hatua - Mtaalamu

Mkutano wa kundi la nchi 20 zinazoongoza kiuchumi duniani, G20 ukianza kesho huko Buenos Aires nchini Argentina, wataalamu wa Umoja wa Mataifa wametaka viongozi hao kupatia suluhu janga la makazi ambalo linawanyima mamilioni ya watu ulimwenguni haki yao ya msingi ya kibinadamu.

‘Reggae’ ya Jamaica na tambiko la kijapani vyatambuliwa na UNESCO

Mtindo wa muziki wa ‘reggae’ kutoka Jamaica, mieleka ya Georgia na matambiko ya kijapani ni miongoni mwa tamaduni ambazo hii leo zimejumuishwa katika orodha ya turathi za tamaduni zisizogusika za kibinadamu za shirika la Umoja wa Mataifa la elimu, sayansi na utamaduni, UNESCO.

Suluhu ya mataifa 2 bado ndio jawabu kwa Wapalestina:Guterres

Suluhu ya kuwa na mataifa mawili ambapo Israel na Palestina wataishi kama mataifa huru inasalia kuwa ndio njia pekee ya amani ya kudumu na kumaliza mzozo wa miaka na mikaka.

Wengine wanaweza kusema huwezi kupambana na mabadiliko ya tabianchi na ukawa na uchumi mzuri. Ninakataa!-Guterres

Katibu Mkuu wa Umoja wa Mataifa Antonio Guterres leo akiwa mjini New York Marekani kabla ya kusafiri kwenda Argentina unakofanyika mkutano wa nchi 20 zilizoendelea zaidi kiuchumi G20,  amewaambia wanahabari kuwa changamoto kubwa hivi sasa ni ukosefu wa kuaminiana duniani.

 

Mwanafamilia hapaswi kushinikizwa kujiunga au kutojiunga na kikundi - UDHR

Tamko la haki za binadamu la Umoja wa Mataifa, #UDHR likitimiza miaka 70 mwezi disemba mwaka huu wa 2018, harakati mbalimbali zimekuwa zikifanyika ili kukumbusha binadamu haki zao za msingi zilizotajwa bayana ndani ya nyaraka hiyo yenye ibara 30.