Haki za binadamu

FAO yajiandaa kuwasaidia wakulima na wafugaji Msumbiji baada ya IDAI

Shirika la chakula na kilimo la Umoja wa Mataifa FAO  limesema linajiandaa kuzisaidia jamii za vijijini zilizoathirika na kimbunga IDAI nchini Msumbiji kufufua kilimo na masuala ya uvuvi.

Hatutaki zahma nyingine katika maandamano yatarajiwayo kesho Gaza:McGoldrick

Katika mkesha wa maadhimisho ya mwaka mmoja wa maandamano ya Gaza mratibu wa Umoja wa Mataifa kwa ajili ya eneo linalokaliwa la Palestina Jamie McGoldrick amesema kipaumbele hivi sasa ni kuokoa maisha na kila mmoja anapaswa kuchukua hatua inavyostahili. 

Yemen inakabiliwa tena na ugonjwa wa kuhara na kipindupindu-WHO na UNICEF.

Taarifa kutoka kwa Geert Cappelaere mkurugenzi wa Shirika la Umoja wa Mataifa la kuhudumia watoto UNICEF kanda ya Mashariki ya Kati na kaskazini mwa Afrika pamoja na Dkt Ahmed Al Mandhari Mkurugenzi wa Shirika la afya duniani kanda ya Medterania Mashariki iliyotolewa mjini Muscat Oman, Amman Jordan na Cairo Misri inasema nchini Yemen, tangu mwanzoni mwa mwaka huu hadi tarehe 17 mwezi huu wa Machi, takribani watu 109,000 wamekumbwa na ugonjwa wa kuhara na pia vifo 190 vilihisiwa kusababishwa na kipindupindu tangu mwezi Januari.

WFP yakaribisha ufadhili kutoka kwa USAID kwa ajili ya CAR

Shirika la Umoja wa Mataifa la mpango wa chakula duniani, WFP limekaribisha ufadhili wa dola milioni 6 kutoka kawa mfuko wa Marekani wa maendeleo ya kimataifa USAID ambao utahakikisha huduma ya misaada kupitia anga, UNHAS inaendelea kwa ajili ya kuwasilisha msaada nchini Jamhuri ya Afrika ya kati, CAR.

Italia imekiuka haki kumshurutisha mwanamke kubeba ujauzito kisha ukatoka:UN

Uamuzi uliotolewa leo na kamati ya Umoja wa Mataifa ya masuala ya kiuchumi, kijamii na haki za kitamaduni umesema Italia ilikiuka haki za binadamu za kiafya za mwanamke mmoja baada ya sheria za masuala ya tiba ya uzazi nchini humo kumlazimisha kubeba ujauzito ambao hatimaye ulitoka.

Mtaalamu huru wa UN alalamikia hukumu mpya dhidi ya Jaji Afiuni wa Venezuela.

Mtaalamu wa haki za binadamu wa Umoja wa Mataifa kupitia ripoti iliyochapishwa hii leo na baraza la haki za binadamu la Umoja wa Mataifa, ameeleza kusikitishwa kwake na hukumu ya miaka mitano zaidi dhidi ya Jaji Maria Lourdes Afiuni wa Venezuela.

Watoto wanalipa gharama kubwa kwenye mgogoro wa Mali:UN

Shirika la Umoja wa Mataifa la kuhudumia watoto UNICEF limesikitishwa na kughadhibishwa na kitendo cha watoto kuendelea kulipa gharama kubwa ya maisha yao kwenye mgogoro wa Mali. 

Dunia lazima ichukue hatua kushughulikia athari za utumwa:UN

Athari za utumwa na biashara ya utumwa bado zinaendelea kuonekana duniani kote hivi leo na dunia ni lazima ichukue hatua zaidi kushughulikia athari hizo. Hayo yameelezwa leo na Katibu Mkuu wa Umoja wa Mataifa katika hafla maalum ya siku ya kimataifa ya kuwakumbuka wahanga wa biashara ya utumwa na ile ya baharí ya Atlantic kwenye Baraza Kuu la Umoja wa huo mjini New York Marekani.

Magonjwa ya kitropiki yaliyosahaulika, yanaua kimya kimya Sudani Kusini-WHO.

Shirika la Afya duniani WHO limetahadharisha kuhusu magonjwa ya kitropiki yaliyosahaulika NTDs ambayo kwa mujibu wa shirika hilo yanawaathiri kimya kimya watu zaidi ya bilioni moja duniani kote  wengi wao wakiwa katika nchi za Afrika kama  Sudan Kusini. 

Ni wakati wa kukitokomeza Kifuu kikuu-UN

Shirika la afya duniani kupitia taarifa yake ya leo jumapili katika siku ya Kifua Kikuu au TB duniani, linasema ugonjwa huo siyo tu ni ugonjwa wa maambukizi unaoua zaidi duniani kote bali pia ni ugonjwa unaoongoza kusababisha vifo kwa watu wanaoishi na Virusi Vya UKIMWI, au VVU, pia ndiyo ugonjwa unaosababisha zaidi vifo vinavyotokana na magonjwa ambayo yamekuwa sugu dhidi ya madawa.