Haki za binadamu

Mtetezi wa mazeruzeru Tanzania ahimiza UM usaidie uimarishaji wa haki zao kimataifa

Kwenye wiki ya tarehe 20 mpaka 24 Aprili wajumbe kadha wa kadha kutoka Mataifa Wanachama wa UM walikusanyika mjini Geneva, Uswiss kuhudhuria Mkutano wa Maafikiano ya Durban kwa makusudio ya kutathminia, na pia kuharakisha, utekelezaji wa mapendekezo yaliopitishwa na kikao cha awali cha 2001, katika Durban dhidi ya ubaguzi.

Mkutano juu ya Mwito wa Durban Kupinga Ubaguzi wahitimishwa Geneva

Mkutano wa Mapitio juu ya Mwito wa Durban dhidi ya Ubaguzi, uliofanyika wiki hii mjini Geneva, Uswiss ulikamilisha shughuli zake leo Ijumaa. Kwenye mahojiano na waandishi habari wa kimataifa juu ya kikao hicho, Kamishna Mkuu wa UM juu ya Haki za Bindamau, Navi Pillay alisema anaamini Mkutano ulikuwa wa mafanikio makubwa, licha ya kwamba mapatano yalikuwa magumu na yalichukua muda mrefu kukamilishwa.

Mkuu wa UNHCR ashtumu sera za ubaguzi dhidi ya waombao hifadhi ya kisiasa

Ijumatano, Antonio Guterres, Kamishna Mkuu wa Shirika la UM juu ya Huduma za Wahamiaji (UNHCR) aliwaambia wajumbe waliohudhuria Mkutano wa Geneva wa Mapitio ya Utekelezaji wa Mwito wa Durban Kupinga Ubaguzi Duniani, tangu kumalizika kwa Mkutano wa Awali wa Durban dhidi ya Ubaguzi miaka saba na nusu iliopita, waathirika wa mateso ulimwenguni bado wanaendelea kunyimwa hifadhi kwenye yale maeneo yenye uwezo wa kuupatia umma huo hali ya usalama.

Idadi ya raia waliongolewa makazi na mashambulio ya waasi wa FDLR yakithiri JKK kuhudharisha UNHCR

Ron Redmond, Msemaji wa Shirika la UM juu ya Huduma za Wahamiaji (UNHCR) Ijumanne asubuhi aliwaeleza waandishi habari mjini Geneva kwamba mnamo wiki saba zilizopita idadi ya raia waliong\'olewa makazi ilikithiri pomoni, kutokana na mashambulio ya mara kwa mara ya waasi wa kundi la FDLR, kwenye eneo la Lubero, Kivu Kaskazini katika Jamhuri ya Kidemokrasi ya Kongo (JKK).

Mkutano Dhidi ya Ubaguzi waanza rasmi Geneva

Mkutano wa UM juu ya Mapitio ya Mwito wa Durban dhidi ya Ubaguzi wa Rangi Duniani umeanza rasmi hii leo mjini Geneva. Kwenye risala ya ufunguzi, KM Ban Ki-moon alieleza masikitiko juu ya uamuzi wa baadhi ya nchi wanachama, wa kutohudhuria kikao hiki, licha ya kuwa ushahidi uliopo umethibitisha dhahiri kwamba ubaguzi wa rangi ni tatizo ambalo linaendelea kuselelea, na kujizatiti katika maeneo kadha wa kadha ya ulimwengu.

Mashambulio dhidi ya viongozi wa Usomali yalaaniwa na UM

Ahmedou Ould-Abdallah, Mjumbe Maalumu wa KM kwa Usomali, amelaani vikali mashambulio ya karibuni yaliofanyika Mogadishu yaliowalenga wabunge, hujumu ambazo alisema zilikusudiwa hasa kuzorotisha juhudi za Serikali mpya ya Usomali za kupitisha Bungeni kanuni za Sharia, pamoja na kukwamisha zile jitihadi za kurudisha utulivu na amani ya eneo.

Mauaji ya mtetezi wa Haki za Binadamu Burundi yalaaniwa na UM

Akich Okola, Mtaalamu Maalumu aliyeteuliwa na Baraza la UM juu ya Haki za Binadamu kuchunguza utekelezaji wa haki za kiutu katika Burundi, ameripoti kuchukizwa sana na taarifa za mauaji ya Ernest Manirumva, Naibu-Raisi mzalendo wa shirika lisio la kiserikali linaloitwa OLUCOME, mauaji yaliotukia mjini Bujumbura, nyumbani mwa Manirumva, mnamo usiku wa tarehe 08 Aprili.

Kamishna wa Haki za Binadamu kuihimiza jumuiya ya kimataifa kushirikiana kukomesha uovu wa ubaguzi wa rangi

Kamishna Mkuu wa UM juu ya Haki za Binadamu, Navi Pillay ameyasihi Mataifa Wanachama kujiepusha na alioitafsiri kuwa ni tabia karaha inayowakilisha "mawazo finyu ya kisiasa" na "ung\'anga\'niaji wa uzalendo", na badala yake kuyataka mataifa yakamilishe maafikiano yanayokabiliwa na wote, ili kuendeleza mbele juhudi za pamoja za kupiga vita utovu wa ustahamilivu wa kitamaduni na uovu wa ubaguzi wa rangi duniani.

Jumuiya ya kimataifa itafanyisha mkutano wa kuzingatia haki za binadamu Darfur

Kadhalika, kwenye mji mkuu wa Jimbo la Darfur Magharibi wa El Geneina, mnamo Ijumanne ya tarehe 14 Machi (2009) kutafanyika kikao cha pili cha kuzingatia namna Haki za Binadamu zinavyotekelezwa katika Darfur.

Mkariri wa UM kuhusu mauaji nje ya mahakama ashtumu vyombo vya sheria Kenya

Profesa Philip Alston, aliye Mkariri Maalumu wa UM dhidi ya Mauaji Nje ya Taratibu za Mahakama amewasilisha ripoti ilioshtumu vikali vyombo vya sheria Kenya, ambavyo alidai hushiriki kwenye vitisho vya mpangilio na mabavu dhidi ya watetezi wazalendo wa haki za binadamu, hasa wale watetezi waliotoa ushahidi kwa tume ya uchunguzi ya UM juu ya ukiukaji wa haki hizo.