Haki za binadamu

Iwapo ulizikosa wiki hii ya tarehe 18-23 Agosti 2019

Katibu Mkuu wa UN akaribisha kutiwa saini makubaliano kati ya Uganda na Rwanda. Siku ya kimataifa ya waathirika wa matendo ya vurugu yanayotokana na dini au imani yaadhimishwa kwa mara ya kwanza. "Nitawasamehe lakini nitawauliza, kwa nini mlitaka kunichinja?" asema muathirika wa ugaidi. Tishio la sasa nchini Yemeni ni kubwa zaidi kuliko wakati wowote ule ameonya Martin Griffiths. Ebola yathibitishwa Kivu Kusini, mwanamke mmoja na mwanae wafariki Dunia.

Tusaidie manusura na waathirika wa ugaidi angalau kupunguza makovu yao- Guterres

Leo ni siku ya kimataifa ya kumbukizi na kutambua waathirika na manusura wa vitendo vya ugaidi ambapo Katibu Mkuu wa Umoja wa Mataifa Antonio Guterres amezungumza kwenye tukio maalum lililofanyika katika makao makuu ya chombo hicho jijini New York, Marekani akisema kuwa ugaidi na aina zake zote umesalia changamoto kubwa.

Tishio la sasa nchini Yemeni ni kubwa zaidi kuliko wakati wowote ule- Martin Griffiths

Mwakilishi maalumu wa Katibu Mkuu wa Umoja wa Mataifa nchini Yemen, hii leo akihutubia Baraza la usalama la Umoja wa Mataifa kwa njia ya video kutoka Amman,Jordan ameonya kuwa mgawanyiko nchini Yemen umekuwa wenye nguvu zaidi na wa kutisha zaidi kuliko awali.

Tume ya haki za binadamu imeanza ziara Sudan Kusini, Uganda, Kenya na Ethiopia

Wajumbe wa tume ya haki za binadamu ya Umoja wa Mataifa kwa  ajili ya Sudan Kusini leo wameanza ziara ya siku kumi katika nchi nne za Afrika ambazo ni Sudan Kusini, Uganda, Kenya na Ethiopia.

UN yapongeza wanawake viongozi Afrika kwa kuweka mjadala wa vizazi tofauti

Naibu Katibu Mkuu wa Umoja wa Mataifa Amina J.Mohammed ameshiriki mkutano wa mtandao wa wanawake viongozi barani Afrika, AWLN, akipongeza mtandao huo kwa kuchuuka hatua za kuleta pamoja viongozi wanawake wastaafu, wale wa sasa na viongozi vijana.

Zimbabwe acheni msako dhidi ya waandamanaji- OHCHR

Ofisi ya haki za binadamu ya Umoja wa Mataifa, OHCHR , imeisihi serikali ya Zimbabwe isake njia bora ya kushughulikia machungu ya hali ngumu ya kiuchumi inayokumba wananchi badala ya kushambulia waandamanaji wanaolalama kuhusu mazingira duni.
 

Mkurugenzi mkuu wa UNESCO aisihi Mexico iangazie mauaji ya wanahabari watatu.

Mkurugenzi Mkuu wa shirika la Umoja wa Mataifa la elimu, sayansi na utamaduni, UNESCO, Audrey Azoulay amelalamikia mauaji ya wanahabari watatu nchini Mexico, ambao ni Edgar Alberto Nava López, Rogelio Barragán Pérez, na Jorge Ruiz Vázquez, akitoa wito kwa mamlaka kuchunguza matendo hayo yaliyofanywa kati ya mwishoni mwa mwezi Julai na tarehe 2 Agosti.

Iran waachie huru wanawake waliofungwa kwa kupinga uvaaji wa hijab

Wataalamu 6 wa haki za binadamu wa Umoja wa Mataifa wamelaani hukumu ya muda mrefu wa kifungo jela dhidi ya wanawake watatu nchini Iran ambao wamekuwa wanashikiliwa kiholela kwa kupinga hadharani uvaaji wa hijabu.

Kinachoendelea Hong Kong SAR kinatutia hofu:UN

Kamishina Mkuu wa haki za binadamu wa Umoja wa Mataifa amesema anatiwa wasiwasi mkubwa na matukio yanayoendelea kwenye jimbo maalum la Hong Kong SAR na machafuko ambayo yameshika kasi katika siku za karibuni.

Umoja wa Mataifa walaani shambulizi la bomu mjini Benghazi Libya

Katibu Mkuu wa Umoja wa Mataifa, Antonio Guterres kupitia ujumbe uliotolewa na msemaji wake jumamosi hii mjini New York Marekani, amelaani vikali shambulizi la bomu la kutegwa katika gari lililotokea mapema leo mjini Benghazi Libya ambapo  wafanyakazi watatu wa Umoja wa Mataifa wamepoteza maisha na wengine watatu kujeruhiwa.