Haki za binadamu

Simama kidete sasa kupigania haki za wazee:UN

Katika kuelekea siku ya kimataifa ya wazee ambayo kila mwaka huadhimishwa Oktoba Mosi, mtaalam huru wa Umoja wa Mataifa kuhusu wazee kufurahia haki zote za binadamu ametoa wito kwa kila mtu kusimama kidete kwa ajili ya kuhakikisha haki za wazee zinatimizwa.

Kamata kamata kufuatia maandamano Misri inatutia hofu kubwa:Bachelet

Kamishina mkuu wa Haki za Binadamu wa Umoja wa Mataifa Michelle Bachelet leo Ijumaa ameelezea wasiwasi mkubwa alionao kuhusu taarifa za kutokuwepo mchakato wowote kufuatia idadi kubwa ya kamata kamata ya watu ikihusishwa na maandamano nchini Misri, na kuutaka uongozi wa Misri kuheshimu haki ya uhuru wa kujieleza na kukusanyika kwa amani kwa kutekeleza kanuni na viwango vya kimataifa.

Umoja wa Mataifa wazindua mikakati ya kuzuia unyanyasaji  kingono na kuuzwa watoto

Kamati ya Umoja wa Mataifa ambayo inafutilia haki za watoto inazinduliwa rasmi leo Alhamisi ikiwa na malengo  ya kusaidia nchi kutekekeza makubaliano  yanayohusu kuuzwa kwa watoto, watoto kutumiwa katika umalaya na biashara ya picha za uchi za watoto.

Sasa ni rasmi, ofisi ya haki za binadamu ya UN kufunguliwa Sudan

Hatimaye Sudan imetia saini makubaliano ya kufungua  ofisi ya haki za binadamu ya Umoja wa Mataifa kwenye mji mkuu Khartoum na ofisi za mashinani kwenye majimbo ya Darfur, Blue Nile, Kordofan Kusini na Sudan Mashariki.

Vita bado ni chanzo kikubwa ya ukiukwaji wa haki za mtoto:Guterres

Tangu kupitishwa kwa mkataba wa haki za mtoto miaka 30 iliyopita pamoja na mafanikio makubwa yaliyopatikana kote duniani bado vita imesalia kuwa chanzo kikubwa cha ukiukwaji wa haki za mtoto na bado kuna nchi hazijaridhia mkataba huoamesema Katibu Mkuu wa Umoja wa Mataifa Antonio Guterres. 

Tunaweza kufanya lolote iwapo tu majasiri- Profesa Bande

Rais wa Baraza Kuu la Umoja wa Mataifa Profesa Tijjani Muhammad-Bande amerejea tena kauli yake ya kusihi ushirikiano wa kimataifa ili kuweza kunasua mamilioni ya watu kutoka lindi la umaskini.

Nigeria sitisheni uhamishaji watu kwa shuruti:Leilani Farha

Mtaalam huru wa haki za binadamu kuhusu masuala ya haki ya makazi leo ameitaka Nigeria kuchukua hatua haraka kusitisha uhamishaji watu kwa shuruti na kushughulikia tatizo kubwa la ukosefu wa nyumba .

Mustakabali ni wa wazalendo na si wakumbatia utandawazi- Trump

Rais Donald Trump wa Marekani amehutubia mjadala mkuu wa Baraza Kuu la Umoja wa Mataifa akipigia chepuo uzawa badala ya  utandawazi.

Ongezeko la mauaji na unyanyasaji mwingine dhidi ya binadamu mashariki mwa DRC linatisha-UNHCR

Shirika la Umoja wa Mataifa la kuhudumia wakimbizi UNHCR, hii leo mjini Geneva Uswisi limeeleza kuwa linashitushwa na ongezeko la vurugu zinazotekelezwa dhidi ya raia katika jimbo la Ituri na Kivu Kaskazini, majimbo mawili yaliyoko katika eneo la mashariki mwa Jamhuri ya kidemkrasia ya Congo, DRC, kutokana na shughuli za makundi yenye silaha na pia uwezo mdogo wa vikosi vya usalama kukomesha vurugu.

Wafanyabiashara wa kigeni Afrika Kusini waripoti kuporwa kwa mali zao- UNHCR

Kufuatia ongezeko la mashambulizi ya chuki dhidi ya wageni nchini Afrika Kusini, shirika la Umoja wa Mataifa la kuhudumia wakimbizi UNHCR, limeongeza msaada kwa wakimbizi lakini limetoa wito wa kuchukua hatua mara moja kukomesha mashambulizi hayo.