Haki za binadamu

Chuo Kikuu cha Pretoria kupokea Tunzo ya UNESCO ya 2006

Taasisi ya Haki za Kibinadamu ya Chuo Kikuu cha Pretoria (Afrika Kusini) imetunukiwa Tunzo ya UNESCO ya 2006 kwa mchango wake wa kusaidia kuandaa Mswada wa Sheria ya Haki za Binadamu na pia kutayarisha Katiba mpya ya taifa baada ya ubaguzi haraka wa rangi kufyekwa nchini.

Hapa na pale

Kamishna Mkuu wa UM juu ya Ulinzi wa Haki za Binadamu Duniani, Louise Arbour ameshtumu vikali muongezeko wa vurugu na mapigano yaliofumka karibuni kwenye Tarafa ya Ghaza, na ametoa mwito maalumu wenye kuhadharisha pande zote husika na mgogoro huu kutokiuka kanuni za kiutu za kimataifa, sheria ambazo zinawajibisha wenye madaraka kuhakikisha raia wote wanaojikuta wamenaswa kwenye mapigano kupatiwa hifadhi.~

Mkataba wa Haki za Watu Walemavu Duniani

Katika makala iliopita, iliwakilisha sehemu ya kwanza ya mazungumzo kati ya Redio ya UM na Maalim Khalfan Hemed Khalfan, Mkurugenzi Mtendaji wa Umoja wa Watu Walemavu Zanzibar (UWZ)ambapo alielezea juu ya mataifa 80 ziada yalioridhia kutia sahihi Mkataba mpya wa Haki za Walemavu Duniani, yakijumuisha mataifa ya Afrika Mashariki ya Kenya, Tanzania na Uganda. Kadhalika, Maalim Khalfan alielezea umuhimu wa kuwepo ushirikianao wa kipamoja kati ya mataifa kwenye utekelezaji wa mapendekezo ya Mkataba huo, kwa sababu, alikumbusha, sio Mataifa yote Wanachama yenye uwezo au nyenzo za kuzitekeleza haki za kimsingi za watu walemavu. Halkadhalika, alitupatia dokezo juu ya tafsiri ya mtu mlemavu, kama inavyotafsiriwa na Mkataba, na alifahamisha fungamano ziliopo za kisheria zinazoyawajibisha mataifa yaliouridhia na kuuidhinisha Mkataba kuwatekelezea watu wenye ulemavu haki zao.

Siku ya Uhuru wa Vyombo vya Habari Duniani

Tarehe 03 Mei huadhimishwa kila mwaka na jamii ya kimataifa kuwa ni ‘Siku ya Uhuru wa Vyombo vya Habari Duniani’. Ujumbe wa risala ya KM Ban Ki-moon kuiheshimu siku hii, mwaka huu, ulitilia mkazo umuhimu wa kuzingatia, na kutafuta suluhu ya kuridhisha, inayotakikana kuwakinga waandishi habari dhidi ya taathira mbaya wanazokumbana nazo katika kutekeleza kazi zao.

Mkataba wa Haki za Watu Walemavu Duniani Kuridhiwa Kimataifa (Sehemu ya Kwanza)

Mnamo mwisho wa mwezi Machi, Mataifa Wanachama 81 pamoja na Umoja wa Ulaya (EU) walijumuika kwenye Makao Makuu ya Umoja wa Mataifa (UM) kutia sahihi mkataba mpya wa kihistoria, uliokusudiwa kuboresha maisha ya watu milioni 650 walemavu duniani na kuwatekelezea haki zao za kimsingi kama inavyostahiki. Mkataba huu, kwa ujumla, unakataza na kupiga marufuku, ubaguzi wa aina yoyote, katika sehemu zote za jamii dhidi ya watu walemavu.

UM waadhimisha miaka 200 ya kupiga marufuku biashara ya utumwa

Umoja wa Mataifa ulishiriki, hivi majuzi, kwenye taadhima mbalimbali za kumbukumbu ile siku biashara ya utumwa ilipigwa marufuku na Bunge la Uingereza.

Fafanuzi juu ya Mkataba mpya wa Kuhifadhi Haki na Utu wa Watu Walemavu Duniani

Mkurugenzi Mtendaji wa Umoja wa Watu Walemavu Zanzibar (UWZ), Maalim Khalfan Hemed Khalfan, anayewakilisha pia shirika lisio la kiserekali la kimataifa linaloitwa Disabled Persons International (DPI) alikuwa miongoni mwa wajumbe kadha wa kimataifa, waliohudhuria katika wiki iliopita taadhima zilizofanyika kwenye ukumbi wa Baraza la Kuu la UM, New York, ambapo wawakilishi wa nchi wanachama 80 ziada walikusanyika kutia sahihi Mkataba mpya wa Kuhifadhi Haki na Utu wa Watu Walemavu Duniani. Idadi hiyo ilikiuka rikodi ya kihistoria kuhusu jumla ya ya nchi zilizotia sahihi mkataba mpya wa kimataifa, kwa mara ya kwanza.~~

Mijadala ya mwaka ya CSW inazingatia haki za wanawake na mabinti

Kamisheni ya Baraza Kuu juu ya Haki za Wanawake, au Kamisheni ya CSW, kabla ya kukamilisha kikao cha mwaka, kwa 2007, ilipitisha mswada wenye mapendekezo manne muhimu: awali, jumuiya ya kimataifa ilitakiwa kuwatekelezea wanawake wa Kifalastina haki halali za kimsingi; pili, watoto wa kike walitakiwa wapatiwe hifadhi bora dhidi ya VVU/UKIMWI; tatu, tabia ya kutahiri mabinti ikomeshwe, na mwishowe, kuhakikisha mila ya kuoza watoto wa kike wenye umri mdogo inasitishwa. Mapendekezo haya manne yanalingana na kiini cha mijadala ya kikao cha 51 cha Kamisheni ya CSW.

Fafanuzi za kikao cha 51 cha Kamisheni ya CSW kuhusu haki za wanawake

Kamisheni ya Baraza Kuu la UM juu ya Hadhi na Haki za Wanawake, au Kamisheni ya CSW, karibuni ilikutana kwenye Makao Makuu ya UM mjini New York, na kuzingatia utaratibu wa kuchukuliwa na nchi wanachama kuharakisha utekelezaji wa ile mikataba na miradi iliopitishwa na kuidhinishwa kimataifa, inayohusu haki za wanawake, ili kulipatia fungu hili la kijinsia ulinzi halali dhidi ya vitendo vya kibaguzi.~

Profesa Ali Mazrui wa Chuo Kikuu cha New York-Binghamton juu ya msiba wa biashara ya utumwa

Mnamo tarehe 25 Machi 1807 Bunge la Uingereza lilipitisha sheria ya kupiga marufuku jahazi zote za Kiingereza kusafirisha, kile walichokiita, bidhaa ya wanadamu, yaani ile biashara ya kuvusha watu waliotekwa nyara makwao katika Bara la Afrika, na ambao walisafirishwa mataifa ya ng\'ambo ya Bahari ya Atlantiki kufanya kazi ya utumwa, hususan katika Amerika na Visiwa vya Karibian.