Haki za binadamu

Ukumbi mpya wa mikutano umefunguliwa rasmi Geneva kuhishimu haki za binadamu na tamaduni anuwai

KM Ban Ki-moon leo yupo Geneva, Uswiss akihudhuria ufunguzi wa ukumbi wa kisasa wa kufanyia mikutano, uliojengwa upya na kupambwa kwa michoro ya msanii maarufu wa Uspeni anayeitwa Miquel Barcelos.

Kamishna wa Haki za Binadamu ainasihi Israel kukomesha, halan, vikwazo dhidi ya Ghaza

Kamishna Mkuu wa UM juu ya Haki za Binadamu, Navi Pillay Ijumanne ametangaza taarifa, yenye mwito maalumu, wenye kuinasihi Israel kukomesha, haraka iwezekanavyo, vikwazo vyote dhidi ya eneo la Tarafa ya Ghaza.

Mkariri wa Haki za Binadamu ahadharisha dhidi ya hatari ya ubaguzi uliojificha

Ripoti yetu wiki hii inazingatia juhudi za kimataifa kukabiliana na janga la ukabila na ubaguzi wa rangi, hususan kwa wahamaji wanaojikuta kwenye mazingira ya ugenini.~~

Mtaalamu wa Haki za Binadamu anahimiza nchi maskini zisamehewe madeni

Dktr Cephas Lumina, Mtaalamu Maalumu wa UM juu ya Haki za Binadamu juu ya athari za madeni kwa ustawi wa uchumi wa nchi zinazoendelea alinakiliwa kwenye ripoti alioitoa kabla ya Mkutano wa Doha, utakaofanyika katika siku za karibuni, ya kwamba Nchi Wanachama zitakazohudhuria kikao hicho zitalazimika kukamilisha juhudi za pamoja za kupunguza mzigo huo wa madeni.~~

Raisi wa Baraza la Haki za Binadamu anahimiza subira juu ya kazi zake

Raisi wa Baraza la UM juu ya Haki za Binadamu, Martin IHOEGHIAN UHOMOIBHI wa Nigeria alipowasilisha ripoti yake Ijumanne mbele ya Baraza Kuu juu ya kazi ya taasisi anayoiongoza, alitahadharisha wajumbe wa kimataifa wawe na subira kabla ya kutoa maamuzi juu ya namna shughuli za Baraza zinavyotekelezwa, kwa sababu bodi hilo linashuhudia siku za mwanzo za hatua za mabadiliko katika shughuli zake.

UM inayakumbusha makundi yanayohasimiana Kivu Kaskazini wajibu wa kisheria kulinda haki za raia

Navi Pillay, Kamishna Mkuu wa UM juu ya Haki za Binadamu naye pia ameripoti wasiwasi kuhusu taarifa za kuzidi kwa mauaji ya kihorera na ukiukaji wa haki za binadamu uliosajiliwa kufanyika katika siku za karibuni katika jimbo la Kivu Kaskazini, kwenye JKK.

Kamati ya haki za walemavu kuteuliwa rasmi

Asubuhi ya leo, kwenye Makao Makuu ya UM mjini New York, kikao cha awali cha Mataifa Yalioridhia na Kuidhinisha Mkataba wa Haki za Watu Walemavu kilikutana rasmi kuchagua wajumbe 12 wa kutumikia Kamati juu ya Haki za Watu Walemavu. ~

M. Novak ahadharisha tabia karaha ya kufanya mateso kama desturi za kawaida

Mkariri/Mtaalamu Maalumu Huru wa UM juu ya Mateso, Manfred Novak Alkhamisi alihutubia Kamati ya Tatu ya Baraza Kuu la UM ambapo alihadharisha kwamba katika uchunguzi wake wa kimataifa amegundua na kuthibitisha ya kuwa vitendo vya mateso vinaendelea kufanywa desturi za kawaida katika nchi nyingi za dunia.

Kamishna wa Haki za Binadamu anasema umaskini unafungamana na utovu wa haki za kimsingi

Kamishana Mkuu wa UM juu ya Haki za Binadamu, Navi Pillay, amekumbusha kwenye taarifa alioitoa kuhishimu Siku ya Kimataifa Kuangamiza Umaskini’ ya kwamba kuna fungamano halisi kati ya utekelezaji wa haki za binadamu na hali ya umaskini ulimwenguni.

Utekelezaji wa haki za binadamu utazingatiwa Nairobi kwenye mkutano wa kimataifa

Taasisi za Kimataifa kuhusu Haki za Binadamu kutokea nchi 71 zinatarajiwa kukusanyika mjini Nairobi, Kenya wiki ijayo kuzingataia masuala yanayohusu usimamizi wa haki kimataifa.