Haki za binadamu

Mjumbe wa AMREF, Tanzania anazungumzia fungamano za haki za binadamu na mahusiano ya kijinsia

Katika wiki ambapo jumuiya ya kimataifa ilikuwa ikiadhimisha miaka 60 ya Azimio la Mwito wa Kimataifa juu ya Haki za Bnadamu, Shirika la Udhibiti wa Idadi ya Watu (UNFPA) liliitisha jopo maalumu, mjini New York kwenye Makao Makuu ya UM, kuzingatia fungamano kati ya haki za binadamu na mahusiano ya kijinsia.

UM unaadhimisha miaka 60 ya utetezi wa Haki za Binadamu

Wiki hii UM uliadhimisha miaka 60 ya kupitishwa kwa Azimio la Mwito wa Kimataifa juu ya Haki za Binadamu, ambayo husherehekewa kila mwaka mnamo tarehe 10 Disemba. ~

KM anatafakaria Azimio la Haki za Binadamu kuadhimisha Siku ya Kimataifa juu ya Haki za Kimsingi

“Hii leo, kwenye Siku ya Kusherehekea Haki za Binadamu, vile vile tunaadhimisha miaka sitini tangu Azimio la Kimataifa juu ya Haki za Binadamu lilipopitishwa.

Utekelezaji wa haki za binadamu kimataifa wahitajia bidii ziada, asema Kamishna Mkuu wa Haki za Binadamu

Jumuiya ya kimataifa pia mwaka huu inaadhimisha waraka muhimu wa kihistoria, unaojulikana kwa umaarufu kama Azimio la Kimataifa juu ya Haki za Binadamu, waraka ambao tarehe ya leo umetimiza miaka 60 tangu kupitishwa na Baraza Kuu.

UM unaadhimisha na kuhishimu Siku ya Kimataifa kwa Watu Walemavu

KM Ban Ki-moon leo asubuhi, kwenye risala alioitoa kuadhimisha Siku ya Kimataifa kwa Watu Walemavu alisema asilimia 80 ya umma huu – inayokadiriwa kujumlisha walemavu milioni 400 ziada – wanaishi katika nchi maskini – na ni wajibu wa serikali zote za nchi wanachama katika UM kukomesha duru ya ufukara na ulemavu.

Kwenye taadhima za Siku ya Kuondosha Utumwa Duniani KM Ban ahadharisha athari za utumwa mamboleo

Mataifa Wanachama wa UM wanaadhimisha Disemba pili kuwa ni Siku Kuu ya Kuondosha Utumwa Duniani.

Baraza la Haki za binadamu lalaani ukiukaji wa haki za kimsingi dhidi ya raia katika JKK

Baraza la Haki za Binadamu, ambalo tangu wiki iliopita lilikutana mjini Geneva, Uswiss kujadilia masuala yanayohusu utekelezaji wa haki za binadamu kwenye eneo la mashariki, katika JKK, leo limetoa taarifa ilioshtumu na kulaani vikali, ukiukaji wa haki za binadamu dhidi ya raia, ulioonekana kuendelezwa kwenye sehemu hizo za nchi katika wiki za karibuni.

Ripoti ya UM inasema ukamataji wa kihorera Sudan umetanda nchi nzima

Ripoti ya Ofisi ya Kamishna Mkuu wa UM juu ya Haki za Binadamu (OHCHR) kuhusu Sudan, iliowasilishwa rasmi leo Ijumaa mjini Geneva, inasema ukamataji wa kihorera wa raia na uwekaji kizuizini kwa watu wasio hatia, umezagaa katika sehemu nyingi za nchi, na ni vitendo ambavyo ripoti ilisema hufungamana na ukiukaji wa haki za binadamu unaoambatana na watu kuteswa na vitendo vyengine vya uoenevu na unyanyasaji.

Tume ya UM inajiandaa kuchunguza kesi 500 za watu waliotoroshwa kimabavu

Tume ya Utendaji ya UM kuhusu Watu Waliotoroshwa na Kupotezwa Kimabavu inajitayarisha kufanya mapitio ya kesi 500 ziada za waathiriwa waliotoweka kufuatia ripoti ilizopokea kutoka nchi wanachama 34.

Mtaalamu Huru wa UM juu ya Haki za Binadamu ahadharisha mateso yamepamba vizuizini Guinea-Bissau

Manfred Nowak, Mkariri Maalumu wa UM juu ya Mateso na adhabu nyengine katili zinazodhalilisha utu, baada ya kumaliza ziara yake katika taifa la Guinea-Bissau, aliwaambia waandishi habari ya kwamba raia wanaojikuta kwenye vizuizi vya polisi katika taifa hilo [mara nyingi] huteswa na kusumbuliwa kwa mpangalio, na wakati huo huo wafungwa huadhibiwa kikatili kabisa, hali ambayo anaamini inasababishwa na kuharibika kabisa kwa mfumo wa sheria katika nchi. Alisema wafungwa wa kisiasa, pamoja na wale watuhumiwa wa uhalifu wa kawaida, wote huteswa na polisi katika Guinea-Bisaau, [pale wanaposhikwa na hulazimishwa] wakubali kukiri makosa bila ushahidi wala kupelekwa mahakamani.~~