Haki za binadamu

Mashirikisho na jumuiya 200 yaonesha mshikamano na waathirika wa COVID-19 wanaobaguliwa

Viongozi wa jumuiya za ughaibuni na mashirika ya kijamii kutoka kote duniani wamekuja pamoja kutuma ujumbe ulio bayana  na wa mshikamano na watu wanaokabiliwa na vitendo vya chuki dhidi ya wageni, ubaguzi na hata ukatili kutokana na janga la corona au COVID-19 kwa mujibu wa shirika la Umoja wa Mataifa la uhamiaji IOM.

Hatua za haraka zahitajika kukomesha FGM, ndoa za utotoni na upendeleo:UNFPA

Ripoti mpya iliyotolewa leo na shirika la idadi ya watu duniani UNFPA imesema ili kukabiliana na janga la kimyakimya la mila potofu hatua za haraka zinahitajika kukomesha ukeketaji (FGM), ndoa za utotoni na mila zingine ambazo zinathiri wanawake na wasichana. 

Huduma ya afya haipaswi kuwa biashara bali haki ya binadamu:Byanyima 

Mkurugenzi mtendaji wa shirika la Umoja wa Mataifa linalopambana na ukimwi UNAIDS Winnie Byanyima amesema janga la corona au COVID-19 limeongeza adha kwa watu wanaoishi na VVU lakini pia kuyumbisha uchumi wa dunia na kuongeza pengo la usawa wa kijinsia, hivyo ameisihi dunia kuchukua hatua zinaozingatia haki za binadamu kama njia pekee ya kulidhibiti janga hilo.

Ukatili wa maneno na mtandaoni unakiuka haki za wazee lazima ukomeshwe:UN

Ikiwa leo ni siku ya uelimishaji kuhusu ukatili dhidi ya wazee duniani Umoja wa Mataifa umesema ukatili wanaofanyiwa wazee kwa maneno au mtandaoni unakiuka haki za binadamu za watu wa kundi hilo na ni lazima ukomeshwe. 

COVID-19 huenda ikawatumbukiza mamilioni zaidi katika ajira ya Watoto:ILO/UNICEF

Ikiwa leo ni siku ya kupinga ajira ya watoto duniani, taarifa ya pamoja iliyotolewa na mashirika ya Umoja wa Mataifa imesema janga la virusi vya corona au COVID-19 linatishia mafanikio yaliyopatikana kote duniani ya kupunguza ajira ya watoto kwa idadi ya milioni 94 tangu mwaka 2000.

Watu 1,300 wauawa DRC kwa kipindi cha miezi 8:OHCHR

Ofisi ya haki za binadamu ya Umoja wa Mataifa leo imesema takribani watu 1,300 ambao ni raia wameuawa katika matukio tofauti yanayohusisha makundi ya watu wenye silaha na vikosi vya serikali nchini Jamhuri ya Kidemokrasia ya Congo DRC katika kipindi cha miezi minane iliyopita.

Ubaguzi wa kirangi katika kutibu COVID-19 ukome- Bachelet

Kamishna Mkuu wa Haki za Binadamu kwenye Umoja wa Mataifa, Michelle Bachelet ametaka hatua za dharura zichukuliwe ili kukabiliana na ukosefu wa usawa kwenye jamii unaosababisha ubaguzi katika utoaji wa huduma dhidi ya ugonjwa wa virusi vya Corona au COVID-19.

 

 

Familia ni sufuria - Mkazi wa Hoima, Uganda

Tunaelekea  nchini Uganda, kumulika mizozo ya kifamilia wakati huu wa mlipuko wa COVID-19 na madhara yake. Mizozo ambayo inadaiwa kusababishwa na wanafamilia kukaa pamoja majumbani kwa muda mrefu kutokana na vizuizi vya kutembea vilivyowekwa na serikali ikiwa ni moja ya hatua za kudhibiti kuenea kwa virusi vya corona.

Kenya chonde chonde acha kufurusha wakazi wa Kariobangi na Ruai

Serikali ya Kenya imeombwa kuwa wakati huu wa janga la COVID-19 isiwafurushe wakazi wa maeneo yasiyo rasmi ya  Kariobangi na Ruai na ilinde usalama wa watetezi wa haki za binadamu ambao wanatishiwa usalama wao kutokana na kutetea haki za wakazi hao.

UN yaonya kuhusu ukatili na unyanyasaji wa Watoto wakati huu wa COVID-19

Umoja wa Mataifa umesema kuna haja ya haraka ya huduma ya kuwalinda watoto ili kupunguza hatari ya ukatli wa kingono na unyanyasaji mwingine kote duniani hasa wakati huu mamilioni wakisalia nyumbani kutokana na janga la virisi vya corona au COVID-19