Haki za binadamu

Ubaguzi kwenye utoaji huduma dhidi ya COVID-19 utaleta janga zaidi- Wataalamu

Kikosi kazi cha waatalamu wa haki za binadamu wa Umoja wa Mataifa kuhusu watu wenye asili ya Afrika, kimetaka kuwepo na uwiano na usawa wa makundi mbalimbali ya binadamu wakati wa utoaji wa huduma kwa wagonjwa wa virusi vya Corona, COVID-19, la sivyo utoaji wa huduma kwa misingi ya rangi unaweza kusababisha vifo zaidi.

Ondoeni vikwazo kusaidia COVID-19, madaktari wasemao ukweli msiwaadhibu- Bachelet

Wakati idadi ya wagonjwa wa virusi vya Corona, COVID-19 ulimwenguni ikizidi kupaa na kuwa zaidi ya 330,000 huku vifo vikifikia 14,652 Kamishna Mkuu wa haki za binadamu, Michelle Bachelet ametaka vikwazo vya kisekta duniani viondolewe ili mataifa yaweza kukabiliana na mlipuko wa virusi hivyo.

Tukisalia nyumbani kujikinga na COVID-19, tusiwasahau wasio na makazi:UN

Wakati huu ambapo serikali zikitegemea watu kusalia nyumbani ili kusaidia kukabiliana na kusambaa kwa virusi vya Corona, COVID-19, ni lazima nchi zichukue hatua za kuzuia mtu yeyote kukosa makazi na kuhakikisha fursa ya mahali pa kukaa kwa wale wasio na makazi.

UNMISS waendesha warsha kwa wanawake ya kutoa mafunzo ya kutatua mizozo

Ujumbe wa Umoja wa Mataifa nchini Sudan Kusini, UNMISS, kwa kushirikiana na shirika lisilo la kiserikali la kupinga ukatili kwa ajili ya amani wameaanda warsha ya wawakilishi wanawake takriban themanini kuhusu namna ya kuzuia mizozo na kulinda haki za binadamu.

Afrika Magharibi inaongoza kwa kupunguza watu wasio na utaifa barani Afrika-UNHCR

Shirika la Umoja wa Mataifa la kuhudumia wakimbizi UNHCR limepongeza nchi wanacaham wa jumuiya ya Afrika Magharibi ECOWAS kwa mafanikio ya kutaka kumaliza tatizo la kutokuwa na utaifa lakini pia likasihi juhudi kuongezwa maradufu ili kuhakikisha kila mtu katika ukanda huo anakuwa na utaifa na anafaidika na haki za uraia.

Kuhukumiwa kwa wanamgambo CAR ni ishara ya kutendeka kwa haki:Lt jenerali Keita

Hatua ya hivi karibuni ya kuwahukumu wajumbe wa kundi la wanamgambo nchini Jamhuri ya afrika ya Kati CAR, kutokana na mauaji ya raia na walinmda amani yalitotekelezwa mwaka 2017 imetoa ujumbe mzito kwamba ukwepaji sheria hauvumiliki. 

Mapambano dhidi ya UKIMWI hayatenganishwi na mapambano dhidi ya aina zote za ubaguzi-Winnie Byanyima

Hii leo dunia ikiwa inaadhimisha siku ya kupambana na ubaguzi dhidi ya wanawake na wasichana, shirika la Umoja wa Mataifa linalopambana na Virusi Vya UKIMWI, VVU na UKIMWI, UNAIDS limesema mapambano dhidi ya UKIMWI hayatenganishwi na kupigania haki za wanawake na pia mapambano dhidi ya aina zote za ubaguzi.

Mradi wa ILO Myanmar waleta maelewano baina ya mwajiri na mwajiriwa

Nchini Myanmar mradi wa shirika la kazi duniani, ILO wa kuelimisha kampuni binafsi kuhusu sheria za kazi umeanza kuzaa matunda ambapo sasa wafanyakazi ambao walikuwa wakifanya kazi kwa saa nyingi bila malipo ya ziada sasa wanatambua haki zao na kuna maelewano baina yao na mwajiri. 

Vitisho dhidi ya haki za binadamu vinaongezeka, halikadhalika suluhisho-Bachelet

Kamishna Mkuu wa haki za binadamu wa Umoja wa Mataifa, Michelle Bachelet hii leo akihutubia mkutano wa 43 wa Baraza la Haki za binadamu mjini Geneva Uswisi amesema vitisho dhidi ya haki za binadamu, maendeleo na amani vinaweza kuwa vinaongezeka lakini pia utatuzi kwa vitendo unaozingatia kaanuni nzuri za haki nao unaongezeka.

Guterres azindua wito wa kuchukua hatua ili kulinda haki za binadamu duniani

Katibu Mkuu wa Umoja wa Mataifa Antonio Guterres hii leo akiwa Geneva, Uswisi amehutubia Baraza la Haki za binadamu la chombo hicho na kuzindua wito wake wa kuchukua hatua ili kulinda haki za binadamu duniani.