Haki za binadamu

DNA za walinda amani wa Afrika Kusini huko DRC zakusanywa kubaini baba za watoto 

Nchini Jamhuri ya Kidemokrasia ya Congo, DRC, jeshi la Afrika Kusini limepeleka timu yake kwenye  ujumbe wa Umoja wa Mataifa wa kulinda amani nchini humo MONUSCO,ili kuchunguza vijinasaba vya watoto na wanawake waliobakwa na walinda amani ili hatimaye kuthibitisha iwapo watuhumiwa ni walinda amani kutoka Afrika Kusini na kisha watoto hao watambue baba zao na pia kupatiwa malezi. 

Hakimiliki ya mwili wa mwanamke ipewe uzito mtandaoni kama haki miliki zingine:UNFPA 

Kampeni mpya iliyozinduliwa mwezi huu wa Desemba na shirika la Umoja wa Mataifa la idadi ya watu duniani linalohusika pia na afya ya uzazi UNFPA ya “Hakimiliki ya miwli wa binadamu” ina lengo la kuwasukuma watunga sera, sekta za teknolojia na mitandao yote ya kijamii kuuchukulia unyanyasaji na ukatili wa miili ya binadamu hususani ya wanawake mtandaoni kuwa ni suala linalohitaji kupewa uzito kama ilivyo ukiukwaji wa hakimiliki zingine. Flora Nducha na taarifa kamili 

Nyumbani ni nyumbani ndio maana tumeamua kurejea:Wakimbizi wa DRC nchini Uganda

Wakimbizi 11,000 kutoka Jamhuri ya Kidemokrasia ya Congo DRC waliokimbilia nchi jirani ya Uganda hivi karibuni kufuatia machafuko yanayoendelea Mashariki mwa DRC wameanza kurejea nyumbani kwa hiyari na kilichowasukuma ni usemi wa wahenga kuwa nyumbani ni nyumbani.

Mbinu za kukabiliana na mabadiliko ya tabianchi zaleta mapigano nchini Cameroon

Wakati Mkutano wa 26 wa nchi wanachama wa mkataba wa mabadiliko ya Tabianchi COP26 ukiwa umemalizika mwishoni mwa wiki huko Scotland huku Afrika ikisema haijafanikiwa ilivyotarajia, huko nchini Cameroon mabadiliko ya tabianchi yameleta uhasama baina ya wafugaji, wakulima na wavuvi, sababu kubwa ya ugomvi huo ni mbinu walizobuni za kukabiliana na mabadiliko ya tabianchi.

Cheti cha kuzaliwa alichopata mwanangu kitatukomboa sote: Bernalita wa jamii ya Sama Bajau

Cheti cha kuzaliwa ni moja ya nyaraka muhimu kwa utambulisho wa mtu, lakini pia kigezo cha kusaidia kupata huduma za msingi kama za afya, elimu na hata hifadhi ya jamii.

Mlinda amani wa Nepal anayehudumu DRC ashinda tuzo ya Afisa wa Polisi Mwanamke

Mlinda amani wa Umoja wa Mataifa kutoka Nepal Sangya Malla anayehudumu katika ujumbe wa Umoja huo nchini Jamhuri ya Kidemokrasia ya Kongo -DRC, MONUSCO ameshinda tuzo ya Afisa Polisi Mwanamke wa Umoja wa Mataifa kwa mwaka 2021.

Ingawa fursa za mtandao ni muhimu kwa watoto pia zina hatari kubwa:UNESCO

Katika kuadhimisha siku ya kimataifa ya kupinga ukatili na unyanyasaji mashuleni na mtandaoni, shirika la Umoja wa Mataifa la elimu sayansi na utamaduni UNESCO limeonya kwamba ingawa matumizi ya mtandao yanatoa fursa kubwa ya mawasiliano na kusoma pia yanawaweka watoto na vijana katika hatari kubwa ya ukatili na unyanyasaji.

Tunataka nchi tajiri zitekeleze ahadi kwa vitendo- Rais Samia akiwa COP26

Rais wa Tanzania Samia Suluhu Hassan ameelezea kile ambacho taifa lake na nchi nyingine zinazoendelea wanataka kuona kinatekelezwa baada ya mkutano wa 26 wa nchi wanachama wa mkataba wa mabadiliko ya tabianchi, COP26 unaofanyika huko Glasgow Scotland.

Ulinzi kwa waandishi wa habari unahitaji utashi wa kisiasa: UN

Pamoja na kufanya kazi kubwa ya kuhabarisha umma, waandishi wa habari ulimwenguni kote wanakabiliwa na mashambulio yanayohatarisha usalama wao ambapo mashambulio hayo ni pamoja na kauli za chuki, udhalilishaji kwenye mitandao ya kijamii, vurugu, ubakaji na hata mauaji.Ikiwa leo ni siku ya kimataifa ya kukomesha uhalifu dhidi ya waandishi wa habari Umoja wa Mataifa unasema muarobaini wa yote hayo ni utashi wa kisiasa.

Mtoto 1 kati ya 10 duniani watumikishwa katika ajira ya watoto:FAO/ILO

Leo hii kote duniani mtoto 1 kati ya 10 anatumikishwa katika ajira ya watoto na asilimia kubwa katika sekta ya kilimo ambao ni jumla ya watoto milioni 112 sawa na asilimia 70 ya watoto wote walio katika ajira, limesema leo kongamano la kimataifa lililoandaliwa kwa njia ya mtandao na shirika la Umoja wa Mataifa la chakula na kilimo FAO kwa lengo la kusaka suluhu za kutokomeza ajira hiyo.