Haki za binadamu

UN yaendelea kufuatilia kinachoendelea Iran

Katibu Mkuu wa Umoja wa Mataifa Antonio Guterres anafuatilia kwa karibu maandamano yanayoendelea nchini Iran ambayo chanzo chake ni kifo cha msichana Mahsa Amini aliyekufa mikononi mwa polisi baada ya kukamatwa tarehe 13 Septemba kwa madai ya kuvaa hijabu kinyume na inavyotakiwa nchini humo.

Kifo cha Mahsa: UN yaingiwa hofu ya matumizi ya nguvu kupita kiasi Iran

Hali ikizidi kuwa tete nchini Iran, ofisi ya Umoja wa Mataifa ya Haki za Binadamu, OHCHR imesema ina wasiwasi mkubwa kutokana na vikosi vya usalama nchini Iran humo kuendelea kutumia hatua kali za kudhibiti waandamanaji, huku njia za mawasiliano zikidhibitiwa na kuathiri mawasiliano kwa njia ya simu za mezani na kiganjani halikadhalika mitandao ya kijamii.

Mali tuko mwelekeo sawa wa mpito unaokoma Machi 2024- Kanali Maiga

Katika siku ya tano ya Mjadala Mkuu wa mkutano wa 77 wa Baraza Kuu la Umoja wa Mataifa, UNGA77 jijini New York, Marekani, Mali imesema iko kwenye mwelekeo sahihi wa kipindi cha serikali ya mpito kilichoanza mwezi Agosti mwaka 2020 na ukomo wake mwezi Machi mwaka 2024.

Uhalifu wa kivita umetendwa Ukraine, uchunguzi wa tume huru ya UN wabaini 

Baraza la Haki za Kibinadamu la Umoja wa Mataifa liliunda Tume Huru ya Kimataifa ya Uchunguzi kuhusu Ukraine kuchunguza ukiukaji wa haki za binadamu, ukiukwaji wa sheria za kimataifa za kibinadamu, na uhalifu mwingine ambao unaweza kuwa umefanywa katika muktadha wa uchokozi wa Shirikisho la Urusi dhidi ya Ukraine.

Dunia inashindwa kutekeleza ahadi ya kulinda haki za walio wachache: Guterres

Dunia inashindwa tena vibaya sana katika ahadi yake iliyojiwekea miongo mitatu iliyopita ya kulinda haki za jamii za walio wachache amesema Antonio Guterres Katibu Mkuu wa Umoja wa Mataifa leo na kuomba hatua Madhubuti zichukuliwe kukabiliana na upuuzaji huo.

UN yatangaza viongozi vijana 17 kusongesha SDGs, miongoni ni kijana Gibson kutoka Tanzania

Umoja wa Mataifa umetangaza kundi la viongozi vijana 17 kutoka pande mbali mbali duniani ili kusongesha malengo ya maendeleo endelevu, SDGs, hatua iliyofanyika wakati huu ambapo mkutano wa 77 wa Baraza Kuu la UN, UNGA77 unaendelea.

Tuna wasiwasi na hali ya Iran kufuatia kifo cha Mahsa- OHCHR

Kaimu Kamishna Mkuu wa Umoja wa Mataifa kuhusu haki za binadamu Nada Al-Nashif ameeleza wasiwasi wake kufuatia kifo huko nchini Iran kilichomfika msichana mmoja akiwa korokoroni baada ya kuswekwa ndani na polisi kwa madai ya kutovaa hijab inavyotakiwa.

Hatua zaidi zahitajika kuimarisha demokrasia jumuishi nchini Burundi- Mtaalamu

Burundi lazima ichukue hatua zaidi kuimairisha demokrasia, utawala wa sheria na kutokomeza ukwepaji sheria dhidi ya matukio ya ukiukwaji wa haki na manyanyaso yaliyotekelezwa tangu mwaka 2015, amesema mtaalamu maalum wa Umoja wa Mataifa kuhusu haki za binadamu nchini Burundi.

Tuunganishe nguvu ili kupata uhuru na kulinda haki za watu wote, kila mahali: Guterres

Leo ni siku ya kimataifa ya demokrasia, na maudhui yanaangazia uhuru wa vyombo vya Habari ambapo Katibu Mkuu wa Umoja wa Mataifa Antonio Guterres katika ujumbe wake amesema ingawa maadhimisho ya mwaka huu ni ya 15, bado duniani kote demokrasia inazidi kurudi nyuma. 

Ukatili na ukiukwaji mkubwa wa haki za binadamu umetekelezwa Unity:OHCHR/UNMISS

Ripoti ya pamoja ya haki za binadamu iliyochapishwa leo na ujumbe wa Umoja wa Mataifa nchini Sudan Kusini (UNMISS) na Ofisi ya kamishna mkuu wa Haki za Kibinadamu wa Umoja wa Mataifa (OHCHR) imeaanisha ukatili na ukiukwaji mkubwa wa sheria za kimataifa za haki za binadamu na ubinadamu kwenye jimbo la Unity Sudan Kusini.