Afya

FAO imehadharisha, upungufu wa chakula ukiselelea duniani machafuko yatashtadi

Jacques Diouf, Mkurugenzi Mkuu wa Shirika la UM juu ya Chakula,na Kilimo (FAO) alitoa onyo maalumu hapo Ijumatano wakati alipokuwa anazuru Bara Hindi, ambapo alitahadharisha ya kuwa ulimwengu unawajibika kudhibiti kidharura hatari ya mifumko ya machafuko na vurugu, ambayo huenda ikachochewa na cheche mchanganyiko zinazotokana na kupanda kwa bei ya nishati kwenye soko la kimataifa, pamoja na ongezeko la mahitaji ya chakula duniani, na pia kuenea kwa tibuko la hali ya hewa ya kigeugeu katika ulimwengu, ikijumuika na matumizi ya kihorera ya ardhi ya kulimia kuzalisha nishati ya viumbe hai.

WHO inaonya, hali ya hewa ya kigeugeu inahatarisha afya ya jamii

Tarehe 07 Aprili kila mwaka hutumiwa na UM kuamsha hisia zaUM juu ya mada moja muhimu inayotakiwa kushughulikiwa kimataifa katika juhudi za kuimarisha afya bora kwa wote. Shirika la Afya Duniani (WHO) limeamua mwaka huu, 2008, kuzingatia zaidi ile mada inayohusikana na udhibiti wa dharura wa ile hatari inayokabili afya ya jamii kutokana na madhara ya mabadiliko ya hali ya hewa duniani. WHO ilichagua mada hii kwa kutambua ithibati ya tafiti za kimataifa kwamba mabadiliko ya hali ya hewa yanahatarisha usalama wa afya ya jamii katika sehemu zote za ulimwenguni.

UM yaadhimisha Siku ya Kukumbushana Hatari ya Mabomu ya Kufukia

Tarehe 04 Aprili kila mwaka huheshimiwa kimataifa kuwa ni Siku ya Kukumbushana Uovu na Hatari ya Mabomu Yaliotegwa Ardhini.

UM imeonya kuwa masafa marefu bado yamebakia kabla matibabu ya UKIMWI kudhibitiwa ulimwenguni

Ripoti ya pamoja iliotolewa na Jumuiya ya Mashirika ya UM Kupambana na UKIMWI (UNAIDS), ikijumuika na Shirika la Maendeleo ya Watoto (UNICEF) na vile vile Shirika la Afya Duniani (WHO) yamehadharisha kwamba licha ya kuwa matibabu ya UKIMWI yaliongezeka, kijumla, na kwa idadi kubwa miongoni mwa watoto waliopatwa na VVU pamoja na mama waja wazito katika sehemu kadha wa kadha za dunia, hata hivyo bado tuna masafa marefu ya kuyaendea kabla ya kushuhudia kwa mafanikio ile ahadi ya kuwa na vizazi vilivyoepukana, kihakika, na kuwa huru dhidi ya maradhi ya UKIMWI.

FAO kutabiri ongezeko la mavuno ya mpunga mwaka huu

Shirika la UM juu ya Chakula na Kilimo (FAO) limetabiri kwenye ripoti iliotolewa Ijumanne, kwamba mavuno ya mpunga mwaka huu yataongezeka kwa jumla ya asilimia 1.8, kiwango ambacho ni sawa na tani milioni 12 ziada za mpunga. Muongezeko huu utashuhudiwa zaidi katika nchi za Asia zinazopandisha nafaka hizo – mathalan, Bangladesh, Uchina, Bara Hindi, Indonesia, Myanmar na pia Phillippines na Thailand. Kadhalika uzalishaji wa mpunga unatarajiwa kuongezeka katika Afrika, Amerika ya Kusini na mataifa wanachama wa Umoja wa Ulaya, lakini katika Ujapani mavuno ya mpunga yatateremka, ikiwa moja ya mataifa machache ambayo bei za uzalishaji wa mpunga ziliporomoka mwaka jana.

UM waadhimisha Siku ya Kuhadharisha juu ya Ugonjwa wa Akili wa Watoto (Autism)

Ijumatano, tarehe 02 Machi 2008 iliadhimishwa na UM, kwa mara ya kwanza kihistoria, ni Siku ya Kuongeza Hisia za Kimataifa kuhusu Ugonjwa wa Akili wa Watoto (Autism). Risala ya KM ya kuihishimu siku hii ilipongeza ujasiri wa watoto waliodhuiwa na maradhi haya ya akili, na pia wazee wao ambao kila siku "hukabiliana na ulemavu wa vizazi vyao kwa mchanganyiko wa nia thabiti, kipaji cha kubuni na matarajio ya kutia moyo." Baraza Kuu la UM lilipitisha mwaka jana mnamo mwezi Disemba 2007 azimio la kuifanya tarehe 2, kila mwaka, kuwa ni Siku ya Kuongeza Hisia za Kimataifa kuhusu Ugonjwa wa Akili wa Watoto (Autism). Maradhi haya humnyima mtoto anayepatwa nayo uwezo wa kuwasiliana na wenziwake, na hushindwa kuendeleza uhusiano wa kijamii, na mara nyingi watoto huonesha tabia isiyo ya kikawaida na inayofurutu ada.

BK linajadilia taratibu za kupunguza ajali za barabarani duniani

Ijumatatu Baraza Kuu la UM limeitisha kikao maalumu, cha wawakilishi wote, katika Makao Makuu ili kuzingatia usalama barabarani baada ya ripoti ya Shirika la Afya Duniani (WHO) kuonya ya kuwa athari zinazotokana na ajali za barabarani zimeanzisha “mgogoro mpya wa hatari, kwa afya ya jamii” takriban kote duniani. Kwa mujibu wa ripoti ya WHO athariza za ajali za barabarani zinalingana na madhara yanayotokana na maradhi ya kifua kikuu, malaria na UKIMWI dhidi ya umma wa kimataifa.

Usomali imetimiza tukio la kihistoria kufyeka polio nchini

Shirika la Afya Duniani (WHO) limethibitisha wiki hii ya kuwa walimwengu wamejipatia ushindi mkuu, na wa kutia moyo, kwenye zile huduma za afya ya jamii kwa kudhibiti maradhi ya kupooza/polio katika Usomali.

Bata na mpunga ndio vipengele halisi vinavyochea homa ya 'avian'

Shirika la UM juu ya Chakula na Kilimo (FAO) limeripoti kuwa wataalamu watafiti wamethibitisha hivi karibuni kwamba chanzo halisi cha homa ya mafua ya ndege (avian) ya aina ya H5N1 hakikutokana na kuku, kama ilivyodhaniwa katika siku za nyuma, bali maradhi haya yalisababishwa na wale mabata wanaochanganyika na watu kwenye mashamba ya mpunga, hususan katika mataifa ya Thailand na Viet Nam.

BU lazingatia ujenzi wa amani Guinea-Bissau

Baraza la Usalama (BU) limekutana, kwanza, kwenye kikao cha hadhara kuzingatia hali katika Guinea-Bissau, kufuatia ripoti ya karibuni ya KM iliyosailia hatua za kuchukuliwa kimataifa kulisaidia taifa hili la Afrika Magharibi kufufua tena huduma zake za maendeleo ya kiuchumi, kisiasa na pia kijamii. Mwakilishi wa KM katika Guinea-Bissau, Shola Omoregie aliwaelezea wajumbe wa Baraza kwamba Ijumanne (25 Machi) usiku Raisi Vieira ametangaza kwamba Guinea-Bissau itafanya uchaguzi wa Baraza la Kutunga Sheria mnamo tarehe 16 Novemba. Tangazo hili, aliendelea kusema, linatarajiwa kuteremsha hali ya wasiwasi iliyolivaa taifa katika siku za karibuni, na alitumai washirika wenzi kutoka jumuiya ya kimataifa wataifadhilia Guinea-Bissau misaada inayohitajika kuendesha uchaguzi kwa utaratibu wa kuridhisha.