Afya

Hapa na pale

Kikundi Kazi cha Baraza Kuu kinachosimamia juhudi za kukomesha na kufyeka ukandamizaji wa kijinsia, na unyayanyasaji miongoni mwa watumishi wa UM, wamepitisha azimio muhimu karibuni litakalowahakikishia waathiriwa wa unyanyasaji wa kijinsia kuwa wanapatiwa tiba maridhawa, ushauri, misaada ya jamii na vile vile msaada wa kisheria.

Ya hapa na pale

Miaka 15 baada ya kuanzishwa majadiliano ya kusailia taratibu za kuhifadhi misitu ya dunia na uharibifu, Baraza Kuu la UM limefanikiwa kupitisha azimio la khiyari litakalosaidia kuimarisha hifadhi bora ya hii rasilmali ya kimataifa.

Siku ya Kupiga Vita UKIMWI Duniani humaanisha nini katika 2007?

Tarehe mosi Disemba huadhimishwa kila mwaka na Mataifa Wanachama, kuwa ni Siku ya Kupiga Vita UKIMWI Duniani ambapo walimwengu hukumbushana juu ya jukumu linalowasubiri kukabiliana na janga hili hatari la afya. Taadhima za mwaka huu zimetilia mkazo zaidi umuhimu wa kuwa na ‘uongozi bora’ katika kukamilisha ahadi za kuutokomeza UKIMWI ulimwenguni.

UM unaadhimisha Siku ya Kupiga Vita UKIMWI Duniani - Disemba Mosi

Mwaka huu ‘Siku ya Kupambana na Ukimwi Duniani’- ambayo hukumbukwa kimataifa kila mwaka mnamo Disemba mosi - ilitimiza miaka 20 tangu jumuiya ya kimataifa ilipoanza kuiheshimu siku hiyo katika 1988. Mamilioni ya watu duniani huiadhimisha Siku ya Kupiga Vita UKIMWI kwa nia mbalimbali.

Mataifa ya KiAfrika na FAO yaahidi kuimarisha elimu vijijini

Mataifa 11 ya KiAfrika, yalikutana karibuni mjini Rome, Utaliana kwenye Makao Makuu ya Shirika la UM la Chakula na Kilimo (FAO) na yaliafikiana kushiriki kwenye ule mradi wa kuimarisha elimu ya msingi vijijini, kwa dhamira ya kusaidia wakazi wa maeneo hayo kujipatia ujuzi wa kupiga vita, kwa mafanikio, ufukara, matatizo ya njaa, utapia mlo na kutojua kusoma na kuandika. Maafa haya ya kijamii huathiri zaidi mataifa ya Afrika yaliopo kusini ya Sahara.

UNICEF kuchanja watoto na wanawake 100,000 Somalia dhidi ya maradhi

Shirika la UM juu ya Mfuko wa Maendeleo kwa Watoto (UNICEF) limeanzisha huduma ya kuchanja watoto wachanga 47,000 walio chini ya umri wa miaka mitano pamoja na wanawake 56,000 wanaoishi kwenye kambi za wahajiri wa ndani ya nchi ziliopo kwenye eneo la Mogadishu-Afgooye, katika Usomali. Huduma hii itasaidia kuupatia umma husika tiba ya kingamaradhi dhidi ya magonjwa yanayosababishwa na ukosefu wa mastakimu ya kawaida.

Hapa na pale

Katika tafrija ya kutathminia Mafanikio ya Mfuko wa Maendeleo ya MDGs mjini NY, Naibu KM Asha-Rose Migiro alisema kwenye risala yake kwamba Malengo ya Maendeleo ya Milenia (MDGs) yametubarikia “ramani ya aina pekee” kutumiwa kujenga ulimwengu bora na alitahadharisha, vile vile, kutopwelewa katika kuzitekeleza, kwa wakati, zile ahadi za kupunguza hali duni, njaa, maradhi na kutojua kusoma na kuandika katika nchi masikini kabla ya 2015.

Mazungumzo na Tabibu wa Hospitali ya Muhimbili, Tanzania kuhusu udhibiti bora wa UKIMWI

Takwimu mpya za Taasisi ya UNAIDS na Shirika la Afya Duniani (WHO)zimethibitisha kwamba katika kipindi cha sasa karibu watu wazima milioni 33.2 na watoto milioni 2.7 chini ya umri wa miaka 15 wanaishi na virusi vya UKIMWI (VVU). Lakini, kwa bahati mbaya watu wanaoishi na VVU mara nyingi hutengwa na kufedheheshwa na jamii zao kwa sababu ugonjwa huo huambatanishwa na tabia na vitendo visivyolingana na tamaduni za kijadi. Kwa hivyo umma huu hujikuta wanabaguliwa na kunyimwa haki zao za kimsingi.

Siku ya Kuimarisha Haki kwa Watoto Duniani.

Tarehe 20 Novemba kila mwaka huadhimishwa na Mataifa Wanachama kuwa ni siku ya kukumbushana jukumu adhimu lilioikabili jumuiya ya kimataifa la kuwatekelezea watoto haki zao halali. Tangu mwaka 1989, pale Baraza Kuu la UM lilipoidhinisha Mkataba juu ya haki za Mtoto, umma wa kimataifa ulijitahidi sana kuwatekelezea watoto haki zao za kimsingi. Lakini maendeleo yaliopatikana yalikuwa haba sana na hayakuridhisha kikamilifu, hususan katika utekelezaji wa haki hizo kwa wale watoto wanaojikuta wamenaswa kwenye mazingira ya uhasama na mapigano.~~ Sikiliza ripoti kamili juu ya suala hili, kwenye idhaa ya mtandao, kutoka A. Aboud wa Redio ya UM.

Msanii wa Tanzania ashirikiana na UNFPA kuhudumia uzazi bora

Mkurugenzi Mkuu wa Shirika la UM juu ya Udhibiti wa Muongezeko wa Watu Duniani (UNFPA)Thoraya Obaid alikumbusha kwenye risala yake ya karibuni kwamba umma wa kimataifa umeingia kwenye karne ambayo hawatovumilia tena vifo vya mama wakati wa kuzaa. Alisema UNFPA itajitahidi kufanya kila iwezalo, kwa ushirikiano na nchi husika, kuhakikisha janga hili linakomeshwa kote duniani.