Ukuaji wa Kiuchumi

Baraza Kuu la Umoja wa Mataifa limeitisha Mkutano wa Hadhi ya Juu kuzingatia misaada ya maendeleo kwa LDCs.

Mapema wiki hii kulifanyika kikao maalumu cha siku mbili katika Baraza Kuu kuzingatia juhudi za kupunguza umaskini na ufukara katika yale mataifa yenye uchumi mdogo kabisa, ambayo pia hujulikana kama mataifa ya LDCs. Wawakilishi wa kimataifa walikutana kwenye mjadala uliofanya mapitio ya ule Mpango wa Utendaji wa Brussels wa 2001.~~

Umoja wa Mataifa unaadhimisha Siku ya Amani ya Kimataifa

Alkhamisi, tarehe 21 Septemba iliadhimishwa na Umoja wa Mataifa (UM), kote duniani, kuwa ni Siku ya Amani ya Kimataifa. Katibu Mkuu Kofi Annan alijumuika kwenye Makao Mkuu mjini New York na watu mashuhuri kadha walioteuliwa na UM kuwa wajumbe wa kuendeleza mbele kampeni ya kuimarisha amani ulimwenguni, akiwemo pia Daktari Jane Goodall, kwenye tafrija za kuiadhimisha Siku hiyo. Daktari Goodall ni mtafiti wa wanyama pori na mtetezi wa hifadhi za mazingira, na ni mtu maarufu Afrika Mashariki ambapo alifanyia tafiti zake muhimu kadha wa kadha juu ya tabia za wanyama pori hususan masokwe.

Fafanuzi za FAO juu ya Malengo ya MDGS

Mkurugenzi Mkuu wa Shirika la UM juu ya Chakula na Kilimo Duniani (FAO), Bw Jacques Diouf ameonya ya kuwa jumuiya ya kimataifa haitofanikiwa kukamilisha kwa wakati Malengo ya Maendeleo ya Milenia (MDGs) bila ya kukabiliana, kama inavyopaswa, na tatizo liliokithiri la njaa na umaskini.

Maendeleo makubwa kupatikana nchini Sierra Leone

Kufuatana na ripoti mpya ya Katibu Mkuu Koffi Annan, kwa Baraza la Usalama, ni kwamba licha ya maendeleo makubwa yaliyopatikana, Sierra Leone inakabiliwa na matatizo na vitisho muhimu katika usalama wake

Amani itapatikana Afrika Magharibi kwa kuwapokonya silaha wapiganaji

Baraza la usalma la Umoja wa Mataifa wiki hii limesema upokonaji silaha na kuwarudisha katika maisha ya kawaida wapiganaji wa zamani na kukomesha tatizo kubwa la biashara haramu ya silaha ndogo ndogo ni hatua muhimu kabisa ambazo nchi za Afrika ya Magharibi zinabidi kuchukua ikiwa amani itadumishwa katika eneo hilo.

UNEP yafanyisha warsha wa kudhibiti mazingira Sudan.

Shirika la UM juu ya Hifadhi ya Mazingira (UNEP) wiki hii lilifanyisha warsha wa siku mbili mjini Khartoum, Sudan kuwapatia fursa wataalamu wahusika kubadilishana mawazo na fikra za kutunza na kuimarisha mazingira maumbile ya taifa,

UNEP yazingatia hifadhi ya mikoko katika Bahari ya Pasifiki.

Shirika la UNEP limetangaza kwamba utafiti ulioendelezwa karibuni kuhusu hali ya mikoko katika Bahari ya Pasifiki umethibitisha ya kuwa kunahitajika kuchukuliwa hatua za haraka za pamoja, kimataifa, kuhifadhi uchumi wa mfumo muhimu wa ikolojia ya eneo hilo. Mabadiliko ya hali ya hewa yalionekana kukithirisha kima cha usawa wa bahari na kuhatarisha mazingira maumbile ya eneo.

Uchina yaibuka kuwa miongoni ya mataifa yanayoongoza utoaji misaada ya chakula duniani.

Shirika la UM juu ya Miradi ya Chakula Duniani (WFP) limeripoti kwamba kuanzia 2005 Uchina imefanikiwa kuchukua nafasi ya tatu miongoni ya mataifa yanayochangisha, kwa wingi, misaada ya chakula inayofadhiliwa umma muhitaji katika sehemu mbalimbali za dunia.

Mtaalamu wa UM athibitisha uchumi maendeleo umeshindwa kuzalisha ajira.

Charles Gore, Mtaalamu aliyetayarisha Ripoti ya UM ya 2006 juu ya Maendeleo ya Mataifa Yanayoendelea (LDC) amearifu wiki hii kwamba ijapokuwa katika 2004 maendeleo ya uchumi katika nchi masikini yaliongezeka kwa kiwango cha 5.9, muongezeko huu ulishindwa kupanua fursa za ajira na pia kutofanikiwa kupunguza ufukara na hali duni, kwa ujumla, katika maeneo hayo.

Mataifa sita ya Kusini ya Bahari ya Hindi yatiana sahihi muafaka wa hifadhi ya samaki.

Mataifa sita, baadhi yao kutoka sehemu ya Kusini ya Bahari ya Hindi, ikijumuisha Visiwa vya Comoros, Ufaransa, Kenya, Msumbiji, New Zealand na Ushelisheli yametiana sahihi maafikiano ya kutunza na kuhifadhi, kwa ushirika, mali ya asili ya samaki katika maeneo yao.