Ukuaji wa Kiuchumi

Mapigano ya kikabila yazuka Chad ya kusini

Shirika la UM juu ya Huduma za Wahamiaji (UNHCR) limeripoti kufumka kwa mapigano ya kikabila hivi majuzi katika eneo la Chad ya kusini karibu na jimbo la magharibi la Sudan la Darfur, hali ambayo inasemekena ilisababisha raia 20,000 wa Chad kung\'olewa makazi mnamo wiki tatu zilizopita.

Muhtasari wa matukio katika Baraza Kuu la Umoja wa Mataifa

Kikao cha 61 cha Baraza Kuu la UM kinajongelea kukamilisha mijadala yake ambapo ripoti za mijadala ya zile zile kamati zake sita kuhusu masuala ya usalama, maendeleo ya uchumi na jamii, sheria ya kimataifa na bajeti la UM, ziliwakilishwa mbele ya Baraza Kuu kupigiwa kura na wajumbe wa kimataifa.

Burundi itahitajia msaada wa kimataifa kujenga amani, yasema UM

Mjumbe Maalumu wa KM kwa Burundi, Nureldin Satti aliwaambia waandishi habari wa kimataifa katika Makao Makuu ya kwamba licha ya kuwa Shirika la Ulinzi wa Amani la UM katika Burundi (ONUB) litamaliza operesheni zake mwisho wa mwezi Disemba hatua hiyo haimaanishi mchango wa kimataifa hauhitajiki tena.

Mahakama ya ICTR yataka hukumu ya Seromba irekibishwe

Mwendesha Mashtaka wa Mahakama ya UM juu ya Rwanda (ICTR) amependekeza hukumu ya kifungo cha miaka 15 aliopewa Athanase Seromba karibuni ibadilishwe kwa sababu anaamini mtuhumiwa huyo aliyekuwa padri wa Parokia ya Nyange, katika kijiji cha Kivumu alishiriki kwenye makosa ya jinai ya hali ya juu iliyohusika na mauaji ya halaiki. Kwa hivyo, Mwendesha Mashitaka angelipendelea Seromba anapewa adhabu kali zaidi.

Juhudi za Baraza Kuu kudhibiti biashara haramu ya almasi.

Mnamo mwanzo wa wiki Baraza Kuu la UM lilipitisha azimio la kuunga mkono Mpango wa Kimberley na kupendekeza utaratibu huo uendelea kuimarishwa kimataifa. Kabla ya azimio kupitishwa Mataifa Wanachama 192 wa UM walisikia ripoti ya mapitio kutoka Raisi Festus Gontebanye Mogae wa Botswana, Mwenyekiti wa mwaka huu wa nchi zilizoridhia na kuidhinisha Mpango wa Kimberley.

Wavusha magendo walisafirisha halaiki ya Wasomali kwenye Ghuba ya Aden

Shirika la UM juu ya Wahamiaji (UNHCR) limeripoti kwamba katika mwaka huu pekee Wasomali 22,000 walihatarisha maisha walipojaribu kuvuka Ghuba ya Aden, kutokea Usomali na kuelekea Yemen, kwa kutumia mashua zilizoregarega na zisiokuwa imara.

KM ahimiza kuwepo ushikiriano wa kimataifa kuisaidia Afrika kuepukana na umasikini

KM Kofi Annan Alkhamisi alitoa risala maalumu mjini Addis Ababa, Ethiopia mbele ya wajumbe waliohudhuria Mkutano juu ya Maendeleo ya Afrika, ambapo alionya ya kwamba pindi wahisani wa kimataifa watashindwa kushirikiana na UM pamoja na mataifa yanayoendelea kuisaidia Afrika kuimarisha maendeleo ya kiuchumi na kijamii kuna hatari ya bara hilo kunyimwa huduma za kuimarisha maendeleo ya kiuchumi na kijamii na, hatimaye, hata kunyimwa fursa ya kuyafikia, kwa wakati, yale Malengo ya Maendeleo ya Milenia (MDGs).

KM anaamini Afrika itafaidika kimaendeleo ikijifunza namna ya kupunguza ufukara kutoka kwa Wachina

KM wa UM Kofi Annan ameipongeza Uchina kwa kuahidi kuongeza, kwa mara mbili zaidi, misaada ya maendeleo kwa bara la Afrika itakapotimia 2009. Ahadi hii ilifikiwa na wawakilishi wa Serekali ya Uchina na viongozi wa Afrika waliohudhuria Mkutano Mkuu wa Baraza la Ushirikiano wa Uchina na Afrika uliofanyika majuzi mjini Beijing.

Ripoti ya UNDP ya Maendeleo ya Binadamu kwa 2006 yawakilishwa Afrika Kusini

Shirika la UM juu ya Miradi ya Maendeleo (UNDP) limewasilisha rasmi Alkhamisi mjini Cape Town, Afrika Kusini Ripoti ya Maendeleo ya Binadamu kwa 2006 iliyopewa muktadha usemao “Upungufu wa mahitaji uliovuka mipaka: mzozo wa maji ulimwenguni, ufukara na nguvu za mamlaka.”

Mapitio juu ya Mkutano Mkuu wa Kwanza wa Vijana katika UM

Wiki hii mamia ya vijana, kutokea Mataifa Wanachama 192 wa UM, walikusanyika kwa muda wa siku tatu katika Makao Makuu ya UM mjini New York na kujadiliana juu ya taratibu za kudhibiti mchango wao kwenye juhudi za kuyatekeleza Malengo ya Maendeleo ya Milenia (MDGs).