Ukuaji wa Kiuchumi

Matukio ya mwaka 2018 .

Leo Jumatatu ya tarehe 31 mwezi Desemba mwaka 2018, mwisho wa mwaka  jarida la Habari za Umoja wa Mataifa limemulika matukio muhimu ya mwaka huu wa 2018. Hata hivyo tumekuwekea pia habari zilizogongwa vichwa hii leo kutoka Jamhuri ya Kidemokrasia ya Congo, DRC, Yemen na Afghanistan.

Mwaka 2018 ulikuwa ‘tamu na chungu’ sasa tumeazimia kutokata tamaa 2019 - Guterres

Kuelekea mwaka mpya wa 2019, Katibu Mkuu wa Umoja wa Mataifa António Guterres ametumia salamu zake za mwaka mpya akifanya tathmini ya mwaka 2018 na matarajio yake kwa mwaka mpya.

Duka langu la vitambaa ni chanzo cha ajira pia kwa vijana Somalia- Amino

Harakati za ujenzi wa Somalia zikiendelea, wananchi wakiwemo wanawake wanachangia katika ukuaji wa uchumi wa nchi hiyo kwa kufanya biashara na kulipa kodi badala ya kusubiri misaada. 

Nchini Kenya, kinyesi cha binadamu chatumika kutengeneza mkaa mbadala

Shirika la Mazingira la Umoja wa Mataifa, UNEP linasema mkaa unaotengenezwa kwa kutumia kinyesi cha binadamu unadumu mara mbili zaidi ya mkaa wa kawaida na zaidi ya yote kiwango chake cha uchafuzi wa mazingira ni kidogo mno ikilinganishwa na kiwango cha uchafuzi wa hewa cha mkaa unaotokana na miti. 

Zilizovuma mwaka 2018

Mwaka 2018 ulighubikwa na changamoto nyingi hususan kwa nchi za Afrika, mizozo ikiendelea kukumba bara hilo sambamba na magonjwa. Hata hivyo kulikuwa na habari chanya, na kwa muhtasari tutaangazia pande zote za sarafu wakati huu ambapo tunafunga mwaka huu wa 2018.
 

FAO na AU zaungana kuondokana na  jembe la mkono Afrika

Shirika la chakula na kilimo duniani, FAO kwa kushirikiana na Muungano wa Afrika, AU wameandaa mfumo utakaowezesha kuzindua kilimo cha kutumia zana za kisasa za kilimo barani Afrika ili kuondokana na kilimo cha jembe la mkono na hivyo hatimaye kuongeza tija na kuvutia vijana kwenye sekta hiyo. 

Ardhi imesalia kuwa mkombozi wangu- Mkulima Somalia

Nchini Somalia, harakati za kuhakikisha wananchi wanashiriki kwenye shughuli za kiuchumi na kijamii zinaendelea kuzaa matunda kwa wananchi ambapo ofisi ya Umoja wa Mataifa nchini  humo, UNSOM inadhihirisha juhudi hizo kupitia mfululizo wa video zinazonesha wananchi wakishiriki harakati mbalimbali. 

FAO yainua wakulima wadogo wadogo Tanzania kwa kuwapa stadi za kilimo

Shirika la Chakula na kilimo duniani FAO kwa kushirikiana na serikali ya Tanzania wameungana kutelekeza mradi wa kuwafundisha wakulima wadogowadogo stadi za kilimo bora. Tayari zaidi ya wataalam 1000 wanaofanya kazi katika zaidi ya wilaya 137 nchini Tanzania wamefundishwa stadi hizo katika Chuo cha wakulima cha Mkindo kilichoko Morogoro. 

Azimio la haki za wakulima ni mkombozi kwa kundi hilo lililosahaulika- Bachelet

Kamishna Mkuu wa  haki za binadamu wa Umoja wa Mataifa Michelle Bachelet amekaribisha hatua ya Baraza Kuu la umoja huo kupitisha azimio la kimataifa kuhusu haki za wakulima na wafanyakazi wa mashambani.

UNHCR/UNDP: Heko Myanmar kwa kuidhinisha miradi 35 ya kijamii Rakhine

Mashirika ya Umoja wa Mataifa lile la kuhudumia wakimbizi UNHCR na la mpango wa maendeleo, UNDP leo wameipongeza serikali ya Myanmar kwa kuidhinisha utekelezaji wa miradi 35 ya kijamii ambayo itasaidia kuboresha maisha ya jamii zilizoathirika na machafuko nchini humo.