Mabadiliko ya Tabianchi

Mafuriko pembe ya Afrika yameongeza mahitaji ya kibinadamu-OCHA

Kumekuwa na mvua kubwa katika maeneo mengi nchi za pembe ya Afrika katika miezi michache iliyopita na hivyo kusababisha mafuriko na mahitaji ya kibinadamu hususan nchini Ethiopia, Sudan Kusini na Somalia imesema leo Ofisi ya Umoja wa Mataifa ya kuratibu misaada ya kibinadamu, OCHA.

Milima ni muhimu katika mabadiliko ya tabianchi na mnepo wa majanga:WMO

Milima mirefu zaidi duniani kuanzia Andes hadi Alps na ukanda wa milima  Himalaya-Hindu Kush  na Tibet hadi maeneo ya kitropiki imeathirika vibaya na mabadiliko ya tabianchi na athari hizo sasa zinashuka chini kwenye baadhi ya maeneo yenye idadi kubwa ya watu duniani.

Watoto 490,000 wameathirika na mafuriko Sudan Kusini:UNICEF

Watoto takriban 490,000 wameathirika na mafuriko makubwa nchini Sudan Kusini limeonya leo shirika la Umoja wa Mataifa la kuhudumia Watoto UNICEF na kuongeza kuwa mvua kubwa zilizoanza kunyesha tangu mwezi Julai mwaka huu zimeathiri jumla ya watu 908,000 katika kaunti 32.

Dola milioni 89.5 zahitajika kuwezesha Zambia kujikwamua na janga la kibinadamu- OCHA

Nchini Zambia, Umoja wa Mataifa na wadau wake wamezindua ombi la dola milioni 89.5 kusaidia nchi hiyo kukabiliana na janga la kibinadamu kwa miezi saba ijayo, janga ambalo limesababishwa na msimu mbaya wa mvua unaokumba taifa hilo tangu mwaka 1981 hususan kusini mwa nchi hiyo.

Ni bora tuzibe ufa badala ya kujenga ukuta, uhasama wa kibiashara kati ya Marekani na China-Guterress

Uhasama unaozunguka biashara kimataifa na teknolojia vinaendelea kupanda na jamii ya kimataifa inahitahi kufanya , “kila linalowezekana” kuzuia dunia kugawanyika katika pande mbili zikiongozwa na Marekani na China.

Kimbunga Hagibis kikiacha uharibifu mkubwa, UN yaiongeza Japan kwa mnepo

Wakati kimbunga Hagibis kilichotokana na upepo na mvua kubwa za Typhoon  na kusababisha uharibifu mkubwa na kupotea kwa maisha ya watu nchini Japan, Katibu Mkuu wa Umoja wa Mataifa ameipongeza Japan kwa kuwa na mnepo dhidi ya mabadiliko ya tabianchi.

Kuna hatua katika kudhibiti majanga kasi zaidi inahitajika:Guterres

Katibu Mkuu wa Umoja wa Mataifa Antonio Guterres amesema kuna hatua zinazopigwa kote duniani katika kudhibiti hatari ya majanga lakini ametoa wito kwa kuongeza jitihada zaidi hususani kuwasaidia jamii zisizojiweza.

Hatua dhidi ya mabadiliko ya tabianchi: harakati isiyoweza kukomeshwa

Baada ya mkutano wa ngazi ya juu kuhusu hatua kwa tabianchi uliotanguliwa na harakati za vijana kutaka hatua, Katibu Mkuu wa Umoja Mataifa Antonio Guterres aliweka tafakuri  yake kwenye tahariri iliyochapishwa na ubia wa vyombo vya  habari 170  wenye wasomaji zaidi ya mamilioni.

Taka zaweza kuwa mali kubwa zikitumika ipasavyo:UN

Taka zinaweza kuleta madhara makubwa kwa afya ya umma, mazingira na hali ya hewa , lakini katika zama hizi sayansi, teknolojia na ubunifu wa hali ya juu vinaweza kuleta suluhu ya gharama nafuu katika changamoto hiyo ya taka na kuisaidia miji na jamii kuziona taka kama ni fursa ya biashara . Huu ndio ujumbe wa maadhimisho ya siku ya makazi duniani ambayo kila mwaka hufanyika Oktoba 7.

Ukame wawalazimu Wasomali zaidi kufungasha virago kuingia Ethiopia: UNHCR

Hali mbaya ya ukame na usalama nchini Somalia imewalazimu maelfu wa watu kuendelea kufungasha virago tena na kukimbia nchi jirani ya Ethiopia kwa mujibu wa shirika la Umoja wa Mataifa la kuhudumia wakimbizi UNHCR.