Mabadiliko ya Tabianchi

Tatizo la athari za mabadiliko ya hali ya hewa kwenye miji

Ripoti ya Shirika la UM juu ya Makazi (UN-HABITAT) imeashiria ya kuwa katika mwaka 2007 tutashuhudia mabadiliko hakika kwenye tabia ya wanadamu, kwa ujumla, ambapo inaripotiwa fungu kubwa la umma wa kimataifa, utahajiri na kuukwepa utamaduni wa vijijini, kitendo ambacho kitawapatia umma huu utambulisho mpya na kujulikana kama viumbe vya miji, au kwa lugha ya KiLatina homo urbanus.

Athari za nishati ya vitu hai kuzingatiwa na UM

Nishati ya kisasa, ya vitu hai (bioenergy), ina uwezo wa kutosheleza mahitaji ya umeme na kuboresha ,aisha ya watu bilioni 1.6 kote duniani, na vile vile ina uwezo wa kuwapatia umeme watu bilioni 2.4 ziada ambao kawaida hutegemea nishati za kijadi zinazotokana na mabaki ya wanyama na mimea.

Baraza la Usalama kuzingatia, kwa mara ya kwanza, athari za mabadiliko ya hali ya hewa duniani

Wataalamu wa kimataifa katika fani ya sayansi wanaashiria ya kuwa mali ya asili ya maji, pamoja na ardhi, zitaendelea kuadimika polepole katika siku zijazo. Kadhalika inakhofiwa mabadiliko ya hali ya hewa, hali kadhalika, kama hayajadhibitiwa mapema, huenda yakazusha maangamizi yasiorudishika na kugeuza milele sura ya sayari yetu.

Mwaka 2006 ulihanikiza joto la kihistoria

Shirika la UM juu ya Utabiri wa Hali ya Hewa Duniani, (WMO), limethibitisha kwenye ripoti ya karibuni kwamba hali ya joto kwa mwaka 2006 ilifurutu ada, na ilikiuka kipimo cha wastani cha halijoto katika mazingira ya kimataifa.

Haki halali za wenyeji wa asili, na athari za mabadiliko ya hali ya hewa

Baraza jipya la UM juu ya Haki za Binadamu lilipitisha, mnamo tarehe 29 Juni 2006, Azimio la Mwitiko wa Kuimarisha Haki za Wenyeji wa Asli Duniani. Azimio hili lilifanikiwa kupitishwa baada ya kufanyika kampeni ya miaka ishirini ziada, ambapo jumuiya zinazowakilisha jamii za wenyeji wa asili zilishirikiana na taasisi za Umoja wa Mataifa kadha wa kadha, na hatimaye, kuweza kuratibu mswada wa kuridhisha uliokuwa na makusudio ya kuwapatia wenyeji wa asili ulinzi wa kisheria na hifadhi bora ya haki za kimsingi, na za kijadi, halkadhalika. ~~

WFP yashtumu mashambulio dhidi ya misfara yake nchini Chad

Shirika la UM juu ya Miradi ya Chakula Duniani (WFP) limeshtumu vikali utekaji nyara na mashambulio yaliyofanyika mwisho wa wiki iliopita, dhidi ya misafara ya magari matupu 48 yaliokuwa yakirejea katika mji wa Khufra, Libya ya kusini kutokea Chad ya Mashariki. Haya ni mashambulio ya tatu dhidi ya misafara ya WFP katika miezi miwili iliopita.

Mshoni wa Zambia kutunikwa zawadi ya UM kwa kupiga vita UKIMWI

Jonsen Habachimba, mshoni kutoka Zambia pamoja na shirika linalojulikana kama Jumuiya ya Maendeleo ya Vijiji ya Mboole (Mboole Rural Development) wametunukiwa zawadi ya dola 20,000, ikiwa ni tunzo la awali la UM kwa mashirika ya kiraia yanayojitolea kushiriki kwenye juhudi muhimu za kupambana na UKIMWI.

Kenya kuchachamaa kutunza mazingira dhidi ya uharibifu wa hali ya hewa

KM wa UM Kofi Annan alipohutubia kikao cha wawakilishi wa Hadhi ya Juu kwenye Mkutano Mkuu juu ya Mabadiliko ya Hali ya Hewa alisisitiza ya kuwa ni lengo la jamii ya kimataifa kuhakikisha kuwepo maelewano mazuri miongoni ya watu, na vile vile kuhakikisha kuna mlingano wa kimaumbile kati ya wanadamu na mazingira asilia, mazingira ambayo uhai wetu huyategemea kumudu maisha.

Mapitio ya Mkutano wa UM juu ya Mabadiliko ya Hali ya Hewa Ulimwenguni

Kuhusu ripoti nyengine zinazoambatana za Mkutano wa Nairobi, Yvo de Boer, Katibu Mtendaji wa Taasisi ya UM ya Mfumo wa Mkataba juu ya Mabadiliko ya Hali ya Hewa Ulimwenguni (UNFCCC) alinakiliwa akisema aliridhika na mafanikio yaliopatikana kwenye Mkutano wa UM juu ya Mabadiliko ya Hali ya Hewa Ulimwenguni.

Mukhtasari wa Mkutano Mkuu kusailia uharibifu wa hewa duniani

Mkutano wa 12 kwa Mataifa 189 Yalioridhia Mkataba wa Hifadhi Dhidi ya Uharibifu wa Mabadiliko ya Hali ya Hewa pamoja na kuidhinisha Mkataba wa Kyoto ulianzishwa rasmi mwanzo wa juma mjini Nairobi, Kenya ambapo kulizingatiwa hatua za kudhibiti kipamoja athari za mabadiliko yaliyoletwa na uchafuzi wa hewa duniani.