Mabadiliko ya Tabianchi

UN yatoa dola milioni 13 kwa waathirika wa Kenneth Msumbiji, watu 38 wapoteza maisha

Fedha za msaada zilizotolewa na Umoja wa Mataifa zitasaidia kuhakikisha chakula , malazi, huduma za afya na maji safi vinapatikana kwa waathirika wa kimbunga Kenneth nchini Msumbiji. Nchi hiyo ina watu 18,000 waliotawanywa na kimbunga Kenneth ambao hivi sasa wanapata hifadhi kwenye makazi ya muda. Watu38 wamefariki dunia kufuatia kimbunga hicho kufikia sasa.

Watoto 368,000 wako hatarini Msumbiji baada ya kimbunga Kenneth:UNICEF

Shirika la Umoja wa Mataifa la kuhudumia Watoto UNICEF limeonya kwamba watoto na familia zao nchini Msumbiji wanaweza kukabiliwa na hatari ya kifo kutokana na mafuriko makubwa na maporomoko ya udongo baada ya shirika la Umoja wa Mataifa la utabiri wa hali ya hewa WMO kuonya kwamba mvua kubwa itaendelea kunyesha. Katibu Mkuu wa Umoja wa Mataifa anatarajiwa kuzuru hivi karibuni nchini humo.

Uimarishaji amani Sahel uende sambamba na misaada ya kimkakati- FAO

Mkurugenzi Mkuu wa shirika la chakula na kilimo duniani, FAO José Graziano Da Silva aliyeko ziarani  nchini Senegal, amesema harakati zote za kusaka amani ya kudumu kwenye eneo la Sahel lazima ziende sambamba na uwekezaji mkubwa katika maendeleo vijiijni na kilimo.

Ni wakati wa kuijali dunia hii kwani sasa iko hatarini- Maria Fernanda Espinosa.

Rais wa Baraza Kuu la Umoja wa Mataifa, Maria Fernanda Espinosa kupitia maadhimisho ya siku ya kimataifa ya sayari Dunia yaliyofanyika kwenye Makao Makuu ya Umoja wa Mataifa mjini New York Marekani hii leo,  ametoa tahadhari kuwa “dunia yetu iko katika hatari kubwa na sasa ni wakati wa kuijali sayari hii.”

Watoto ni waathirika wakubwa mwezi mmoja tangu kimbunga Idai-UNICEF

Mwezi moja tangu kimbunga Idai kukumba nchi za Msumbiji, Malawi na Zimbabwe, Shirika la Umoja wa Mataifa la kuhudumia watoto, UNICEF, limetoa ombi la dola milioni 1.6 kusaidia watoto ambao wanaibuka kutoka athari zake mwezi mmoja tangu kimbunga hicho.

Hewa chafuzi zinasababisha bahari kukosa oksijeni

Uchafuzi wa mazingira utokanao na hewa chafuzi hivi sasa umebadili maisha ya viumbe vya bahari ikiwemo samaki waliozoeleka kuishi kwenye vina vya chini zaidi ya bahari.

Mbinu bunifu zahitajika kukabili tatizo la ukosefu wa maji- FAO

Mkurugenzi Mkuu wa shrika la chakula na kilimo duniani, FAO José Graziano da Silva ametaka kuwepo kwa mbinu bunifu zaidi ili kuweza kukabiliana na tatizo la uhaba wa maji kwa nchi za kaskazini mwa Afrika na Mashariki ya Karibu, NENA.

Kampeni ya chanjo ya kipindupindu yaanza Msumbiji.

Shirika la afya duniani WHO, shirikisho la kimataifa la chama cha msalaba mwekundu na mwezi mwekundu IFRC, Madaktari wasio na mipaka MSF na shirika la Save the Children wanaisaidia serikali ya Msumbiji kupitia Wizara ya afya ya Msumbiji  wameanza leo  kusambaza chanjo ya matone ili kudhibiti kipundupindu na  kuwalinda manusura wa kimbunga Idai mjini Beira nchini Msumbiji.

Wiki chache zijazo ni muhimu sana kwa msaada Msumbiji-WHO

Mkurugenzi wa shirika la afya ulimwenguni WHO kanda ya Afrika Dkt. Matshidiso Moeti, leo ameshuhudia juhudi za misaada ya kuokoa misha katika kukabiliana na athari za kimbunga Idai kwenye mji wa Beira nchini msumbiji.

Idadi ya waliokuwa na njaa 2018 ilipungua ingawa idadi ya nchi imeongezeka - ripoti

Idadi ya watu waliokabiliwa na uhaba wa chakula mwaka 2018 ilipungua hadi kufikia milioni 113 ikilinganishwa na watu milioni 124 mwaka uliotangulia wa 2017.