Mabadiliko ya Tabianchi

Mataifa yanajiandaa kubuni mfumo mpya wa kudhibiti bora mabadiliko ya hali ya hewa

Mkutano wa Tatu wa Dunia juu ya Udhibiti Bora wa Mabadiliko ya Hali ya Hewa (WCC-3) unatarajiwa kufanyika Geneva, Uswiss kuanzia tarehe 31 Agosti hadi Septemba 04, 2009.

WTO/UNEP yametoa ripoti inayothibitisha fungamano hakika kati ya biashara na mabadiliko ya hali ya hewa

Shirika la Biashara Duniani (WTO) na Shirika la UM juu ya Hifadhi ya Mazingira (UNEP) yametangaza bia ripoti mpya yenye kuelezea, kwa mara ya kwanza, fungamano ziliopo baina ya biashara ya kimataifa na athari za mabadiliko ya hali ya hewa.

Janga la Nzige Wekundu ladhibitiwa Afrika Mashariki: FAO

Juhudi za dharura, zinazoungwa mkono na UM, kudhibiti bora tatizo la kuripuka janga la Nzige Wekundu katika Jamhuri ya Muungano wa Tanzania, zimeripotiwa karibuni kufanikiwa kuwanusuru kimaisha mamilioni ya wakulima, baada ya kutumiwa, kwa kiwango kikubwa, ule utaratibu wa kuangamiza kianuwai vijidudu hivi vinavyokiuka mipaka na kuendeleza uharibifu wa kilimo pamoja na kuzusha njaa.

Ripoti ya kisayansi kuonya walimwengu, mabadiliko ya hali ya hewa duniani sio mzaha

Wataalamu wa kimataifa wa katika fani ya sayansi, juzi waliwasilisha ripoti mpya yenye kusisitiza kwamba mabadiliko ya hali ya hewa, yalioripotiwa kujiri kimataifa katika miaka ya karibuni, ni matukio hakika kwenye mazingira na sio mnong’ono wala makisio.

Mawasiliano ya simu za mikononi yatazamiwa kuhamasisha mapinduzi kwwenye utabiri wa hali ya hewa Afrika

Baraza juu ya Misaada ya Kiutu Duniani, na Raisi wake, KM wa UM mstaafu Kofi Annan, akijumuika na kampuni ya mawasiliano ya Ericsson, Shirika la UM juu ya Utabiri wa Hali ya Hewa Duniani (WMO), na vile vile kampuni ya mawasiliano ya simu za mkononi, Zain, pamoja na Taasisi ya Huduma za Maendeleo Duniani ya Chuo Kikuu cha Columbia, Marekani wote pamoja wametangaza, leo hii, taarifa ya kufadhilia mradi mkuu, unaojulikana kama "Mradi wa Taarifa za Hali ya Hewa kwa Wote", ambao ukitekelezwa una matumaini ya kuwasilisha mapinduzi ya kuridhisha katika kuimarisha zaidi uwezo wa kusimamia mtandao wa utabiri wa hali ya hewa, hususan kwenye yale mazingira yanayoendelea kuathiri hali ya hewa barani Afrika.

Siku ya Dunia Kupiga Vita Kuenea kwa Jangwa

Tangu 1995 UM unaihishimu tarehe 17 Juni, kila mwaka, kuwa ni Siku ya Kupiga Vita Kuenea Kwa Jangwa. Ripoti za UM juu ya tatizo la kueneza majangwa, kutokana na matumizi badhirifu ya ardhi, inaashiria watu milioni 200 watalazimika kuhama makazi katika mwaka 2050 kutakakosababishwa na mabadiliko ya katika mazingira.

Maendeleo kupatikana kwenye mkutano wa kudhibiti mabadiliko ya hali ya hewa

Mkutano wa UM uliofanyika Bonn, Ujerumani mwezi huu, kuzingatia masuala yanayohusu Mabadiliko ya Hali ya Hewa Duniani, umemalizika Ijumaa ya leo na iliripotiwa kumepatikana mafanikio ya kuridhisha katika maandalizi ya waraka wa ajenda ya majadiliano, kwa kubainisha dhahiri matarajio ya serikali wanachama kutoka Mkutano ujao wa Copenhagen, ili kuharakisha udhibiti bora wa taathira za mabadiliko ya hali ya hewa kimataifa.

Nabarro ahadhirisha, afya isiotunzwa ya mifugo huathiri wanadamu kwa mapana na marefu

Mratibu wa Mradi wa UM Kupambana na Homa za Mafua na Mzozo wa Chakula Duniani, Dktr David Nabarro, amenakiliwa akihadharisha, kutokea Vienna, Austria ya kwamba afya ya mifugo ni muhimu sana katika kudumisha maisha bora kwa wanadamu.

Mashirika ya huduma za kiutu yataka kuanzishwe miradi ya kuhifadhi raia na athari za mabadiliko ya hewa

Mashirika 18 ya UM yenye kuhudumia misaada ya kiutu, yakichanganyika na mashirika wenzi mengineyo yalio wanachama wa ile Kamati ya Kudumu ya Jumuiya Zinazotegemeana (IASC), yamependekeza kujumuishwa kwenye mkataba utakaofuatia Mkataba wa Kyoto, yale masuala yanayohusu athari haribifu dhidi ya wanadamu, zinazoletwa na mabadiliko ya hali ya hewa.

UNEP kuanzisha mradi mpya kuhishimu wajasiri wa kudhibiti mabadiliko ya hali ya hewa

Shirika la UM juu ya Hifadhi ya Mazingira (UNEP) limeanzisha mradi maalumu wa kuihishimu ‘Siku ya Mazingira Duniani’ utakaowatambua wale watu wanaoshiriki kwenye juhudi mbalimbali za uvumbuzi mpya na usio wa kawaida wa kuamsha hisia za umma kutunza mazingira.